Қош бол, құтты Әліппе бастауыш сынып сценарийі

«Қош, бол құтты Әліппе!»

Мақсаты: Оқушылардың әліппе пәнін оқу барысында алған білімдерін тиянақтау, өз өнерлерін қонақтарға және де ата-аналарға көрсету, эстетикалық талғамдарын тереңдету, ана тілін сүйюге, қастерлеуге тәрбиелеу.

Тақырыпқа сай безендірілген акт залының экранында видио ролик көрсетіледі.

Мерекелік іс-шараның жүргізушісі музыка әуенімен залға кіреді.

Жүргізуші: Құрметті ұстаздар , ата-аналар және қонақтар ! Қоңыр күзде қоңырау үнімен алғашқы білім сабағына енген 1 « » сынып оқушылар бүгін бір асудан асты. Алғаш рет қолдарына ұстап әріп таныған оқулығы «Әліппемен» қоштасуға арналған кешімізге қош келдіңіздер!

Ана тілінің ғажайып, ірі шынайы әлеміне бүлдіршіндерді дәл жетелейтін өз тілін оқып үйренуге, оқи алсам деген ұмтылысқа шақыратын, бүкіл білім, ғылымға бастайтын жол, әлемдік ғылым соқпағының басы - Әліппе оқулығы.Осы оқулықтан білім нәрін алған балғын бүлдіршіндерімізді қошеметпен ортаға шақырайық. ................

Әсем безендірілген залға қолдарынан ұстасған оқушылар жұп –жұппен кіреді.

Жүргізуші: «Білім- теңіз, мектеп - кеме» демекші , құттықтау сөзді мектебіміздің басшымыз – Қаратаев Тұрар Батырғалиұлына береміз.

Жүргізуші: Құрметті оқушылар, сіздерге бір жұмбақ жасырсам деп едім, шешуін табуға дайынсыздар ма?

Оқушылар: Иә, дайынбыз!

Жүргізуші: Бар білімнің бастауы,

Бар ғылымның бастауы.

Жас балаға нұр шашқан,

Қандай кітап тіл ашқан?

Барлығы «Әліппе!» деп хормен айтады. Экранда « ӘЛІППЕ » деген сөз жазылады.

Ә - әлемді

Л – легімен

І - ізгілік

П- парасатпен

П- паш

Е- етеміз

Алты оқушы экранға жақындап әр әріптің мағынасын айтады.

Барлығы хормен «Әліппе, әліппе» деп «Әліппені » ортаға шықырады.

Әліппе: Армысыздар, жас достар! Армысыздар, ата-ана ! Болашаққа жол ашар , Әліппең келді ортаға. Білім деген ғажаптың, Әліппесін меңгерген. Келешегі қазақтың, Басталады сендерден. Таудай болса талабың, Айтары көп әріптің . Қуанышы баланың, Қуанышы халықтың.

Жүргізуші: Құрметті Әліппе! Қош келдіңіз! Сізді оқушыларымның өнерін тамашалап, қыркүйек айынан бері алған білімдерінің куәсі болуыңызды өтінемін.

Ендеше, Құлақтан кіріп, бойды алар,

Жақсы ән мен тәтті күй.

Көңілге түрлі ой салар,

Әнді сүйсең, менше сүй. - деп ақын атамыз Абай Құнанбайұлы жырлағандай сөз кезегін сахна төрінде тұрған оқушыларыма беремін. 1 « » сынып оқушыларының орындауында « 42 әріп » әні.

Жүргізуші: - «Әліппе!» , оқушыларымның әні көңіліңізден шықты ма?

Әрине шықты.

Жүргізуші: «Өлең -сөздің патшасы, cөз сарасы» демекші алдарынызда 1 « » сынып оқушылары cіздердің назарларыңызға «Әліппе» оқулығына арнаған өлең жолдарын ұсынады.

Әліппе: Оқушыларыңыз өнерлі екен , өлеңдері де , әні де тамаша .

Жүргізуші: Қазір мың бұралған бишілеріміздің биіне куә болатын уақыт та келіп жетті.