Қош бол, балабақша мерекелік сценарийі

ҚАРАҚИЯ АУДАНЫ ӘКІМДІГІНІҢ «ҒАРЫШКЕР» БАЛАБАҚШАСЫ

МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРНЫ

Қош бол, балабақша!

(ертеңгілік)

Дайындаған тәрбиеші: Б.Т.Кдыршаева

Тексерген әдіскер:Б.М.Ертилиева

Жетібай ауылы

2018 жыл

Такырыбы: « Қош бол, балабақша! »

Маќсаты: Сәби шағынан бастап балабақшаға бауыр басқан бүгінгі бүлдіршіндерді өнер әлеміне жетелей отырып, қызығушылығын ояту. Балалар арасында достық қарым – қатынас қалыптастыру. Мерекелік көңіл – күй сыйлау.

Көрнекілігі: Мерекеге сай безендірілген зал, әсем музыка.

Аяулым: Құрметті қонактар армысыздар,

Бәрінізде есен- аман бармысыздар.

Таусылмайтын ағытып ой арманның,

Ал достарым, ак жол тілеп сөз бастағын.

Әділбек: Көз салып қараңызшы бойымызға,

Ортақ боп бүгінгі өскен ойымызға.

Қош келіпсіз қонақтар ата-аналар,

Бақшаменен қоштасу тойымызға.

Аяулым: Қош келіпсіз ақ жаулықты аналар,

Жүздерінен мейірім мен нұр толар.

Алдарыңда жауқазындай құлпырған,

Біз алаңсыз балғын шақты балалар.

Әділбек: Ақ тілекті ағытып бір тастайық,

Қоштасатын кешімізді біз бастайық.

Бізбенен өткізген әрбір күнін,

Қол соғып тәрбиешілерді қарсы алайық.

(Ортаға тәрбиешілер келеді).

1- тәрбиеші:Жас жүректің өмірлік құштары – гүл,

Бағбан ұстаз баулыған құстары бұл.

Қоштасып бүгінгі күн ұясынан

Сол құстардың бір тобы ұшқалы тұр.

2 – тәрбиеші:Келеді жаңа ғасыр перзенттері,

Көшбасшы, керемет кемеңгерлері.

Болашақ президент, министрлер,

Ерен ер қазағымның төрелері.

1- тәрбиеші:Ұшырып көкірегімнен жыр кептерін,

Мерекең құтты болсын түлектерім.

Қол соғып ортамызға шақырайық

Бүгінгі кештің шынайы кейіпкерлерін.

Жүргізуші: Кадірлі ата-аналар, қонақтар, бүгін біз бірнеше жыл мәпелеп, күтіп тәрбиелеген бүлдіршіндерімізді ұямыздан ұшырып,мектепке шығарып салғалы отырмыз. Ендеше бала-бақшамен қимастықпен қоштасқалы отырған " Қызғалдақ " тобының 2017 жылғы түлектерін қол соғып қошеметпен қарсы алайық. (Залға балалар шармен музыка әуенімен кіреді.)

1. Салмақты да білімді ұлымыз Әділбек пен пысық та сезімтал қызымыз Аяулым

2. Ақылды да тапқыр ұлымыз Бекжан мен жан-жақты талантты да өнерлі қызымыз Жаннұр

3. Білімді де тапқыр ұлымыз Бекарыс пен сабырлы да биязы ұлымыз Нұртілек

4. Сүйкімді де сыпайы ұлымыз Ислам мен нәп- нәзік сұлу қызымыз Гауһар

5. Батыл да намысшыл ұлымыз Жанарыс .пен сүйкімді де сыпайы ұлымыз Мадияр

6. Қайсар мінезді ақкөңіл ұлымыз Ғалымжан мен тақпақ айтып тақылдайтын қызымыз Мадина

7. Әдепті де көрікті қызымыз Ақниет пен көңілді де тілалғыш ұлымыз Бағылан

8. Аққөңілді салмақты ұлымыз Айтбек пен ақылды да еңбексүйгіш қызымыз Гүлжанат

9. Тартымды да әдепті қызымыз Кәусар мен сабырлы да батыл ұлымыз Дінмұхаммед

10. Сабырлы да сарбаз ұлымыз Рахман мен білімді де сыпайы ұлымыз Нұразиз

11. Мейірімді де өнерлі ұлымыз Асылан мен батыл да намысшыл ұлымыз Дархан

12.Сымбатты да биші қызымыз Назерке мен қайсар мінеді ақ көңілді ұлымыз Айқын.

Жүргізуші: Балалар, міне бір белестен аттап өтіп мектеп деген үлкен теңізге сапар шеккелі отырсыңдар. Бүгінге дейін балабақшада тәлім мен тәрбие алсаңдар енді білім жолы мектепте сендерді мұғалімдер қарсы алып біліммен сусындатады.

Жүргізуші: Енді осы балабақшада тәлім-тәрбие алған бүлдіршін түлектеріміздің өткен қызықты сәттерін слайд шоудан көріп тамашалаңыздар. ( Слайд)

Жүргізуші: Мерекеде сызылтып ән салады Ән айтып би де билеп жан салады Бұл ұлы мерекеде ән салғанда, Бүкіл ел шапалақтап қарсы алады,- ендігі кезекті «Біз мектепке барамыз» әніне беремін.

Ән: «Біз мектепке барамыз»

Барлығы: Жақсылыққа құмармыз,

Жақсы адам боп шығамыз.

Таза сәби жүректен,

Қабылдаңыз мың алғыс! (Шарларын жібереді)

(Балаларды орындарына отырғызу).

Жүргізуші: Алдыңдағы балалар Мектепке кетіп барады Тақпақ айтып бір – бірден Қимай кетіп барады- дей отырып ортаға балаларымызды өз тақпақ өлеңдерін айтуға шақырамын. Ортаға: Рахман, Айқын, Кәусар, Гауһар, Мадияр, Жанарыс.

Рахман:

Балабақша, балабақшаШаңарағы шаттықтыңБалабақша қорғанышыБалғын сәби жастықтыңҚуанамыз сыйлаймызҚуаныштың мың гүлінБақшамызбен қимай бізҚоштасатын күн бүгін

Айқын:

Балабақша есігінҮшке тола ашқанбызЕдік аппақ нәрестеКөп- көп бөбек көргендеЖұбанғаным есімде

Кәусар:

Ботақаным бөбек депЕркелеткен ұл қызынАнамызды ерекшеҚуантатын күн бүгінӨсті міне бойымыз

Қуанышқа ортақпызҚұтты болсын тойымыз.

Гауһар:

Оқимыз білім аламыз,

Болашақ жолын саламыз.Бақшаменен қоштасып,Біз мектепке барамыз.

Мадияр:

Балабақша базарлы үй

Көшедегі ажарлы үйШаттығы бар шуақтаӨз үйіміз сияқты.

Жанарыс:

Біз балауса баламыз,

Жетелеп ой санамыз.

Бақшамызбен қоштасып,

Мектепке енді барамыз.

Қош бол балабақшамыз,

Қимай кетіп барамыз.

Бал күндерді қиялдап,

Сағынармыз әлі-ақ біз.

Жүргізуші: Қысылып еш саспаңдар,

Қызықты ойын бастаңдар.

Аналардың көңілін,

Көтеріп бір тастаңдар,- ендеше балалар «Иә, Иә», «Жоқ, жоқ» ойынын ойнаймыз. Мен сендерге сұрақ қоямын, ал сендер ия немесе жоқ деп жауап бересіңдер.

1. Біз мектепке барамыз ба?

2. Кілең бестік аламыз ба?

3. Нан жейміз деп жылаймыз ба?

4. Ақылды бала боламыз ба?

5. Ертеңгісін ерте тұрамыз ба?

6. Сабақта отырып ұйықтамаймыз ба?

7. Екі алғанда жылаймыз ба?

8. Ойыншықпен ойнаймыз ба?

9. Айтқан тілді аламыз ба?

10. Жақсы оқушы боламыз ба?

Жүргізуші: Олай болса ата – аналармен де «Ия, ия» «Жоқ, жоқ» ойынын ойнайық.

1. Балаңызға әрқашан тірек сіз бе? 2. Сабақ оқып, есепке сіз жүйрік сіз бе? 3. Тамағын уақытылы бересіз бе? 4. Төзімділікке сіз әр уақытта төзесіз бе? 5. Сериал көріп жатасыз ба? 6. Ұрып, нұқып үйретуге барасыз ба? 7. « Оқыту мұғалімнің жұмысы»- деген кері тартпа сөзді айтасыз ба? 8. Сен оқыт, мен оқып шаршадым деп ұрысуға дайынсыз ба? 9. Балаңыз үшін балаларды соғасыз ба? 10. Бала үшін асулардан асасыз ба?

Жүргізуші: Рахмет, көп- көп! Қуаныш бүгін біздерде достар,

Боламыз енді біз сыныптастар.

Күтеді алдан бізді ұлы жол,

Шаттыққа толы үлкен армандар,- дей отырып кешімізді одан әрі жалғасын «Біз көңілді баламыз» бине берейін.

Би: «Біз көңілді баламыз»

Жүргізуші: Өте жақсы. Талаптарыңа нұр жаусын!

Елім менің, тәуелсіз жерім менің,

Күннен алған шуақты өмір дәмін.

Рухы ұлттың өсіпті өлместей боп,

Көк байрағын төбеме көтерген күн!- «Қызғалдақ» тобының балаларының «Рәміздер айтысын» тыңдайық.

«Рәміздер айтысы» (Бекарыс, Әділбек, Бекжан)

Жүргізуші: Бір күні үш дос кім мемлекеттік рәміздерді жақсы біледі деп жарысады.

Біреуі Ту болып, біреуі Елтаңба болып, ал үшіншісі Гимн болып ойнайды.

Ту айтты: - Мен ең мықтымын. Еліміздің барлық ұйымында желбіреп тұратын менмін. Барлық үлкен жиналыстарда, салтанатты кештерде, мереке - тойларда төрден орын алатын менмін.

Елтаңба болса, былай дейді: - Әрине, ең мықты менмін. Еліміздің барлық мекемелерінің маңдайшасында тұратын менмін. Мен ақша тиындарда, бағалы қағаздарда боламын. Адамдардың төлқұжаттарында мен бармын.Тіпті, шекарадағы бағаналарда тұрып елді қорғаймын.

Сонда Гимн сөзге араласты: - Босқа таласпаңдар. Ең мықты менмін. Барлық үлкен жиындар мен мерекелік кештерді мен бастап беремін мен аяқтаймын. Мен, сөйлеген кезде барлық адам тік тұрып тыңдайды.