Қонақтарды күтеміз тақырыбына арналған балабақша жоспары

Ортаңғы қазақ тобының ұйымдастырылған оқу іс-әрекетінің технологиялық картасы

Тәрбиеші:

Тобы:

Білім беру саласы: Қатынас

Ұйымдастырылған оқу іс-әрекетінің түрі: Тіл дамыту

Тақырыбы:Қонақтарды күтеміз.

Мақсаты: а) Заттарды топтастыра суреттеуге үйрету (ыдыстар: асүйлік, асханалық). ә) Сөздік қорды жаңа сөздермен байыту, олардың атқару қызметін ұйымдастыру. б) Қонақжайлылыққа тәрбиелеу. Сөздік жұмыс: ыдыс –аяқ, гүл. Қолданылатын көрнекі құралдар: доп, гүл.

Оқу іс-әрекетінің кезеңдері

Педагагтің іс-әрекеті

Баланың іс- әрекеті

Мотивациялық-қозғаушылық

Тәрбиеші балаларды шаттық шеңберіне шақырады.

Дос болайық бәріміз,

Жарасып тұр әніміз.

Тыныштықты сақтаймыз,

Атсын күліп таңымыз.

Балаларға әртүрлі гүлдерді көрсетеді.

- Балалар, бұл не?

Балалар шаттық шеңберіне тұрады.

Өлең жолдарын қосылып айтады.

Балалар қызығушылық танытады.

-Бұл – гүл.

Ұйымдастырушылық - ізденістік

Шеңбер құрып тұрып «Гүл иіскеу» ойынын ойнату.

Мақсаты: балалардың ауызекі тілін дамыту.

Қолданылуы: шеңбер бойымен гүлді иіскеп көреді және гүлге әсерлі сөздер айту қажет.

Мысалы, хош иісті гүл екен, әдемі гүл, жұпар иісті гүл, таңғажайып гүл.

-Балалар, сонымен қатар өсіп тұрған ауладағы гүлді жұлуға болады ма?

-Жақсы, жаңа біз гүлді хош иісті дедік, кей уақытта үйге қонақ келгенде немесе мереке күндерде біз үстелдің ортасына құмыраға су құйып, гүл қоямыз. Себебі: бөлменің ішінен аңқыған гүлдің иісі шығып тұрсын деп. Ал енді балалар гүл ұғымын түсініп алдық енді ойын ойнап алайық.

Ойын: «Көңілді топ»

Мақсаты: ыдыстардың аттарын дұрыс атауға үйрету.

Шарты: балалар шеңбер бойымен тұрады, педагог ортаға тұрып, балаларға допты ақырын лақтырады. Оны қағып алған бала кез келген ыдыстың атын айту керек.

Ескерту: бірінің айтқанын бірі қайталамайды.

Сергіту жаттығуы.

Сағаттың тіліндей,

Иіліп оңға бұрыл.

Сағаттың тіліндей,

Иіліп солға бұрыл.

Алға қарай бір адым,

Артқа қарай бір адым.

Тіл ұстарту жаттығуы.

Ыс-ыс-ыс

Болсын мол ыр-ыс,

Болып қапты қ-ыс

Аман болсын ту-ыс,

Ыдыстарды жу-ыс.

«Ы» дыбысының дауысты дыбыс екендігін айту.

Шеңбер бойымен гүлді иіскеп, әдемі сөздермен гүлді теңеулерге теңейді.

-Гүлді жұлуға да, басуға да болмайды.

Балалар шеңбер бойымен тұрады. Ойынды қызыға ойнайды.

Сергіту сәтін өлең шумағының ырғағымен қимыл-қозғалыс арқылы орындау.