Қош бастауыш мерекесіне арналған сценарий мен ойындар, 4 сынып

ӘӘӘӘӘӘӘӘӘӘӘдӘӘӘкҮздік сценарий

Мұғалім:

Шаттыққа толы көздері,

Ойлайды нені кім білсін.

Бастауышпен қостасып барады,

Талабы таудай бүлдіршін.

Шарықтай берсін бал әні,

Гүлге толы жан-жағы.

Құрметті ата-аналар, қымбатты әріптестер, оқушылар!

Бүгінгі күн осында отырған бәріміз үшін ерекше күн. Оның ерекшелігі сол, кеше ғана тұлымдары желбіреп, жүректері лүпілдеп мектеп табалдырығын қуана аттаған ұл-қыздарымыз ақыл ойлары толысып, оң мен солын танып, жақсы мен жаманды айыра білуді үйренген шәкірттеріміз , енді міне, қанаттары қатайып, білімнің негізі болатын бастауыш сыныппен қоштасқалы отыр.

Олай болса 4- ші «Д»сыныбының «Қош бастауыш!» атты мерекелік салтанатына қош келдіңіздер!

Бесіктегі баланың,Күлгенін көрген — бір мұрат.Алдына түсіп ананың,Жүргенін көрген — бір мұрат – дегендей, бастауыш сыныпты бітіруші түлектерімізді ортаға шақырайық! (Оқушылар ортаға шығады)

Ақылды да инабатты –Бақытжан Мөлдір мен сабырлы жігіт – Абдиманаф Алиасқарды қарсы алайық.

Сыпайы және сүйкімді –Азаматқызы Ақниет пен салмақты жігітіміз –Қали Ерасылды қарсы алайық.

Сүйкімді және әдепті қызымыз –Болатбекқызы Назым мен айбарлы да білекті жігітіміз- Еркінбол Жантөрені қарсы алайық.

Сұлу да сүйкімді қызымыз- Ғұмырбек Адиля мен сымбатты жігітіміз-Амангелді Мағжанды қарсы аламыз.

Өнерлі және ақылды қызымыз- Серікбол Аяулым мен өзіне сенімді, шымыр жігітіміз-Байбазарұлы Ақберенді қарсы алайық.

Әдепті,тиянақты- Егинбаева Аружан мен сыныбымыздың оқымыстысы-Наван Асланды қарсы алайық.

Өзі сүйкімді, өзі сыпай-Қабдуахит Мөлдір мен ер мінезді жігітіміз –Нұрқали Ақберенді қарсы алайық.

Нәзік, сүйкімді қызымыз-Мақсұтбекова Дина мен сегіз қырлы, бір сырлы жігітіміз- Тилеубек Алтынбекті қарсы алайық.

Өзін де, өзгені де таңғалдырған өжет қыз – Қуаныш Дана мен өз сөзінен таймайтын- Тонай Санжарды қарсы алайық.

Сабырлы қызымыз- Нұржаратқызы Аружан мен сөзге шешен жігітіміз-Чапай Қайсарды қарсы алайық.

Мейрімді, кішіпейіл қызымыз-Сейт Нұршат пен білмді, білгір жігітіміз- Тюлюгенов Дарынды қарсы алайық.

Әнші ,өнерлі қызымыз-Дауылбай Айару мен байсалды жігітіміз-Эрмек Нурхан қарсы алайық.

Батырлардай айбарлы жігітіміз-Қуанышбек Медеуді қарсы алайық.

Толқимыз, толқып тұрсыз баршаңыз да,Мұндай күй болған, сірә, қаншаңызда.Қол соғып, қошеметтеп отырайық,4-сынып оқушылары ортамызда!

Мұғалім:Армандасаң да , қиялдасаң да балалық шағың көз алдыңа келеді. Өйткені, биік асуға беттеген аяулы ғұмыр, ғажайып өмір осынау бал күлкілі балалық шақтан басталады. Міне , бүгін біздің бүлдіршіндер өміріне өшпес із қалдырған бастауыш сыныбымен қоштасып, бір жылға тағы да есейгелі отыр. Ендеше қызықты да, ғаламат өзгерістер сыйлаған, білім нәрімен сусындатқан, өмірде өз жолдарын табуға жол сілтеген ұстаздарына, ата-аналарына өз өнерлерін көрсетуге дайын.

(Бастауышты бітірушілеріміздің вальс биін тамашалайық )

1 — жүргізуші:

Армысыздар, ардақты ұстаздар, қадірлі қонақтар, оқушылар! Бүгін біз бастауышпен қоштасып, үлкен өмірге аттанғалы отырмыз.Көз салып қараңызшы бойымызға,Ортақ боп бүгін өскен ойымызға.Қош келіпсіз ұстаздар, ата-аналар!Бастауышпен қоштасу тойымызға.

2 — жүргізуші: А

Балалық шаққа болашақты жырлатып,Шәкірттерге ой түзеткен сымбатты.Күн нұрындай сәуле құйған көңілге,Армысыздар, ұстаздарым қымбатты!

1 — жүргізуші: Р

Армысыздар, әжелер мен аналар!Ұрпағыңыз күнде өзіңнен бата алар.Ел дәстүрін мәңгі сыйла, оқы деп,Үйреткен ғой Абай, Ыбырай бабалар.

2 — жүргізуші: А

Армысыздар, өр тұлғалы әкелер!Қыран құстай балапанын мәпелер.Бүгін, міне, бастауышпен қоштасады,Азамат боп, кешегі сәби-еркелер!

1 — жүргізуші: Р

Армысың сен, алтын ұя мектебім,Саған айтар жыр-алғысым көп менің.Жүректерге жаққан білім шырағын,Мектебіме арналады бұл әнім!

2 — жүргізуші: А

Дұрыс айтасың !!!!!! Бұл мектептен қаншама адам тәлім алған десеңші. Менің атам да, әжем де, әкем де, анам да, енді, міне мен де мектептен тәлім алудамын.

1 — жүргізуші: Р

«Мектеп — білім» кемесінБасқарып бүгін келесіз.Ата-ана, ұстаз, балағаАқ жарқын сәлем етесіз.Шақырып едік, келдіңіз,

Қаратаев Тұрар Батырғалиұлына

Сөз кезегін береміз.Мектеп директорының құттықтау сөзі

1-жүргізуші: — 4 жыл бойы білімнің қиын баспалдағын басып, мыңдаған сабақтар оқыдық.2-жүргізуші: — ондаған ережелер жатталып, жүздеген есептер мен мыңдаған мысалдар шешілді.1-жүргізуші: — басымызға көптеген ғылыми түсініктер қалыптасып, ал кейбіреуі әлі де сыймай жатыр2-жүргізуші: — үй тапсырмасын орындауға кеткен уақытты есептемегенде, мыңдаған сағатымыз партада отырумен өтіпті.1-жүргізуші: — 6560 дәптер жазып тастаппыз2-жүргізуші: — қосымша парақтарды айтсаңшы1-жүргізуші: — 4 жылда 6600 қоңырау соғылды. 4 жыл еңбектендік.2-жүргізуші: — Ал ол дегеніміз — 2 904 сабақ1-жүргізуші: — 102 сынып сағаты2-жүргізуші: — 2 433 шулы да, көңілді үзілістер1-жүргізуші: — тау-тау оқылған кітап беттері2-жүргізуші: — реніштер мен қуаныштар, қызықты оқиғалар.Оқушылар хормен: Бұған тек әлділер ғана шыдайды.

2-жүргізуші: Ендеше сыныптастарымыздың мектепке арнаған жырларына кезек берейік.

1 — оқушы: Назым

Мектeп деген – білім кені жыр кені,Мектеп деген – ғылымның ең үлкені.Мeктеп деген – тәрбиеші адамға,Мектeп деген – даналардың мекені.

2 — оқушы: Б. Мөлдір

Мектебім білім берер алтын ұям,Бой жетіп сенде сөзім артты санам.Баулыған 4 жыл бойы ата-анамдайӘрқашан қасиетті атың маған.Арада өтсе дағы дүркіреп жыл,Әр күні…