Қош келдің, әз Наурыз мерекелік сценарийі

«Жетісу облысы білім басқармасының Көксу ауданы бойынша

білім бөлімі» ММ «Жұлдыз» бөбекжай-балабақшасы» КМҚК

Құрманғали Меруерт Қырықбайқызы

«Қош келдің, Әз Наурыз!»Мақсаты: Наурыз туралы түсінік беру арқылы қазақ халқының салт-дәстүрін көрсету және оны құрметтей білуге тәрбиелеу. Балаларға Наурыз көженің жасалу жолын түсіндіру. Ұлттық салт - дәстүрлерді құрметтеп, оларды мақтан етуге тәрбиелеу.Тәрбиеші:Наурыз айы жүректерге нұр сепкен,Мандайымнан сүйіп жатыр нұр көктемЖарығымен, шуағымен Күн - АнаАлып келдің жер бетіне нұр көктем!Осыншама жақсылық,Алып келдің Наурызым!Төрлет бізге нұр болып,Шуақ шашып нұр жүзің!Ұлыстың ұлы күні құтты болсын!Жер шарын мекендеген ұлттар мен елдердің сан түрлі мейрамы бар. Ал Наурыз - қазақ халқының шын мағынасындағы ұлттық мейрамы. Бұл күн мен түн теңелетін мереке. Сондықтанда халқымыз Наурызды «Жыл басы»,«Ұлыстың ұлы күні» деп атайды.Тәрбиеші: Ұлыстың ұлы күнін, төл мейрекемізді қазақ халқының ұлттық биімен ашқымыз келіп отыр.«Қамажай» биі қыздардың орындауындаТәрбиеші: Осындай мереке күні ауылға барып, әжелерімізді Ұлыстың ұлы күні наурыз мерекесімен құттықтап қайтайық.

(Тәрбиеші балалармен бірге ауылға музыка ырғағымен кіріп келеді. Онда көже ішіп отырған аталар мен әжелер қонақтарды орындарынан тұрып қарсы алды. Әже балаларға наурыз көже ұсынады)

Батаменен ел көгерер, жаңбыр менен жер көгерер,- дегендей аталардан бата күтеміз.

Ата:

Қарық қып құтты Наурыз,

Қазанға толсын сары уыз.

Қайнасын Наурыз көже де,

Толтырып ішкей кесеңе.

Ұлыстың ұлы күнінде,

Көппенен бірге күлімде.

Көбейсін жаңа достарың,

Молайсын елге қосқаның.

Жарасып көңіл хоштығы,

Бекісін халық достығы.

Ішінде жүрсе азғана,

Шайылсын өкпе, наз - нала.

Алдыға сыймай сәбилер,

Құшағын жайсын жаңа үйлер.

Жастардың самсап отауы,

Мейірім төксін Отаны.

Әспеттеп ата дәстүрін,

Әсем боп өссін жас буын.

Кірбің тартпасын кәрілер,

Барыңның дәмді нәрін бер!

Дүрлеген Қазақстанға

Таңғалсын дос та, дұшпан да!

Әумин!Тәрбиеші:Әже, Наурыз көже өте дәмді екен. Оны қалай дайындадыңыз?Әже: Қарақтарым. Наурыз көже Наурыз мейрамының негізгі тамағы.Оған 7түрлі тағам қосылады. Олар: қыстан қалған сүр, айран, сүт, тұз, құрт, тары, бидай. 7саны киелі сан. Ал наурыз көже тоқшылық белгісі.Жүргізуші: Әже, біздің балаларымыз наурыз көже туралы тақпақ айтқылары келіп тұр…