Қоғам игілігі үшін еңбек 6-сынып сабақ жоспары

Тексерілді: _______________ «____»______________________

Пән: Өзін – өзі тану

Мектебі: _______________

Күні: _______________

Мұғалімі: _________________________

Сыныбы: 6

Оқушылардың саны:

Тақырыбы: Қоғам игілігі үшін еңбек

Құндылығы: Қиянат жасамау

Қасиеттері: Қоғам меншігін қамқорлау, ақжарқындылық, татулық

Мақсаты: Оқушыларға қоғам игілігі үшін аянбай қызмет жасау қажет екенін түсіндіре отырып, қиянат жасамау құндылығының мәнін ашу.

Міндеттері:

Білімділік: Оқушыларға қоғам меншігін қамқорлаудың маңыздылығын түсіндіру.

Дамытушылық: Оқушылардағы ақжарқындылық қасиеттерін дамыту.

Тәрбиелік: Оқушыларды татулыққа тәрбиелеу.

Ресурстар:

(материалдар, дереккөздер)

http://kz-minusovki.ucoz.kz

3. bilim-all.kz

Сабақтың барысы:

Ұйымдастыру кезеңі.

5 Т – ережесі:

Тәртіп.

Талап.

Тыныштық.

Тазалық.

Татулық. Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Тыныштық сәті.

ОРМАНҒА ОЙША СЕРУЕН.

Мұғалім: Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз, қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы

Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетініміз бен қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым-жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз! Рахмет!

2. Үй тапсырмасын тексеру.

1. №22 – сабақ. Табиғат туралы мақал – мәтелдер жазу.

2. Келесі сабақ. №23, «Кемеңгер немесе Елбасы туралы тебіреніс» мәтінін оқып келу.

Сұрақтар:

Елбасымыз Н.Ә.Назарбаевтың игілікті іс атқаруының мәні неде деп ойлайсыңдар?

«Президентті қолтығын демеген де, демейтін де, қолдаған да, қолдайтын да – өзіні туған халқы» деген сөзді қалай түсінесіңдер?

Елбасының: «мен халқымның тәуекеліне сендім» деген сөзінен нені аңғаруға болады?

Қоғамға риясыз қызмет ету адам бойындағы қандай құндылықтардың дамуына ықпал етеді?

Ел мен жерге қызмет ету үшін адам бойында қандай құндылықтар мен қасиеттер болуы керек деп ойлайсыңдар?

3. Сабақтың дәйексөзі.

(Ұл балалар бір рет оқиды, қыз балалар бір рет оқиды, барлығы бірге қайталайды)

Ұлы нәрсе іздемеңдер, алайда кішкентай істі ұлы сүйіспеншілікпен қарау керек.

Тереза ана.

Оқушыларға 3 рет айтқызып, дәптерге жаздырту.

Тереза ана Калькутталық (нағыз аты Агнес Гонджа Бояджиу 26.08.1910, — 5.09.1997, Калькутта) — кедей және науқас адамдарға қызмет көрсеткен, Бейбітшілік саласындағы Нобель сыйлығының лауреаты (1979).

Терезе ана отыз алты жасқа келгенде жағдайы нашар әйел өзінің мейірімге толы жүрегі мен ерекше ынтасының арқасында Халықаралық Қайырымдылық Ұйымын құрады. Қазір бұл қордың құрамында әлемнің сексен елінен тіркелген 300 мың адам бар. Ұйым балалар мен жетімдер үйін, ауруханаларды, қарттар үйін қамтиды. Қазір Калькуттадағы бір ғана орталықтың өзінде 10 000-ға жуық адам емделіп жатыр.

Сұрақтар:

Ұлы нәрсе дегенді қалай түсінесіңдер?

Сүйіспеншілік дегеніміз не?

Кішкентай істі ұлы сүйіспеншілікпен қарау керек дегенді қалай түсінесіндер?

Дәйексөзден қандай ой түйдіңіз?

4. Оқиға айту (Мұғалім сыйы)

Ана қиялы

Аңыз

Баяғы өткен заманда, бір елді мекендегі сұрықсыз, жұпыны үйде екі баласымен жалғыз ана тіршілік етіпті. Ана өте өнерлі ісмер болыпты. Ол үнемі кестелеп орамал тоқып, соны ас-суға айырбастап, күндерін көріпті. Аналарының алып келген тамағына мәз болған балалар да уайымсыз өмір кешіпті.