Қонжыққа арналған жидектерді мүсіндеу конспектісі

Технологиялық карт

«» Ісәбилер .

Білім беру саласы: Шығармашылық. Таным.

Бөлімдері: Мүсіндеу.

Тақырыбы: «Қонжыққа арналған жидектер».

Мақсаты: балаларға-заттың бөлшегі деген не, оның атқаратын қызметін үйрету; бүлдіршіндерге кішкене домалақ заттарды мүсіндеуді, оны негізіне ептілікпен жабыстыруды үйрету; мүсіндеуге деген қызығушылықтарын және еңбек етуге құштарлықтарын арттыру; тілдерін дамыту; саусақтың ұсақ бұлшықеттерінің қимылын жетілдіру; балаларды жақын адамдарға жақсылық жасауға тәрбиелеу.

Қажетті құралдар:демонстрациялық көрнекіліктер, қызыл түсті ермексаз, тақтайша, ермексаз кесуге арналған құрал, тұғырық, үлестірмелі материалдар, ойыншық-қоңыр қонжық.

Алдын ала жүргізілетін жұмыс: қонжық пен жидектердің суретін қарастыру.

Сөздік жұмыс: жидек.

Қостілдік компонент: жидек-ягода, қонжық-медвежонок.

Іс-әрекет кезеңдері

Мотивациялық қозғаушылық

Ұйымдастырушылық-ізденістік

Рефлексиялық-түзетушілік

Тәрбиешінің іс-әрекеті

Ғажайып сәт

-Балалар, бүгін біздің сүйікті ойыншығымыз-қоңыр қонжық қонаққа келді.

Тәрбиеші қоңыр қонжықты көрсетіп, тақпақ оқып береді:

Ақ қонжыққа не керек?

Қоңыр қонжыққа не керек?

Сүт пен айран іше ме?

Құрт пен майды жей ме?

-Балалар, қонжықтың тәтті тағамы жидек екенін білесіңдер ме?

Сөздік жұмыс: жидек.

-Құлпынай мен жидек қайда өсетінін білесіңдер ме?

Билингвальды компонент: жидек-ягода, қонжық-медвежонок.

-Балалар, қонжықтың себетіне сүйікті жидегін салып беруге көмектесеміз бе? Бүгінгі оқу іс-әрекетінде өз қолымызбен ермексаздан құлпынай мүсіндеп, қонағымызға сыйлайық.

Тәрбиеші балалардың назарын тақтағы көренкі құралға және үлестірмелі материалдарға аударады.-Бәріміз тақтаға қараймыз.

-Құлпынайдың көлемі қандай?

-Түсі қандай?

Тәрбиеші балалардың назарын өзіне аударып, мүсіндеу ретін түсіндіріп, өзі көрсетеді.

-Қызыл түсті ермексазды алып, бөлшектерге бөлеміз. Бөлінген бөлшектерден шымшып алу әдісімен кішкене бөлігін үзіп аламыз. Енді алақанымызға салып, ырғақпен домалатамыз.

-Балалар, бәріміз қолымыздағы мүсінді көрсетейік. (Тәрбиеші өзі жасаған жұмысын қолына ұстап, балаларға көрсетеді.)

Балалармен жеке жұмыс жүргізеді.

-Мүсініміз құлпынайға ұқсай ма?

-Сонымен қонжықтардың сүйікті қорегі не екен?

Сергіту сәті:

Қолды оңға созамыз,

Қолды солға созамыз.

Бір орында секіріп,

Біз демалып аламыз.

Тәрбиеші дайын болған құлпынай мүсінін қағазға жапсыру амалдарын көрсетеді.

-Балалар, сендерге қонжық рақметін айтуда. Өйткені сендер бүгінгі тапсырманы жақсы орындадыңдар.

Тәрбиеші балалардың жасаған «Қонжыққа арналған жидек» атты жұмыстарын жинап алып, ата-аналарға көрсету үшін ұжымдық көрме ұйымдастырады.

Балалардың іс-әрекеті