Қош бол бастауыш 4 сынып тәрбие сағатының материалы

Қош бол, бастауыш мектебім»

1 – жүргізуші:Бұл оқу – тамақ болар қарны ашқанда,Жол табар қараңғыда адасқанда.Мал азбас, біле білсең білім озар,Ақыры керек болар бір сасқанда

– деп Міржақып ақын айтпақшы, тарыдай болып кіріп, ақыл – ойлары толысып, оң мен солын танып, жақсы мен жаманды айыра білуді үйренген шәкірттеріміздің ұйымдастыруымен өткелі отырған « Қош бол, бастауыш мектебім» кешін бастауға рұқсат етіңіздер.2 – жүргізуші:

Қош келіпсіздер, құрметті ата-аналар, қымбатты ұстаздар, оқушылар! Бүгінгі күн – осында отырған бәріміз үшін ерекше күн. Оның ерекшелігі сол, осыдан 4 жыл бұрын мектеп табалдырығын жүрексіне аттаған балаларыңыз оқып – біліп, қанаттарын қатайтып бастауыш сыныппен қоштасқалы отыр. Осы қуанышты да, қайталанбас күндеріңізбен шын жүректен құттықтаймыз!

Құттықтау сөз мектебіміздің директоры: Гуляйм Егеубайқызы мен мектебіміздің оқу ісінің меңгерушісі: Клара Қамалбайқызына беріледі.

1 – жүргізуші:

Бесіктегі баланың,Күлгенін көрген бір мұрат.Алдына түсіп ананың ,Жүрегін көрген бір мұрат – дегендей, мұны көру де бір бақыт деп ойлаймыз.

Сіздердің алдарыңызда тұрған 4 - сынып оқушылары осыдан төрт жыл бұрын 6 жасар бала болса, бүгін міне, ес біліп, оң мен солын айырған шәкірт. Бұл күнге жайдан-жай жете салмағанымызды ескерсек, бүгінгі күні сіздердің алдарыңызда рахаттана еске алатын сәттерімізде аз болмаған шығар. Бір сәт елестетер болсақ, мектеп табалдырығын аттаған күннен бастап, «Әліппемен қоштасу», дәстүрлі наурыз тойлары, аналар мерекесіне арналған ән шашулар, ашық сабақтар мен тәрбие сағаттары балалардың есінде ұзақ сақталары сөзсіз. Бірігіп кітап оқу, пікірталас ұйымдастыру, мерекелік ән шашуларға қатысып, өз өнерлерін шыңдау жақсы жолға қойылған.

2 – жүргізуші:

- Ал құрметті Ата-аналар! Балаларыңыздың бастауыш білім басқышынан ортаңғы буынға өткені құтты болсын! Балалар бәрімізге қуаныш, бақыт әкелсін!Оқушылар орындауында ВАЛЬС биі қабыл алыңыздар!

1 – жүргізуші:

Армысыздар, аталар мен аналар,Ұрпағыңыз күнде өзіңнен бата алар.Ел дәстүрін мәңгі сыйлап оқы деп,Үйреткен ғой Фарабидей бабалар2 – жүргізуші: Армысың сен, алтын ұя мектебім,Саған айтар жыр алғысым көп менің.Жүректерге жаққан білім шырағын.Мектебіме арналады бұл әнім.

1 -жүргізуші: Алтын ұя мектептен атамыз да, әжеміз де, әкеміз де, анамыз да тәлім алған.Келесі кезекте шырқалар әнді «Мектебімізге» арнаймыз.

(Айдана, Аида, Асем, Аружан)

1-оқушы: (Айдана)Толқып, қорқып төрт жыл бұрынМектепке біз келгенбіз,Қоңырауды алғаш естіпСыныпқа біз енгенбіз..

2 - оқушы:(Диаз)Болашақтың үлкен жолынСізден сызып бастадықЕркеліктің, жалқаулықтың ,Көп түрін біз тастадық.

3 – оқушы: (Аружан)Жылы сөзбен қарсы алыпБізді баурап алдыңыз,Үйретем деп түрлі пәндіБіраз шаршап қалдыңыз.

4 - оқушы:(Ержан)Әр отбасы еркесініңБабын таба білдіңіз,Ұстаздықтың қиын жолынКөтеріп сіз жүрдіңіз.

5 - оқушы: (Алина)Біз қаншама көп болсақ таСізге үмітпен қарадық,Басқа ұстаздар алдында ендіОқуға да жарадық.

6 - оқушы:(Ерлан)Түрлі – түрлі пәндерді деОқитын болдық ержетіпҚателік болса жібергенТүзетелік тездетіп.8 – оқушы: (Азамат)

Тәртіп бұзсақ өзіңізденКешіруді сұраймыз,Терең білім алуды ендіМақсат етіп шыңдаймыз.

10 - оқушы:(Қасым)Алтын ұя мектеп рухынДаралап тағзым етеміз,Білімді әрі жалғастырыпАрманға біздер жетеміз.

11 - оқушы: (Дулат)Төрт жыл бойы тынбастанӨнер – білім үйреттіңізӘрбір жүрек кілтін тауып,Бүгін міне, түлеттіңіз!

Барлық оқушылар қосылып:Сүйікті біздің ұстазымыз.

Айтамыз біз рахметДенсаулық тілеп, бақ тілеп,Аброй, атақ, бар жақсыныТілейді Сізге, жас түлек.

2 - жүргізуші: Әр шәкіртін өз баласынан кем көрмей оқуға, жазуға үйреткен бастауыш сынып мұғалімдеріне арнап «Ардақты ұстазым» әні шырқалады. Қабыл алыңыздар! (Асем, Алина, Айдана, Аружан)

1 –жүргізуші: Біз бүгін көзімізді ашып, көкірегімізді оятқан, білім нәрімен сусындатып, білімнің іргетасын қалаған бастауыш сыныппен қоштасқалы отырмыз. Сондай-ақ, біздің ыстығымызға күйіп, суығымызға тоңа білген, оңымыз бен солымызды танытқан, жақсыдан үйренуге, жаманнан жиренуге баулығын алғашқы ұстазымызбен қоштасқалы отырмыз.2 – жүргізуші:

Мектебім-алтын ұям өрісім,Мұғалім-білім көлісің.Өзіңнен талмай үйреніп,Келеміз өсіп ел үшін

1-жүргізуші:

Теңіздей тербетіліп көл бетінде,

Бишілер билеп кетті тербетіле.

Аққудай қалықтаған теңіздегі,

Бишілер өнерлерін көрсетуде,- алдарыңызда мың бұралған бишілеріңіз «Кукарелла» биімен.

( Айдана, Аружан, Асем, Жансауле, Гүлдана, Аида, Алина, Асем)

2 – жүргізуші: