Қош келдің, әз Наурыз мерекелік ертеңгілігі

«Қош келдің, әз Наурыз!» Мақсаты: Балаларды көктем мерекелерінің бірі қазақ халқының жаңа жылы – Наурыз мерекесі туралы білімдерін кеңейту. Қазақ халқының әдет- ғұрыптары мен салт-дәстүрлерін сақтауға тәрбиелеу. Балалардың ұлттық өнерге қызығушылықтарын, сүйіспеншіліктерін арттыру. Қажетті құралдар: Кереге, тұскиіз, сандық, құрақ көрпелер. Ұлттық тағам түрлері мен ұлттық ойындар, киімдер. Қызғалдақ гүлі, ұялы телефон, жұмбақтар. Төрде дөңгелек үстел. Ақ әже отыр. Музыка әуенімен балалар залға кіреді. Ақ әже: Амансыңдар ма, балаларым Қош, келдіңдер,ұлыс күні-Наурыз Құтты болсын, балапандарым. Төрлетіңдер, құтты қонақ болыңдар. Мен бүгін немеремнің тұсауын кесейін деп жатырмын. Жүргізуші: Құрметті қонақтар, сүйікті балалар! Наурыз мерекесі құтты болсын! «Болашақ» тобының «Қош келдің, әз Наурыз» атты ертеңгілігіне қош келдіңіздер! Балабақшамыздың меңгерушісі Асыл Закарияқызына құттықтау сөзін береміз! Күлімдеген шуақты көктеммен бірге қазақ даласына Жаңа жыл келді. Әр шаңырақ келер жылдан үлкен үміт күтіп, оны ақ тілекпен, ақ ниетпен қарсы алады. «Шашу» туындысы «Бүлдіршіндер» оркестрінің орындауында «Аққу» биі Ақылбек: Уа, халайық, халайық Мұнда назар салайық! Думандатып бақшамда Нау

Шырын: Бүгін біздің ауылда дүбірлі той Ден қойып тыңдаңыздар, көңілді қой Жырдан шашу шашылсын, күй күмбірлеп, Қош келдіңдер, халайық, сергісін бой. Cұлтанбек: Күн ғой бүгін жарылған Ақ түйенің қарыны Ақ дастархан жайылған

Лаулап ошақ жалыны. Айназ: Ашық болсын қас-қабақ Таспен атқанды аспен ат Бейтаныс та, таныс та Бүгін төрде бас қонақ Хор: Туған жер

Ақ әже: О, қандай керемет балалар, жарайсыңдар! Қазір бізге наурыз аруы келіп менің немеремнің тұсауын кеседі. Көңілді әуен ырғағымен теңселе басып, ортаға Наурыз аруы кіреді де, әрі-бері дөңгеленіп, билейді.

Наурыз аруы: Сәлеметсіңдер ме, балалар! Балалар: Сәлеметсіз бе, Наурыз аруы! Наурыз аруы: Мен Наурызбын, Наурызбын, Жүректерге нұр сепкен Маңдайымнан сипап мені, Сүйіп жатыр нұр көктен

Жарығымды, шуағымды, Жылуымды, нұрымды Алып келдім жер бетіне Ұлыс күн мен көктемді.

Кенеттен дауыл соғып, алай-дүлей жел тұрып, бір алып күш Наурыз аруын сиқырлап сөйлетпей қояды. Балалар аң-таң.

Ақ әже: Ойпырмай, балалар, не болып кетті өзі? Дауыл тұрып, құйын соққандай болды ма? Наурыз аруы, қайдасың? Жаңағы алып күш Наурыз аруын сөйлетпей қойды ма? Енді қайттік? Жүргізуші:Балалар, тездетіп Наурыз аруын сөйлетудің амалын іздестірейік. Балалар, ол үшін Тапқыр баланы шақырайық.

-Алло, алло! Бұл кім екен? Тапқышбек пе? Бұл «Нұрбалапан» балабақшасынан телефон соғып тұрмыз. Біздер Наурыз мерекесін Наурыз аруымен тойламақшы едік. Бір алып күш Наурыз аруын сыйқырлап кетті. Наурыз аруы сөйлемей қалды. Бізге көмектес!

Тапқыр бала: Бұл қандай балабақша? Жүргізуші: «Нұрбалапан» балабақшасы. Тапқыр бала: Қазір келем. Жүргізуші: Асыға күтеміз.

Тапқыр бала келеді.

Тапқыр бала: Сәлеметсіңдер ме, балалар? Жүргізуші мен балалар: Сәлеметсіз бе! Тапқыр бала: Бұл қай балабақша? Жүргізуші: Бұл «Нұрбалапан» балабақшасы. Тапқыр бала: Онда мені шақырған сендер болдыңдар ғой. Жүргізуші: Тапқыр бала, сен бізге Наурыз аруын сөйлетудің амалын тауып берші. Тапқыр бала: Наурыз аруын Алатаудың биік шыңындағы өсетін қызғалдақ гүлінің хош иісі ғана сөйлете алады. Ал ол гүлді алу үшін кедергілерден өту қажет. І-ші кедергі-Қар ханшасымен кездесесіңдер. ІІ-ші кедергі-Күлмес ханшаға жолығасыңдар. ІІІ-ші кедергі-алып батыр Таусоғарды жеңу керексіңдер. Осы кедергілерден өтсеңдер ғана хош иісті қызғалдақ гүлін ала аласыңдар.

Жүргізуші: Рахмет саған, Тапқыр бала! Тапқышбек: Кедергілерден өткендеріңді ұялы телефон арқылы хабарлап тұрыңдар (шығып кетеді)