ҚазҰУ-ым ыстық ұям тақырыбындағы имидждік мақала

ҚазҰУ-ым – ыстық ұям.

ҚазҰУ – мүмкіндіктер мекені. Сондықтан, қазіргі таңда Әл-Фараби атындағы Қазақ Ұлттық университетіне оқуға түсу барлық жас түлектің арманы екені анық. Дәл солай менің де арманым осы университетке оқуға түсу болатын. Арманыма жетіп, осы университеттің дарынды студенттерінің бірі атандым. Университеттің бакалаврын сәтті аяқтап, биылғы оқу жылында магистратураға «Математика» мамандығына оқуға түстім. Бұл университеттің артықшылықтары туралы сөзбен айтып жеткізу мүмкін емес! Олай деуімнің себебі, барша түлектердің арманы болған бұл университет Ұлыбританияның халықаралық рейтингтік агенттігінің зерттеу нәтижелері бойынша 2016 жылы әлемнің үздік 250 университетінің қатарына енген. Сондай-ақ, Әл-Фараби атындағы Қазақ Ұлттық университетін – «Қазақстанның жетекші классикалық университеті мәртебесіне ие Қазақстан білімі мен ғылымының ірі орталығы, жоғары кәсіби, жоғары оқу орнынан кейінгі білім мен ғылымның инновациялық дамуының ұлттық көшбасшысы» деп айтар едім. Сонымен қатар, бұл университетке түлектердің қызығуларының бірден бір себебі Әл-Фараби атындағы Қазақ Ұлттық университеті – әлемдегі ең озық технологиялық 50 университеттің бірі болғандықтан деп ойлаймын. Сондай-ақ, ҚазҰУ – ды студе

Жоғарыда айтып өткендей, менің сүйікті ҚазҰУ-ым туралы сөзбен айтып жеткізу мүмкін емес. Осы университетке оқуға түсіп, білім алып жүргеніме өте қатты қуаныштымын. Өскелең ұрпаққа да осы университетке түсуге кеңес беремін. Менің әлі ішімде айтылмай жатқан сөздерім қаншама. Дегенмен, қысқа болса да осы ыстық ұяма жүректен шыққан төмендегі өлең шумақтарын арнаймын:

ҚазҰУ-ым – айбынды асқақ ордам,

Абырой, бәсің биік басқалардан.

Толағай толқындарға білім бердің,

Беделіңді қылады жастар арман.

Тәрбие, тәлім алып жайнап жүрдім,

Студенттік шағыммен сайран құрдым.

Алақандай ауылдан келгенді де,

Алатаудай тұлғаға айналдырдың.

Өзіңде білім алып бақытты едім,

Өткіздім пайдалы етіп уақыт белін.

Жүзден жүйрік атанып аламанда,

Сеніміңді ақтайды шәкірттерің.

Әлем білер көшбасшы атағыңды,

Көбейттің өнегелі қатарымды.

Жастарға жігер сыйлап рухы биік,

Жасай бер болашаққа сапарыңды!

Әл-Фараби атындағы ҚазҰУМеханика-математика факультетіМатематика мамандығының

1-курс магистранты Қайрат Г.

Әл-Фараби атындағы ҚазҰУФилология факультетінің

оқытушысы Куралова А.Т.