Қош бол, балабақшамыз! Қоштасу ертеңгілігінің сценарийі

1.ДАУЫС ЖАЗБАСЫ.

Дауыс: Тыңдаңыздар, тыңдаңыздар! Құрметті қонақтар, ата – аналар! Балаларды мектепке дейінгі тәрбиемен және оқытумен қамтамасыз етуге арналған білім бағдарламасын жүзеге асыру аясында балабақшамен қоштасу ертеңгілігін бастау үшін Бозанбай ауылының «Айгөлек» балабақшасының «Айналайын» мектепалды даярлық тобының бүлдіршіндері «Бақытты балалық шақ» әуе шарымен ұшып келе жатыр. Ертеңгілік барысында ұялы телефондарыңызды өшіріп, тыныштық сақтап, қолдарыңыздан келгенше әр баламызды қошеметтеп, әр сөздерін мұқият тыңдап, өнерлеріне тамсанып, қуаныштарын бөлісулеріңізді сұраймыз!

2.ӘУЕ ШАРЫМЕН БАЛАЛАР КІРЕТІН МУЗЫКА ОЙНАТЫЛАДЫ

(Әуе шарымен 6 бала түседі)

Жүргізуші Айзере: Қайырлы күн, құрметті қонақтар! Бүгінгі біздің қоштасу мерекемізге қош келдіңіздер!

Жүргізуші Рамиль: Добрый день, уважаемые родители, дорогие дети!

Жүргізуші Аялы: Гуд дэй дие пейрентс чилдрен энд гест! !

Аялы

Атағым Алатаудай болып биік,

Тұрса да төбем менің көкке тиіп,

Алдыңда әрқашанда тағзым етіп

Тұрамын «тәрбиешім» деп, басымды иіп!

Осы жерде төрт бала екі тәрбиешісін жетектеп ортаға шығарады.

3. Ән «БАЛАЛЫҚ ШАҚҚА САЯХАТ»

Алтынгүл Д.: Сәлеметсіздер ме, құрметті қауым! Кеше ғана жүректері лүпілдеп, жүрексіне, жан-жағына таңырқай қарап, «Айгөлектің» табалдырығын аттаған бүлдіршіндеріміздің бүгін балабақшамен қоштасу ертеңгілігінің куәсі болғалы отырсыздар.Балаларыңыздың әрқашанда дендері сау болып, қанаттары талмай, білім нәрімен сусындап, биік шыңдардан көріне беруіне тілектеспін!Сіздерді жақсы қылықтарымен, үлкен нәтижелерімен үнемі қуанта берсін! Әрдайым жүздерінен күлкі кетпесін!

Асима А.:

Қош келіпсіз, құрметті қонақтар!

Жүздеріңнен мейірім мен нұр тамар.

Алдарыңда жауқазындай құлпырған

Бұл – алаңсыз балғын шақты балалар!

Толқимыз!Толқып тұрсыз,баршаңыз да!

Мұндай күй болған, сірә,қаншаңызда

Қол соғып,қошеметтеп шақырайық

Бақшамыздан бүгінде ұшқай тұрған

Әдемі ханзада мен ханшаларды!

Алтынгүл Д.:

Құрметті ата-аналар!

«Бала деген, шіркін-ай, балдай екен,

Тәттілігі жая мен жалдай екен.

Арып-ашып даладан келгеніңде

Бал иісін таттырып алдайды екен»,

- деп Кенен Әзірбаев атамыз айтқандай, бүлдіршіндеріміздің бал тіліне кезек берейік!

Айзере:

Армысыңдар, үлкен-кіші көрермен.

Кенде емес Айзере қызың өнерден

Ернар– әкем аты, шешем –Алида

Ән салып, би де билеп беремін мен.

Еркебұлан:

Алдыңызға келіп жеттім танысуға

Бойымдағы бар өнерді дарытуға

Әдеппен, ізетпен сәлем бердім

Мұратбекұлы Еркебұлан мен боламын

Аялы:

Сөйлегенім тым тәтті,

Сәулелі де сымбатты,

Кербез Аялы қыздарыңыз

Сіздерге қарап тіл қатты.

Алдияр:

Ау, халайық, жарандар!

Бәрің маған қараңдар.

Шымыр болып шыныққан

Жанболат деген балаң бар

Саят:

Күшім толы бойымда

Білім толы ойымда.

Озат оқу мақсатым,

Саят деген жақсы атым.

Рамиль:

Айтқан тілді алатын,

Жұмсағанда баратын,

Білімнен бақыт табатын

Рамиль батыр мен болам!

Алтынгүл Д.:

Бүгінгі күн - әр үйдің

Тойбасы деп саналар.

Балалардың есімі әулеттерге таралар.

Ырым етіп сондықтан ертеңгілік басында,

Ақ тілекпен баршаға шашу шашпақ аналар.

Шашу рәсімін жүргізетін Аялының апасы

4.«Ертегілер елі» әнінің әуені ойнап тұрады.Ханшайым кіреді.

Ханшайым: Мен бәрібір мектепке барамын. Мына алтын керек жоқ маған, мен оқығым келеді.

Асима А.:Ханшайым, сен бізге қайдан келдің?

Ханшайым:Ертегілер әлемінен.

Асима А.:Сен кіммен келдің?

Ханшайым:Ханмен,яғни әкеммен.

4.«Ертегілер елі» әнінің әуені ойнап тұрады. Хан кіреді.

Хан:Қызым,мектепке барам дегенді қайдан ойлап таптың,а? Мектепте білім алу қиын жұмыс.

Асима А.: Хан тақсыр, мектепте бәрін үйретеді. Сенбесеңіз,байқап көріңізші. Біздің балалар мектепке дайын.Тапсырмаларды орындау қиын емес. Аздап ойлансаң,жауабы дайын. Қазір мен жұмбақтар оқимын. Ал, сіз балалардың жауабын тыңдаңыз, жарай ма?

«Ойлан, тап» логикалық ойыны.

1.Төрт баланың неше қолы бар?

2.Көгалда 7 қоян отыр.Аңшы мылтық атқанда олар қашып кетті.Көгалда неше қоян қалды?

3.Қақпаның арғы жағында 8 құлақ көрініп тұр.Неше мысық тығылған?

4. 1 аюдың неше аяғы бар? Ал 2 аюдың неше аяғы болады?

Асима А.:Хан тақсыр, көрдіңіз бе? Біздің балалар қандай ақылды!

Хан:Сонда мен қызымды мектепке беретін болсам, ол қазынамдағы ақшамды санай алады ғой?

Асима А.: Әрине.

Хан: Балалар, айтыңдаршы менде 5 қап алтын бар, ал қызымда 5 қап алтын бар.Сонда барлығы қанша қап алтын болады? /он қап/