Қош бол, балабақшамыз ертеңгілігі мектепке дейінгі балаларға

“Қош бол, балабақшамыз!” ертеңгілігі.

1 Жүргізуші:

Мынау үлкен үйде

Тағы да бір мереке

Балапандар қанат қақты

Біз қимастық сезімдеміз.

Құрметті ата- аналар, қонақтар! «Қош бол, балабақшамыз!» атты ертеңгілікке хош келдіңіздер.Бүгін ерекше күн, өйткені бірнеше жыл мәпелеп, тәрбиелеген бүлдіршіндерімізді ұядан ұшырып, мектепке шығарып салғалы отырмыз.Мерекелеріңіз құтты болсын!

Жүргізуші:

Бүгін міне қоштасады бал-бұлақ,

Кеше сәби бүгін міне жасұлан,

Лаулап жансын болашағың шамшырақ –дей келе бүгінгі балабақшамен қоштасқалы отырған бүлдіршіндерімізді қол соғып, қошеметпен қарсы алайық.

Музыка әуенімен балалар бір-бірден залға кіреді.

Жұмашева Адия Мұқанова Ажар

Палкин Илья Джакупов Таир

Беккожин Марат Клус Артемий

Орынбаева Медея Женисова Аяна

Изотов Дмиртий Островерхов Егор

Мирлан Мансур Талгатов Надир

Скалозубова Ева Барсукова Елизаветта

Саурин Илья Ботбаев Алихан

Хомякова Дарина

Тойымыздың шымылдығын ашу үшін сөз кезегін мектебіміздің директоры Бектыбаева Рауиля Оразханқызына беріледі. (бірлестік жетекшісі П.К.Иргизбаева )

Жүргізуші:

Өтті қызық көп күндер,

Бес жасқа да жеттіңдер.

Барасыңдар мектепке,

Бір белестен өттіңдер.

Өсті ақыл-ойларың,

Өсті міне бойларың.

Қуанышқа ортақпыз,

Құтты болсын тойларың!

Барлық балалар: (орындарынан тұрып айтады да бастарын иеді)

Жақсылыққа құмармыз,

Жақсы адам боп шығамыз.

Таза сәби жүректен,

Қабылдаңыз мың алғыс!

Жүргізуші:

Ән салайық бас қоса,

Бақшаменен қоштаса - дей келе, балаларымыздың дайындаған «Балабақша» әніне кезек берейік.

Ән: «Балабақша».

(қыздар киінуге кетеді)

Жүргізуші:

Алдымдағы балалар,

Мектепке кетіп барады.

Тақпақ айтып бір – бірден,

Қимай кетіп барады, - дей келе ортаға ұлдарымызды өз тақпақтарын айтуға шақырамыз.

Қуанамыз, сыйлаймыз,

Қуаныштың мың гүлін. Мансұр

Бақшамызбен қимай біз,

Қоштасатын күн бүгін.

Балабақша бесігім,

Тағы бір той жасайық. Егор

Ашып мектеп есігін,

Өзіңмен қоштасайық.

Біз мектепке барамыз,

Қолға қалам аламыз. Таир

Кітапты да оқимыз,

Суретті де саламыз.

Мектепке ертең барамызОқимыз, сауық құрамыз АлиханҚашық емес арамызБақшаға келіп тұрамыз

Тәрбие берген ұямыз,

Тәртіпті бала боламыз. Илья П

Қоштасып балабақшамен,

Дайындық тобына барамыз.

Ойыншықты жинаймыз,

Бөбектерге сыйлаймыз. Марат

Оқу білім үйреткен,

Апайларды қимаймыз.

Ән салғызып, билеткен,

Ылғи бізбен жүреді.

Тақпақтарды үйретіп, Надир

Ойната да біледі.

Балабақша қош енді,Әркез аман бол деймін Илья СӘкем менен шешемдіЕнді ертіп келмеймін.

Бала бала баламыз,

Бақшамызға барамыз. Артемий

Күні бойы қызыққа,

Батамыз да қаламыз.

Қош, бол балабақшам! Дима

Жүргізуші: (Мольбертте сандар шашырап тұрады.Балалар бір-бір санды алады).

Балабақшада білім алып,тәрбие алған түлектерімізді мына бір ойын арқылы сынап көрелік. Ойынымыз қарапайым математика оқу іс-әрекеті бойынша жүргізіледі. Балалар 1-ден 5-ке дейінгі цифрларды өте жақсы меңгерді деп айта аламыз. Ойын «Реттік қатарды тап» деп аталады.

Шарты: Ортаға 5 бала шығады да алдарында тұрған 1-ден 5-ке дейінгі сандарды бір-бірден алады. Музыка әуенімен балалар шеңбер бойында жүгіреді. Музыка әуені тоқтаған кезде балалар сандық ретпен тұра қалулары керек.

Ойын: «Реттік қатарды тап»

Балалар математика оқу іс-әрекетінен реттік қатарды меңгерген екенсіңдер.Сендерді тағы бір ойын арқылы заттың санын цифрмен сәйкестендіре алар ма екенсіңдер соны тексерейік. Ойынымыз «Заттың санын цифрмен сәйкестендіру» деп аталады.

Ойын: «Заттың санын цифрмен сәйкестендіру».

Шарты: Ойыншы балалар қолдарындағы сандарға сәйкес үстел үстінде жатқан гүлдерді сәйкестендіріп алулары керек.

Тәрбиеші:

-Рахмет балалар! Өте тамаша. Жарайсыңдар.

Арайлап атты таңымыз,

Жайнайды бақша-бағымыз,

Гүлдердей құлпырып,

Би билейміз тағы біз,-дей келе қыздарымыздың биін қабыл алыңыздар!

Би: «Маленький звезды» Кішкентай жұлдыздар

Слайд шоу «Балабақшадағы қызықты сәттер»

Тәрбиеші:

Құрметті ата-аналар! «Балабақшадағы қызықты сәттерден» слайд шоуды ұсынамыз. (музыка ойнап тұрады)

Міне, кеше ғана көтеріп балабақшаға әкелген балаларыныз, бүгін осы балабақшаны аяқтап, мектеп қабырғасына қадам басқалы отыр. Басқан қадамдары құтты болсын! Сабақты тек 4-пен 5-ке оқып сіздерді қуанта берсін. Біз 2014-2015 жылы «Еркетай» тобына осы бүлдіршіндерді қабылдап алған болатынмыз. Содан міне, 3 жыл бірге болып, әбден бір-бірімізге бауыр басып қалған кезде, алтын ұямыздан ұшырғалы отырмыз. Топтағы балаларымыз бір үйдің еркесі, бір үйдің кенжесі. Әр қайсысы мен үшін бір төбе. Осы балаларымыз мектепте өздерін білім жағынан және біздің берген тәрбиемізді бойларына сіңіріп, жоғары көрсеткіш көрсетіп жатса, біздің абыройымыздың асқақтағаны деп білемін.Балаларымыз 2 жаста болса да, жас ерекшеліктеріне сай оқу іс –әрекеттері, ертеңгіліктер де өткізіліп отырды. Былтырғы оқу жылында «Айгөлек» ІІ кіші топта тәрбиеленген болатын. Балаларымыз «білімқұмар балаларға арналған, Республикалық «Үркер» ІQ марафонына қатысып, сертификаттар алған болатын. Олар: Женисова Аяна, Мұқанова Ажар, Сүлейменова Алинура, Жұмашева Адия, Қожахметов Дінмұханбет және Республикалық “Балапан” конкурсына Мұратқанов Ернұр қатысып, ІІ орынды жеңіп алды. Жыл…