Қолда бар материалдардан сәндік аспашам жасау

ҚОЛДА БАР МАТЕРИАЛДАРМЕН СӘНДІК АСПАШАМ

ДАЙЫНДАУ Нупирова Арайлым Маратовна Кенжебек Гулназым Ерланбекқызы

Мектепте жүргізілетін технология пәні -жеке адамның дамып жетілуіндегі еңбектің негізгі құралы бола тұра, еңбек ету арқылы өз қабілетін, ата-бабасының ұлттық дәстүрлері мен өнерін одан әрі дамытуға, жалғастыруға бағытталған пән. Баланың ұлттық, тұлғалық, әдеп пен эстетикалық дамуына, кәсіп таңдауына, қазіргі әлеуметтік-экономикалық жағдайларға бейімделуіне жол ашады және еңбек етудің алғышарттарын үйрену арқылы оқушыны жеке тұлға ретінде тәрбиелеу мақсаты көзделеді.

Технология сабағының маңыздылығы – білім алушыларды еңбек сүйгіштікке тәрбиелеу. Оқушының қызығушығын оята отырып, оның еңбекке деген ынтасын ашудың маңызы ерекше. Сонымен қатар, білім алушыға өз еркімен оның қиялына ерік беріп, оның жаңа қырларын ашу арқылы өзіне жақын мамандықты игеруге жол сілтеу болып табылады.

Жарық-бұл таза инженерлік мәселе және мұнымен тек электриктер ғана айналысады деген ескі теория бар.

Өз интерьерін безендіретін адам, оған қызықты, ерекше нәрсе қосуға тырысады. Әрбір үйде шамдарға арналған безендіру элементтері ретінде пайдалануға болатын, бір қарағанда қажет емес әр түрлі материалдар бар. Кішкентай қиял мен шыдамдылық қосу арқылы түс, өлшем, пішін бойынша өзіңе қажетті шам жасауға болады. Өз қолдарымен жасалған шырақтар ақшаны үнемдеп қана қоймай, қандай да бір мерекеге қызықты сыйлық болады. Барлығы адамның шығармашылық қабілетіне байланысты.

Аспашам– бөлме ішіне жарық беруші құрал ғана емес, сонымен қатар оның арнайы орнатылған сәні болуы мүмкін. Көбінесе қолдан жасалған шамдар өте жоғары бағаланады. Ол жеке адамның талғамына сай жасалады. Әрине қолөнер өте ауыр және төзімділікті талап ететін жұмыс, дегенмен өзіне ұнаса, қызығы мен пайдасы мол іс.

Қол жетімді материалдан жасалған аспашамымыз пластикалық бір реттік қасықтардан жасалады.

Бір рет тамақтануға арналған пластмасса қасықтар бөлме аспашам жасау үшін ең қарапайым және қолжетімді материалдардың бірі болып табылады. Олардың

артықшылықтары бағасының төмендігі, түрлі-түсті гамманың әртүрлілігімен және материалдың ұзақ уақыт бойы қызмет етуі. Мұндай ерекше аспашамды жасау үшін минимум физикалық және материалдық салымдар қажет болады.

Аспашам жасауға қажетті материалдар мен құрал жабдықтар:

1. пластикалық қасықтар (олардың саны ыдыс көлеміне байланысты)

2. желім (пластик заттарға арналған) 3. бос пластмасса ыдыс (көлемі – 5 л); 4. өткір пышақ. 5. патрон, сым, аша.

№ Жұмысты орындау реті

Құрал- жабдықтар

Графикалық сурет

Пластикалық ыдыстың түбін кесіп, кептіріп аламыз.

Ыдыс, пышақ

Кептіріп аламыз.

Пластикалық қасықтың асауышқа дейін 2-3 мм қалдырып ұстайтын бөлігін кесеміз.

Қасық, пышақ