Қонаққа кім келді ойынына арналған сабақ жоспары

Ерте жастағы (1,6-2 жастағы) балаларға арналған ойын-суығының конспекті

Тақырыбы: «Қонаққа кім келді?»

Мақсаты: Балаларға қуанышты көңіл күй, ойындарға қатысу ниеттерін қалыптастыру.

Міндеттері:

- Тәрбиешінің айтқанын эмоцианалды – қызыға тыңдауды қалыптастыру

- Тыңдау қабілеттерінің тұрақтылығын дамыту

- Ойыншықтармен белсенді және эмоционалды әрекет жасауларын қалыптастыру

- Белсене сөйлеуге ынталандыру: қойылған сұрақтарға жауап беру

- Образдардың бейнелеріне тән қозғалыс әрекеттер жасауға үйрету.

- Іс-әрекеттерінің үйлесімділігін дамыту

- Бірге тату ойнай білуге тәрбиелеу

Қолданылатын материал: ойыншықтар: қоян, ат, аю, мысық, қуыршақ, қоңырау және ширма

Тәрбиеші:Ал, қанеки, барлығымыз жиналып, қуанышпен шат күліп, ойын сауығымызды бастайық.

Алаңқайда әдемі үйшік тұр. Үйшікте ойыншықтар тұрады, Олар біздерге қонаққа келіп, сендермен ойнағысы келеді. (қоңырау сылдырлайды, ширмадан қоян көрінеді)

Қоян: Мен кішкентай көжекпін,

Қорқақ емес өжетпін.

Сәлеметсіңдер ме, балалар!

Тәрбиеші: Қатты жаңбыр астында

Қоян иесіз қалыпты.

Орындықтан түсе алмай,

Бас-аяғы суға малыныпты.

- Қөжек нені жегенді жақсы көреді екен?(қырықабатпен сәбізді)

Балалар: Қырықабатты біз қалай тұздаймыз екенін көрсетейікші: (Саусақ ойыны)

Қырыққабатты аршимыз,

Қырыққабатты кесеміз,

Қырыққабатты тұздаймыз,

Қырыққабатты еземіз.

Қоян тығылып ойнайды

Балалар, қоянмен ойнағыларың келе ме?

Қоян, қоян, тығылма,

Жүр бізбен ойна.

(музыкамен қоян болып секіреді)

Қоңырау сырдырлап, ширмадан ат көрінеді.

- Бізге қонаққа кім келді? (ат)

Тыңдайықшы, ат қалай тықылдатады.

Балалалар: Атымды жақсы көремін,

Жалын тарап беремін.

Буып-түйіп құйрығын,

Айнала шауып келемін.

Балаларды кезек-кезек атқа мінгізіп, ойнатады.

Қоңырау сылдырлайды, шырмадан аю көрінеді.

- Міне аюда келіп қалды.

Балалалар:

Қонжығым жерге құлады,

Жұлынып қалды құлағы.

Сақтаймын енді биікте

Мен үшін қымбат тұрады

- Жүріңдер аюмен ойнайық.

Би-ойыны «Аю, аю тұршы»

Қоңырау сылдырлайды, ширмадан мысық көрінеді.

- Мынау тұрған мысық

Екі көзін қысып,

Ұйықтап отыр маужырап

Сүт көжесін ішіп.

- Мысығым кел, кел маған,

Сүт берейін мен саған.

Тәрбиеші мысыққа сут береді

«Мысық пен тышқандар» ойыны

Барысы: әуенмен балалар тышқан болып аяқтарының ұштарымен жүреді, «Мяу» деген дауысты естігенде, отырып беттерін алақандарымен жауып тығылады

Қоңырау сылдырлайды, ширмадан қуыршақ көрінеді (жылаған дауыс естіледі)