Қош келдің, Доңыз жылы мерекелік кешінің сценарийі

«Қош келдің, Жаңа жыл!»

Ортада бүгінгі жаңа жылдық ертеңгілікке қатысушы сынып оқушылары тұрады. (Жүргізуші және сайқымазақтар және буратиналар бірге билеп шығады)

Жүргізуші:

Тау мен дала ақ көрпесін жамылды,

Тал, теректер күміс алқа тағынды.

Өзен –көлдер мұз айдынға айналып,

Шыршалардың сансыз шамы жағылды!

Кел, жаңа жыл, жаңа бақыт, ырысым,

Жақсылықтың таусылмайтын нұрысың!

Адамдардың аңсап күтер арманы,

Қуанышты мерекенің бірісің!

Армысыздар, құрметті қонақтар, қадірменді ұстаздармен оқушылар! Бүгінгі «Қош келдің, Жаңа жыл!» атты ертеңгілігімізге қош келдіңіздер!

Кел, төрлет, Жаңа жылым.Құтты жылым.

Өзіңді бүкіл елім күтті бүгін.

Қарсы алдық сені еңселі еңбекпенен,

Жарқырап әне алдымнан шықты күнім - дей келе ортаға

«ЖАҢА ЖЫЛ» әнімен Жаяман Жадыраны шақырамыз.

Жүргізуші:

Барлық жандар бір тілекке қосқан үн

Бақытты боп басталды жыл дастаның

Қуанышпен келді той боп Жаңа жыл

Құтты болсын Жаңа Бақыт достарым!

Жаңа жылдың таңы неткен арайлы,

Ақ мамыққа бөлеп алды маңайды.

Жаңа жылмен құттықтаймын бәріңді,

Бақыт, шаттық, молшылық әкелсін,

Бәрімізге ДОҢЫЗ жылы арайлы! – дей келе алғашқы Жаңа жылдық құттықтау сөзді мектеп директоры: Д.А.Жарылгаповаға беріледі.

Жүргізуші:

Жасыл желек жамылған,

Асыл моншақ тағылған,

Miнe, сұлу шыршамыз.

Көптен күтіп, сағынған,

Кел, балалар, келіндер,

Тамашаны көріңдер.-дей отырып, ортаға

«Шырша» биімен бүлдіршіндерімізді шақырамыз.

Жүргізуші:

-Балалар қараңдаршы, пойыздың даусы шығып жатыр ма? Бізге қонақтар келе жатқан сияқты. Балалар бұл кімдер болды екен, а?

- Балалар бұл жыл басына таласқан хайуанаттар екен. Қошеметтеп қарсы алайық!

(Пойыздың даусы шығады. Пойызбен барлық жыл санағындағы жануарлар келе жатады. Оларды көріп балалар қошеметтейді. ) ( тышқан, сиыр, барыс, қоян, ұлу, жылан, жылқы, қой, мешін, тауық, ит келеді.)

Пойыздан түседі де флеш – моб билейді.

Жүргізуші: Балалар бізге жыл санағына таласқан хайуанаттарымыз келіп қалыпты. Ортаға жыл басын шақырайық.

Тышқан:шиқ – шиқ – шиқ сәлеметсіздер ме, балалар!

Мен жыл басымын.

Мен тышқанмын.

Адамға жақын өмір сүремін.

Адаммен ауылдаспыз, табақтаспыз.

Онша мешкей де емеспіз.

Барды қанағат тұтамыз.

Шиқ-шиқ-шиқққ

Сиыр: сәлеметсіздер ме, балалар!Мө-ө-ө-ө-ө

Мен адамның қаймағымын, майымын, айранымын.

Адамға пайдалымын.

Торпағым ау, торпағым,

Далаға шықсам қорқамын.

Сүт анасы сиырмын,

Адамдарға үйірмін., мө- ө – ө

Барыс: сәлеметсіздер ме, балалар, ЫР- Р-Р.

Мен барыспын, азуым алты қарыспын

Айналама сыйлымын.

Өз күшіме сенемін.

Бәрін де мен жеңемін.ЫР- Р-Р.

Қоян: сәлеметсіздер ме, балалар!

Мен қорқақ қоянмын,

Менде өзімше ноянмын.

Қорықсам жүйрікпін жел жетпейтін

Нәп-нәзік аппақ сұлу ақ қоян дейтін .

Ұлу: сәлеметсіздер ме, балалар!

Мен ұлумын,

Өзімше сұлумын.

Ыстыққа күймеймін, суыққа тоңбаймын.

Ұлу деген мықтымын.

Жарқын, жарқын шықты үнім.

Ойым озар өзімнен,

Сабыр етем төзіммен.

Күш пен көрік құлпырар

Салиқалы сөзімнен.

Жылан: сәлеметсіздер ме, балалар!

Мен жыланмын,

Өзімше мен де ылаңмын

Шақсам қой түгіл

Түйеңді де жұтатамын

Мен күштінің күштісімін. Ыс-с-с-с-с-с-с

Жылқы: Иго – го – го. Сәлеметсіздер ме, балалар!

Мен жылқымын, адамның асыл мүлкімін.

Ат адамның қанаты деген.

Ел қуанып айдаған,

Жылқы деген мен болам.

Етім дәрі, сүтім саумал

Ер қанаты мен болам.

Қой: Сәлеметсіздер ме, балалар!

Мен қоймын. Адамның ырысымын.

Мә – ә – ә. Мен қоймын,

Көк шөпке тойдым

Мә – ә – ә.

Мешін: Сәлеметсіздер ме, балалар!

Мен мешінмін, мешінмін,

Күні бойы секірдім.

Жаңа жылды қарсы алам деп,

Орталарыңа кеп тұрмын.

Тауық: Сәлеметсіздер ме, балалар!

қыт – қыт – қыт.

Жұмыртқамды жеген

Барлық бала тоқ

Құрт, құмырсқа жемтігім.

Жоқ ешбір кемдігім.

Бәрің де бос мақтанып

Шаршамаңдар ентігіп

қыт – қыт – қыт.

Ит: Сәлеметсіздер ме, балалар! Аф – аф

Сақ төбетпін жолдыаяқ,

Саңқылдаймын қоймай-ақ.

Бөріге қой бермеймін,

Ұрыға жол бермеймін. Аф-аф-аф-ф-ф

Жүргізуші: Балалар, жыл санағына таласқан хайуанаттардың барлығы біздің ортамызға келді. Қай жыл жоқ? Айтыңдаршы, балалар!

Балалар : Доңыз жылы, доңыз жылы

Мыстан кемпір: (мыстанның музыкасы болады). Ха, ха, ха.... Мені үнемі шырша тойына шақырмайсыңдар. Пойызға мінейін деп жатқанда, мен доңызды ұстап алып, тығып тастадым. Ха, ха,ха....

Енді сендерде жаңа жыл болмайды. Доңызды таба алмайсыңдар! Ха ,ха ,ха. ...

Жүргізуші: Балалар енді не істейміз? Онда ортаға Айдар көсені шақырып, көмек сұрайық. Міне, Алдар көсенің өзі де келе жатыр екен.

Алдар көсенің музыкасы

Алдар көсе: Е-е-е-е-е-ей мен Алдармын, Алдармын(Ән музыкасына қосылып жүреді)

Саламатсыздар ма, балалар! Жаңа жыл кеші керемет өтіп жатыр екен.

Жүргізуші: Сәлеметсіз бе? Алдар көсе. Мына мыстан келіп, Біздің жаңа жылымыз Доңызды ұрлап кетіпті. Сізден көмек сұрауға шақырдық.

Алдар көсе: Әй, мыстан неге керемет кештің шырқын бұзып тұрсың? Не істесем болады екен, ааа? Қазір мен бұл мыстанды алдайын. Мыстан, мен саған керемет, тәп-тәтті, үлке- е-е-е-ен шеколад берсем, доңызды жібересің бе? Ол өте дәмдіііі.

Мыстан кемпір: Бірінші мен жеп көрейін. Сендерге сенбеймін. Тәтті болса жеймін, ал ұнамаса жемеймін. Доңызды жей салармын.Ха-ха-ха-ха.

Алдар көсе: Балалар, кәне бәріміз Алдар көсе, алданып отырғанда Доңызды іздейік.

Ит: Аф-аф-аф.....Ия, достар, доңыз қайда?

Тауық: Қыт-қыт-қыт. Пойызға мінер кезінде Мыстан алып кеткен ғой.

Жылқы: Иго – го – го. Біздің Доңыз досымызды тездетіп табайық.

Мыстан кемпір: Аййй, тісім –ай, тісіммммм (сахнадан шығып кетеді.)

Жүргізуші: Балалар қараңдаршы, мыстан кемпір қабын ұмытып кетіпті, қарап көрейікші. Қаптың ішін ашып қалса, доңыз шығады. Барлығы қуанып

ОРТАДА ДОҢЫЗ биі

Қоянның сыбызғы тартатын музыкасы

Қоян(Дәмеш апа) шығады сыбызғы тартып, би билеп жүреді.Балармен бірге билейді.

Сол кезде аю келеді.

Аюдың музыкасы

Аю (Куляш): Мына сыбызғың әдемі екен, берші мен балаларға бір керемет әуен ойнап берейін.Ойнап берейін бе, балалар?

Балалар - ия

Қоянның қолынана сыбызғыны жұлып алып, өзі ойнай бастайды.

Сыбызғының үні тағы

Қорбаңдап балаларға жақындап ойнай бастайды.Қоян кішкене күте тұрады. Қайтарады ма деп.Аю көпке дейін қайтармай ойнай береді.

Қоян (Дәмеш апа): Аю, менің сыбызғымды қайтаршы. Менде балаларға өз өнерімді көрсетейін деп келіп едім.Берші сыбызғымды.

Аю: Кет, әрі! Маған сыбызғың қатты ұнап қалды. Мен өзімнің көңіл – күйімді көтергім келеді.

Қоян: Менің сыбығымды берші-і-і-і-і- деп жылап отырып қалады.(Сол кезде баннердің бір шетінен қу түлкі бұралаңдап шыға келді.)

Түлкі Ақнұр апай(ішінен мына қоянды жеп алсам қайтеді ааа): Ақ қоян, ақ қоян неге жылап отырсың, Жүр менімен біздің үйге, маған қонақ бол- деп алдайды.(Қоян жылағанын одан сайын күшейтіп,)