Қош келдің, көктем ашық сабағы мектепке дейінгі балаларға

Тақырыбы: "Қош келдің Көктем"

Білім беру саласы: "Коммуникация"

Ұйымдастырылған оқу қызметі: "Сөйлеуді дамыту"

Мақсаты: Балаларға Күн жарқырайды, шөптер, жасыл жапырақтар, қар жоқ т.б белсенді сөздік қорын қалыптастыру. Көру арқылы есте сақтауына, әсемдікті сезіне білуіне тәрбиелеу.

Көрнекілік құралдар: Суреттер, бейнероликтер.

Әрекет кезеңдері

Тәрбиешінің әрекеті

Балалардың әрекеті

Мотивациялық

қозғаушы

Шаттық шеңбері:

Біз әдепті баламыз,

Айтқан тілді аламыз,

Байтақ біздің даламыз,

Ойнап сауық құрамыз.

- Балалар, қазір жылдың қай мезгілі?

- Дұрыс айтасыңдар, балалар, ендеше бүгін Көктем мезгілі туралы сөз қозғаймыз.

Балалар шаттық шеңберін орындайды.

- Қазір жылдың Көктем мезгілі.

Ұйымдастыру іздестіру

Бейнеролик көрсетіледі.

- Қане балалар, ендеше мына бейнероликке назар аударайық.

- Ал, бұл бейнероликтен нені байқадыңдар?

- Дұрыс айтасыңдар, бұл көктем мезгілі туралы бейнеролик. Бұл бейнероликте күн жэарқырап тұр, жасыл шөптер бар. Жапырақтар да жасыл түсті. Кей ағаштар енді ғана бүршік атып келеді. Міне мына ағашта ақ болып тұрған - Бүршік.

Бейнеролик бойынша балалар

сергіту сәтін орындайды.

Балалар бейнероликке назар аударады.

Балалар жауап береді.

Балалар тәрбиешіні тыңдайды.

Балалар бейнероликтегі қимылдарды қайталайды.

Рефлекциялық түзетушілік

Қорытындылау:

Қонаққа Көктем келеді:

- Сәлем менің кішкентай достарым.

- Сәлем, Көктем, біз бүгін сен туралы әңгімелеп жатырған едік. Біздің балалар сен туралы біраз нәрсе біледі.

- Ал ендеше мен сендердің білімдеріңді бір тексеріп көрейін. Мен сендерге өзім туралы сұрақтар қоямын. Ал дұрыс жауап берген балаға мынадай көңілді смайликтер беремін.

- Қазір жылдың қай мезгілі?- Көктем мезгілінде қар бола ма?

- Жапырақтардың түсі қандай?

- Көктем мезгілінде ағаштар не істейді?

- Көктемде күн жылынады ма әлде салқындайды ма?

- Көктемде шөптер болады ма?

Мадақтау:

- Көрдің ғой Көктем. Біздің балалар өте ақылды. Сен туралы көп нәрсені біз білеміз.

- Ия, Тамаша. Мен қуанып тұрмын. Енді сендерге мына смайликтерді таратайын.

Көктем смайликтерді таратып болған соң қоштасып кетіп қалады.

- Ал, балалар осымен ұйымдастырылған оқу қызметіміз аяқталды.

Балалар Көктеммен амандасады.

Балалар Көктемнің сұрақтарына жауап беріп отырады.

- Көктем мезгілі