Мәдени мұра халық игілігі ашық сабақ жоспары, 7 сынып

Мәдени мұра – халық игілігі

Мақсаты:

- Оқушыларға ұрпақтан-ұрпаққа, атадан балаға мирас ретінде жететін мәдени мұра, атамұра ұғымдарының рухани құндылық ретіндегі маңызын ұғындыру.

Міндеттері:

- Оқушыларға әдеби-мәдени мұралар, қазақ халқының салт-дәстүрлері, атамекен, атакәсіп туралы түсінік беру;

- Оқушылардың ұлттық құндылықтарға, мәдени мұраларға деген сүйіспеншіліктерін дамытуға ықпал ету;

- Ата-баба мұрасын асыл қазына ретінде қастерлеуге, құрмет тұтуға және олардан тағылым алуға тәрбиелеу.

Көрнекіліктер: атамұра, ата-баба дәстүрі туралы өнегелі сөздер жазылған кесте, домбыра мен қобыздың әдемі салынған суреттері; үнтаспаға жазылған «Домбыра туралы баллада», «Атамекен», «Ауылым» әндері.

Шаттық шеңбері

Оқушылар шеңбер құрып, ортаға жиналады. Мұғалім оларға біздің ата-бабаларымыздың түп қазығы – ауыл екенін, көсіліп жатқан кең даланың қазақ халқының басты байлығы ғана емес, оның сонымен қатар атадан қалған құтты қоныс екендігін де түсіндіреді. Бәрі қосылып «Ауылым» әнін орындайды.

Ауылым

Сөзі Жәбірайыл Бейсеновтікі

Әні Теміржан Базарбаевтікі

Кіндігімнің жас қаны

Тамған жері ауылым.

Шабытымның асқары

Самғау жері ауылым.

Жастығымның куәсі

Шұрқыраған ауылым.

Жусаны мен жуасы

Бұрқыраған ауылым.

Биік-биік шың-құзға

Құмар қылған ауылым.

Бүлдіршіндей бір қызға

Сыңар қылған ауылым.

Әнмен таңды атырып,

Ән салдырған ауылым.

Сары қымыз сапырып,

Тамсандырған ауылым.

Көк түтінді шұбатып,

Желек созған ауылым.

Ай көрмесем құмартып,

Жүрек қозған ауылым.

Көк торғындай көктемде

Сағым қуған ауылым.

Алыс сапар шеккенде,

Сағындырған ауылым.

Мәтінмен жұмыс

Берілген мәтінді оқып, оқушылар атамұраның кәсіп ретіндегі бір түрі саятшылық, құсбегілік сияқты дәстүрлерге назар аударады. Мәтін соңындағы сұрақтарға жауап бере отырып, олар аңшылықтың өнер екендігіне көз жеткізеді. Әр бала өз аталарының, әкелерінің, ағаларының да жүйрік ат, зжақсы ит, құс ілетін қаршыға, бүркіт тәрізді құстарды ұстап саяшылықпен айналысатыны жөнінде өз ойларын ортаға салады.

Саятшы Ораз

С.Мұқанов

Дәйексөз

Қазыбек бидің аталы сөзін оқып, оқушылар қазақ халқының елдігі, ұрпақтар сабақтастығы жайлы өз пікірлерін айтады. Мұғалім оқушылардың пікірлеріне орай дәйексөздің мағынасын толығырақ түсіндіреді.

Басымыздан намысты арысмаған елміз,

Адалдықты әрқашан жасырмаған еліз.

Адал ниетті ақтай білген елміз,

Атаның өсиетін балаға,

Баланың өнерін атаға