Қиын жағдайға тап болған оқушылармен жұмыс семинары

Өмірдің қиын жағдайына тап болған кәмелетке толмағандарға психологиялық-педагогикалық қолдау көрсету жұмыстарын ұйымдастыру

Өмірде қиын жағдайға тап болған балалар - қалыптасқан күрделі ахуалдың салдарынан өмір сүру тіршілігі бұзылған балалар. Олар бұл жағдайды өз беттерімен немесе отбасының көмегімен шеше алмайды. Бала (отбасы) мынадай негізде өмірдің қиын жағдайына тап болған деп танылады: Жетімдік, ата-аналық қамқорлықтың болмауы, кәмелетке толмағандардың қадағалаусыз қалуы, оның ішінде мінез-құлықтың ауытқуы, баланың туғаннан үш жасқа дейін ерте психофизикалық даму мүмкіндіктерінің шектелуі, дене және ақыл-ой мүмкіндіктеріне негізделген организм қызметтерінің тұрақты түрде бұзылуы, әлеуметтік маңызы бар ауру мен қоршаған ортаға қауіп төндіретін аурулар салдарынан.

Өмірде қиын жағдайға тап болған балалармен жұмыс жасау мақсаты:

Өмірде қиын жағдайға тап болған балаларға әлеуметтік психологиялық қолдау көрсету ;

Өмірде қиын жағдайға тап болған балалардың отбасымен жұмыс істеудің, ата-ана мен бала арасындағы жағымды қарым-қатынасты орнатудың тиімді әдіс-тәсілдерін, жаңа жолдарын іздестіру;

Қиын өмірлік жағдайға тап болған балаларға, олардың отбасына қамқорлық жасау, өмірге деген көзқарасын ояту.

Міндеті:

Баланың отбасында тұлға ретінде қалыптасып дамуына әлеуметтік-педагогикалық және психологиялық проблемалардың жағымсыз әсер етуін анықтау және зерттеу;

Ата-аналарды бала тәрбиесіне қатысты міндеті мен құқығын, бала құқығын орындауда құқықтық көмектер беру;

Отбасының жағдайын зерттеу нәтижелері бойынша өмірде қиын жағдайға тап болған балаларға, отбасыларына қажетті көмек беру.

Жұмыс істеу әдістері

Бақылау

Анықтау

Көмек беру

Қолдау

Әңгімелесу

Кеңес беру

Жұмыстың алғашқы кезеңі

Өмірде қиын жағдайға тап болған балаларды анықтау, толық мәлімет жинау және сараптама жасау;

Баланың қызығушылығын анықтау;

Отбасымен жұмыс жасаудың жаңа жолдарын қарастыру, жоспар құру;

Жұмыс бағыттары

Психологиялық кеңес беру

диагностика жүргізу

Түзете-дамыту жұмыстары

Психологиялық ағарту

Психологиялық кеңес беру

Білім алушылардың ортаға бейімсіздігінің алдын алу, бейәлеуметтік мінез-құлықтарының алдын алу, түзету бойынша кеңестер беру.

Диагностика жасау

Баланың жеке портретін қалыптастыру, өзін-өзі бағалау деңгейін, жеке басының проблемаларын, ерекшелігін, басқа балалармен қарым-қатынасқа түсуде кездесетін қиындықтарын, өмірде қиын жағдайға тап болу себептерін анықтау .

Түзету-дамыту жұмыстары

Тәртібін бақылай алуға, қоршаған ортада өзін ұстай білуге үйрену, айналасындағыларға мейірімді, рухани көзқараспен қарауға, өзіне, өзінің болашағына деген жақсы көзқарасын қалыптастыруға жету жолдарын таңдауға көмектесу, дамыту .

Психологиялық ағарту

Білім алушылар мен олардың ата-аналарының әлеуметтік- психологиялық, құқықтық, педагогикалық мәдениетін, білімін көтеру бағытында дәрістер оқу

Өмірде қиын жағдайға тап болуына қандай себептер болуы мүмкін?

Ата-анасының ажырасуы

Ата-анасынан айырылуы (өлім)

Отбасындағы материалдық жетіспеушілік, баланың қажеттілігін қанағаттандырмау

Отбасы қолайсыздығы, ата-ананың ішімдікке, нашақорлыққа әуес болуы

Денсаулығына байланысты мүмкіндігінің шектелуі (бала немесе ата-ана)

Туған баласынан бас тарту. Қаңғыбастық. Ата-ананың бала тәрбиелеудегі жауапкершілігінің жоқтығы немесе тиісті деңгейде болмауы

Ата-анасы қамауда отырғандар, ата-аналары ұзақ уақыт емделіп жатқандар, ата-аналық құқықтарынан шектелген, ата-аналары іздеуде немесе із-түзсіз жоғалып кеткендер.

Өмірде қиын жағдайға тап болған балаларға арнаулы әлеуметтік қызмет көрсету бағыттары

Әлеуметтік-тұрмыстық қызметтер

Әлеуметтік-медициналық қызметтер

Әлеуметтік –психологиялық қызметтер

Әлеуметтік-педагогикалық қызметтер

Әлеуметтік –экономикалық қызметтер

Әлеуметтік-құқықтық қызметтер

Балаларды тұрмыстағы тіршілік әрекетін қолдауға бағытталған жұмыстар

Баланың білім алу үшін қажетті жағдай жасау, оның денсаулығына, физикалық, психикалық, адамгершілік және рухани дамуына қамқорлық жасау;

Отбасына көмек ретінде оқушыға мектептен берілетін тегін тамақ, материалдық көмек ұйымдастырылады.

Баланың жеке жағдайын ескере отырып, денсаулығын қолдауға және жақсартуға бағытталған жұмыстар

Жыл сайын медициналық тексеруден өткізу,

балаға емдеу шараларын ұйымдастыру ;