Қош бол, бастауыш мектеп мерекесіне арналған таныстырылым

Тақырыбы: «Қош бол, бастауыш мектеп!»

Мақсаты: білім негіздеріннің бастапқы баспалдағын аяқтаған бүлдіршіндердің алғашқы ұстаздарымен, бастауыш пен қоштасу рәсімін жасау. Бастауышта алған білімдерін, өнерлерін байқату. Ұстаз еңбегін бағалай білуге, жан-жақты білім алуға, саналы азамат болуға тәрбиелеу.

Көрнекіліктер: ұстаз, мектеп, білім, туралы мақал-мәтелдер, даналық сөздер, буклеттер, шарлар, гүлдер, оқушылардың қолөнер көрмесі, интерактивті тақта.

Мұғалім: Құрметті ұстаздар, қадірлі ата-аналар, оқушылар! Бүгінгі «Қош бол, бастауыш мектеп!» атты тәрбие сағатымызға қош келдіңіздер! Әр жанұяға береке-бірлік табыс тілей отырып ортаға сынып оқушыларын шақырамыз.

Музыка ойнайды: Оқушылар кіреді.

1 оқушы Армысыздар, мұғалімдер әз жандар!

Білім іздеп инемен құдық қазғандар.

Сан ұрпақты тәрбиелеп оқытқан,

Өмір деген үлкен жолда тарландар.

Бүгін міне қоштасады бастауышпен балбұлақ,

Әнменен жырына тарландарым сал құлақ.

Кеше сәби,бүгін міне жас ұлан,

Лаулап жансын болашағың шамшырақ.

2 оқушы Қош келіпсіз, ақ жаулықты аналар!

Жүздеріңнен мейірім мен нұр тамар.

Алдарыңызда жауқазындай құлпырған

Біз алаңсыз балғын шақты балалар.

Қош келіпсіз, ер тұлғалы әкелер,

Қыран құстай болашағын мәпелер.

Бүгін, міне бастауышпен қоштасады,

Азамат боп кешегі сәби еркелер.

Екеуі бірге: Қош келіпсіздер құрметті қонақтар!

Бәрі бірге қосылып айтады:

Мектеп-кеме, білім- теңіз

Шарықтаймыз көкке біз.

1 оқушы: Осыдан 4 жыл бұрын біз біреуіміз анамызбен, біреуіміз әкемізбен, енді біреуіміз ата-әжемізбен қол ұстасып мектеп табалдырығын аттаған едік.

2 оқушы: Біз алғашқы күннен бастап ұстазымызбен таныстық, партаға қалай отыру керектігін, басқа да мектеп ережелерін үйрендік.

1 оқушы: Қолдарымызға қалам ұстап, 42 әріпті танып, 1-ден 100-ге дейін, 1000-ға, керек десеңіз, 1000000-ға дейін сандарды санай алатын дәрежеге жеттік.

2 оқушы: Содан бергі 4-жыл ішінде талай білімді боймызға сіңіріп үйрендік. Бүгін, міне соның айғағы ретінде бастауыш мектеппен және бізді білім нәрімен сусындатқан ұстазымызбен қоштасқалы отырмыз.

1-оқушы:

Бізді үйреткен білімге жалықпастан

Рахмет ұстазыма көзімді ашқан.

Біз - шәкірт, біз - Отанның болашағы

Білімнің басқышына қадам басқан.

2-оқушы:

Өзгеріп жатыр бүгін қала қырым

Құп алып бара жатыр болашаққа,

Аяулы 11 жасар балалығым

3-оқушы:

Мен бүгін бұрынғыдан саналымын,

Қоңырау болып күмбірлейді жаңа үнім,

Дәптердің жазылмаған ақ парағы-

Ақ көйлек 11 жасар балалығым.

4-оқушы:

Өмірімнің көктемін сенде өткізем деп келдім,

Алтын – ұя мектебім!

5-оқушы:

Армандарым көп менің,

Атқарамын деп келдім,

Асыл - анам мектебім!

6-оқушы:

Өнерпазың көп сенің

Өнер табам деп келдім

Өз бесігім - мектебім!

7-оқушы:

Сен менің әкемдейсің, анамдайсың.

Мен үшін армандайсың, алаңдайсың.

Ұстазым, сенен артық ақылшым жоқ,

Адалдық пен парасаттан жаралғансың.

Хор: Аяулы ұстазым

8-оқушы:

Кеуделерге намыс отын жаға алатын

Өзіңдей болса шіркін барлық ұстаз

Жез таңдай, күміс көмей, сөзі алтын.