Қазіргі заман оқушысының мұғалімі туралы 2 сынып эссесі

Қазіргі заман оқушысының мұғалімі қандай болу керек? (Эссе)

Ұстаз… жаратылысынан өзіне айтылғанның бәрін жете түсінген, көрген, естіген және аңғарған нәрселердің бәрін жадында жақсы сақтайтын, ешнәрсені ұмытпайтын… алғыр да аңғарымпаз ақыл иесі…, мейлінше шешен, өнер-білімге құштар, аса қанағатшыл жаны асқақ және ар-намысын ардақтайтын, жақындарына да, жат адамдарына да әділ…, жұрттың бәріне… жақсылық пен ізгілік көрсетіп…қорқыныш пен жасқану дегенді білмейтін батыл, ержүрек болуы керек. Әл-Фараби Өмірдегі көп мамандықтардың ішінде жан-жақты білімділікті,икемділікті , шеберлікті, ерекше шәкірт жандылықты, мейірімділікті қажет ететін мамандық-ұстаздық мамандық. Олай дейтінім, ұстаз жүгі-ауыр жүк. Бүгінгі ұстаз шәкіртіне ғылым негіздерінен мәлімет беріп қана қоймай, оны дүниежүзілік білім, ақпарат, экономика кеңістігіне шығуға, яғни қатаң бәсеке жағдайында өмір сүруге тәрбиелеу керек. Ұстаз атана білу, оны қадір тұту, қастерлеу, арындай таза ұстау-әр мұғалімнің борышы. Ол –өз кәсібін, өз пәнін, барлық шәкіртін, мектебін шексіз сүйетін адам. Мұғалім шеберлігі жайлы жазылған дайын қағида жоқ, болуы да мүмкін емес. Мұғалімге тән ең бірінші қасиет – баланы құрметтеу. Оның адамшылық ар-ожданын, намысын, тұлғасын жасына қарамай сыйлау, құрмет тұту.

Менің түсінігімдегі ұстаз – рухы таза, ой – өрісі биік, ұлты мен Отанының болашағы үшін тер төгіп, шыдамдылық пен табандылықтың үлгісін көрсетуші. Сапалы білім негізі әрине ол жан – жақты ақпараттық материалдарды, көрнекті құралдар мен ұтымды технологияларды, тиімді әдіс – тәсілдерді пайдалана отырып, бойларына сіңірту.

Менің мамандығым - мұғалім. Қазір жас маманмын - болашақта ұлағатты ұстаз болу басты арманым. Қиындығы мен қызығы мол осы мамандықты бала күнімнен армандадым. Адам баласына көмектесу - игілікті істердің бастамасы екенін сезінгендеймін. Менің алға қойған мақсатым - білікті ұстаздардың қатарынан көріну, білімді жастар тәрбиелеу.Оқушыларды алға қойған мақсаттарына ұмтылдырып,үлгермеушілерді жақсы оқушылар санататына қосу жолында еңбектеніп,қиын оқушыларды тәрбиелі оқушылар қатарына қосу, дарынды оқушыларды биіктерден көрсету жолында аянбай тер төгу. Тұрмысы төмен,толық емес отбасында дүниеге келген,мінез,тәртіптегі кемшіліктері бар,қиын оқушыларды түзу жолға салып,оладың жүректеріне ізгілікті,мейірімділікті,парасаттылық қалыптастыру.Мұғалім - мектеп жүрегі болса, оның беделі мектептің беделі. Ал, мектеп - мемлекеттің басты…