Қазақтың жері халқымның жүрегі, 8 сынып

Қызылорда облысы

Жаңақорған ауданы

Бесарық ауылы

Ж.Қыдыров атындағы №54жалпы орта мектебінің

математика және информатика пән мұғалімі Айменова Меруерт

Тақырыбы: Қазақтың жері - халқымның жүрегі.

(Тәуелсіздіктің 27 жылдығына арналған)

Тәрбие сағатының мақсаты:

Жас жеткіншектерді еліміздің тәуелсіздік алғалы 27 жыл ішінде жеткен табыстарымен таныстырып, білімдерін нығайту.

Отанын құрметтей білетін, болашақта Қазақстанды өркендетуге өз үлесітерін қосатын азамат тәрбиелеу.

Тәрбие сағатының көрнекілігі: Шар, суреттер, слайд, бейне баян

Кіріспе:

Мұғалім сөзі: Міне көзді ашып жұмғанша, Қазақ халқы тәуелсіздіктің 27 жылдығын тойлап жатыр. Тәуелсіздікке жету –оңай жолмен келген жоқ, ол бәрімізге мәлім. Бұл қазақ халқының ғасырлар бойы көздеген арман-мұраттарының орындалуы. Қазіргі таңда, Қазақстанның өзіндік үні, пікірі, мәртебесі бар. Біз әлемдік деңгейде аяғымызды сенімді басып,басқа елдер бізбен санасатын мемлекетке айналдық. 27 жыл ішінде жеткен жетістіктердің маңыздылығын бағалай отырып, біз болашаққа сеніммен қарай аламыз.

Хор: Әнұран орындалады

1-жүргізуші: Құрметті ұстаздар, оқушылар! Бүгін біз еліміздің сан мың жылдар бой армандаған, сол жолда ғасырлар бойы найзаның ұшымен, ерлердің ерен ісімен келген тарихымызда алтын әріптермен жазылып қалатын «Тәуелсіздік» күні мерекесіне арналған «Қазақтың-жері, халқымның жүрегі» атты тәрбие сағатымызды бастаймыз.

2-жүргізуші:

Армандарды жақындатып тым алыс,Біздің жаққа жеткен екен жылы ағыс.Егемендік - ел бақыты, ертеңі,О, халайық! Құтты болсын қуаныш!Азат өлкем күндей күлген шығыстан,Асыл елім жан - жүректі ұғысқан.Ата бабам аңсап өткен бақытым,Айналайын, Қазақстан - Гүлстан!

1-жүргізуші:

«Тәуелсіздік жарығы» атты шағын көрінісімізді тамашалаңыздар.Немересі: Әже, әже далада адамдар салют атып, қуанып жатыр, ол ненің мерекесі?Әжесі: Ол тәуелсіздіктің белгісі ғой, балам.Немересі: Онда маған өткен өміріңізді айтып бересіз бе?Әжесі: Мен өткен өмірімді айтсам, басым ауырады.Немересі: Онда тынығып алайық.(Тынығып жатқан немересі түс көреді)Немересі: Әже, әже мен түсімде жарық күннің көзін көрдім.Әжесі: Ол тәуелсіздіктің белгісі ғой.Немересі: Онда мен достарымнан сүйінші сұрап келейін.Сүйінші, сүйінші тәуелсіздіктің жарық күні шықты!

Айшуақ:Тәуелсіздік.

Тәуелсізбін мен бүгін,

Келді, міне азаттығым, теңдігім.

Бостандықта байлығым мен ендігім,

Шешіл енді шемен болған шерлі үнім!

Өзіңдікі -Елің де,

Өзіңдікі – Жерің де

Өзіңдікі өзің еткен Тәуелсіздік төріңде!

2-жүргізуші:

Кең байтақ, көз жетпейтін жерім меніңТаулы орман, жасыл жайлау көлім меніңБүгінде бар әлемге даңқың жеттіТәуелсіз Қазақстан – елім меніңӘн: «Көкке өрле» орындайтын Сқақ Динара

1-жүргізуші: Ата-бабамыз аңсаған сол тәуелсіздік алғанымызға 27 жыл толғалы отыр. 16 желтоқсан 1991 жылы республикамыз егемендік алды. Еліміз егемендік алғаннан бергі жылдарға шолу жасайық. (класстер құрастыру)

1-оқушы:1991 жыл-нарықтық экономикаға көшкен жыл.

2-оқушы:1992 жыл-Біріккен Ұлттар Ұйымына және басқа да ірі халықаралық ұйымдарға мүше болып қабылданды.