Қош келдің, алтын күз балабақша сценарийі

МКҚК №26 «Қарлығаш» бөбекжайы

«Қош келдің, алтын күз»

№5 «Ботақан» ІІ кіші тобы

Тәрбиеші: Бижанова Г.Қ.

Ақтау қаласы – 2019жыл.

Тақырыбы: «Қош келдің, алтын күз»

Мақсаты: Күз мезгілінің ерекшеліктерін ұғындыру. Мерекелік көңіл-күй ойнату. Балаларды ән салуға, би билеуге, түрлі іс – әрекеттерге тарту, бейімділіктерін арттыру.

Зал іші мерекеге сай безендірілген.

Жүргізуші:

Қарсы алайық бәріміз,

Жасымызбен кәріміз.

Қырдан кетті қыдырып

Алтын күз бізге нұр төгіп

Тілегім аман болсын ел тірегі

Алтын күз қайта келді берекесі

Молшылықтың жаршысы бола білді

Алтын күз – ырыс, береке бірлік ала келді.

Армысыздар ағайын, сәлеметсіздер ме қадірлі қонақтар! Бүгін біз жыл мезгіліндегі ең тамаша «Қош келдің, алтын күз» атты ертеңгілімізге қош келдіңіздер.

Барысы: (Әуен жаңбыр жауып тамшылары)

Балалар залға кіреді қолдарыңда әр түсті қолшатыр. Шеңберге тұрады.

Ән: «Кап – кап – тук- тук»

Би: «Жаңбыр тамшылары»

Ортаға Күн шығады.

(Балалармен амандасып, залдан шығып кетеді.)

Балалар қуанады.

Жүргізуші: Балалар күн шықты жаңбыр басылды. Енді қолшатырымызды жинап қояйық.

(Залдан шетіне жерге қояды қолшатырды.)

Мереке жалғасуда. Ендеше күз мезгіліне арналған өлең шумақтарын тыңдаймыз.

(Балалардың тақпақтары.)

Көрініс: «Шалқан»

Жүргізуші: Балалар бізге қонақ келе жатқан сияқты. Ол кім болды екен?

Күз ханшайымы:

Сәлем менің достарым

Өмірге көп қосқаным

Күз сыйлығын алыңдар

Сыйлығыңа қаныңдар

Молшылыққа кенеліп

Шаттық әнге салыңдар.

Жүргізуші: Сәлеметсіз бе, Күз ханшайымы. Біздің балалар сізді асыға күтті. Сізге арналған өлең шумақтарымыз бар.

(Балалардың тақпақтары.)

Ән: «Күз келді»

Залға Сайқымазақ кіреді.

Сайқымазақ: Сәлеметсіздер ме, балалар, Күз ханшайымы мен қонақтар. Мен сайқымазақпын мен барлық мерекеде жүремін. Мені танисыңдар ма?

Балалар мен сіздермен ойын ойнағым келіп тұр. Мына қапшыққа көкөністерді толтырып жинап бересіңдер ме?

Балалар: Иә. (қуана келіседі.)

Ойын: «Көкөністер»

Ойынның шарты: Балалар жерге шеңбер болып отырады. Бір бала карзинадағы көкөністің біреуін алып екіншісіне беріп бір-біріне жалғастырады. Шетінде отырған бала қапшыққа салады.

Сайқымазақ ортада жүріп балаларға көмектесіп көңіл – күйлерін көтереді.

Қапшық толғаннан кейін балалар сайқымазаққа береді.

Сайқымазақ: Рахмет балалар.