ҚазҰУ-дағы алғашқы әсерлер туралы шет тілі мақаласы

ҚазҰУ — арманымның алғашқы баспалдағы

Механика-математика факультеті, АкМ24-2а Абубакирова Гүлбахрам Жолдасбекқызы

Academic adviser — Senior Lecturer of the Department of Foreign Languages, Zhubanova Kulyash Harezmovna

Жоғары оқу орнына түсу әр түлектің үлкен арманы десем, қателеспеймін. Сол арман жолында талай тер төгіліп, үміт пен сенім қатар жүретінін өз басымнан өткердім. Енді міне, әл-Фараби атындағы Қазақ ұлттық университетінің 1-курс студентімін. Қазіргі таңда Механика-математика факультетінде “Математика-статистика” мамандығы бойынша білім алып жатырмын.

ҚазҰУ — есімі елге мәлім, тарихы терең, болашағы жарқын білім ордасы. Мұнда оқуға түскен сәттен бастап, өмірімде үлкен бетбұрыс басталғанын сездім. Университетке алғаш келген күн көз алдымда — алып кампус, жайқалған ағаштар, зыр жүгірген студенттер, бәрі де ерекше бір атмосферамен қарсы алды. Әл-Фарабидің мүсініне қарап, “міне, мен де осындамын” деп ішімнен мақтанышпен айтқаным есімде.

Механика-математика факультеті — ғылым мен логиканың тоғысқан ордасы. Бұл факультетте шынайы математикаға деген қызығушылығы бар, санмен сөйлейтін, дәлдік пен тәртіпті жаны қалайтын студенттер оқиды. Мұндағы ұстаздар — өз ісінің мамандары, кез келген сұрағыңа жауап беріп, бағыт-бағдар көрсетуден жалықпайды. Әрбір дәріс — ой салатын, тереңге жетелейтін, сананы жаңартатын білім бұлағы секілді.

Математика-статистика мамандығы — қазіргі заманда аса өзекті, сұранысқа ие бағыттардың бірі. Бұл мамандық тек есеп-қисаппен шектелмейді. Ол — талдау жасау, логикалық ойлау, шешім қабылдау сияқты маңызды қабілеттерді дамытады. Осы мамандықты таңдағаныма еш өкінбеймін. Себебі статистиканы зерттеу арқылы өмірдегі құбылыстарға басқа қырынан қарауға мүмкіндік аласың. Әрбір мәліметтің артында бір сыр жатыр, ал сол құпияны ашу — мен үшін нағыз қызық дүние.

Бірінші курста оқу оңай емес. Жаңа ортаға бейімделу, оқытушылардың талаптарына үйрену, уақытты тиімді пайдалану секілді көптеген сынақтар болды. Бірақ ҚазҰУ-дың жылы қабағы, студенттік өмірдің ерекше ырғағы мені шабыттандырды. Мұнда тек білім алып қана қоймайсың, тұлға болып қалыптасасың.

Факультет ішіндегі түрлі ғылыми үйірмелер, математикалық сайыстар мен студенттік ұйымдар — бәрі де өз қабілетіңді ашуға үлкен мүмкіндік береді. Достарыммен бірге жатақханадағы түнгі дайындықтар, кітапханада өткізген ұзақ сағаттар, кампустағы серуендер —…