Қиял арманға жетелейді сабақ жоспары 4-сыныпқа

«Өзін-өзі тану» сабағының жоспары

Мектеп : № 12 бастауыш мектеп Мерзiмі: 03.10.2016

Мұғалiм: Туркменбаева Гульмира

Сынып: 3 «Д » Оқушылар саны : 24 № 5 тақырып: Қиял арманға жетелейді

Құндылық : дұрыс әрекет

Қасиеттер: ұқыптылық, құштарлық, еңбекқорлық.

Сабақтың мақсаты: қиял мен арман жөнінде айта отырып, дұрыс әрекет құндылығының мәнін ашу.

Міндеттері:

Білімділік: Оқушыларға қиял, арман туралы түсінік бере отырып, өмірге деген құштарлықтарын арттыру.

Дамытушылығы:оқушылардың еңбек ету іскерліктерін және қиялдау қабілеттерін дамыту.

Тәрбиелігі: Оқушыларды ұқыптылыққа,құштарлыққа еңбекқорлыққа тәрбиелеу.

Сабақ барысы:

1.Ұйымдастыру кезеңi.

Түстер арқылы топқа бөлу.

5 «Т» ережесі қайталау.

Тыныштық сәтi. Нұрға бөлену.

Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз.

Ойша айтыңыз: «Мен нұрлымын… Нұр менің ішімде… Мен Нұрмын».

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет.

2.Үй тапсырмасын тексеру

Қ.Мырза Әли «Арман мен ақыл» өлеңін оқып келу.

Сұрақтар:

- Қиял , арман дегенді қалай түсінесіңдер?

- Өз арманыңды қалай жүзеге асыра аласың?

- Арманды жүзеге асыру үшін не істеу керек?

-Қиялдап, армандаған кездерің болды ма?