Қош келдің, Наурыз, екінші сыныпқа арналған тәрбие сағаты

Н.Ж.Ибраемова, М.Бегалиева атындағы

ЖОББМ-нің бастауыш сынып мұғалімі

Батыс Қазақстан облысы

Бөкей ордасы ауданы

Бөрлі ауылы

Тәрбие сағатының тақырыбы: «Қош келдің, Наурыз!»

Мақсаты: оқушылардың санасына халқына деген мақтаныш сезімін ұялату, оның тарихын, өнерін, мәдениетін қастерлей білуге тәрбиелеу.

Халықтың салт-дәстүрін, әдет-ғұрпын үйрете отырып, Наурыз халықтың ұлттық мейрамы екенін ұғындыру.

Көрнекіліктері: суреттер, нақыл сөздер, ұлттық тағам түрлері.

Мұғалімнің кіріспе сөзі: Құрметті: қонақтар, ата-аналар, оқушылар!

Наурыз – көнеден келе жатқан мейрам. Парсы тілінде «нау»-жаңа, «роз»-күн деген сөз. Бұл екеуі қосылып «Жаңа күн» деген ұғымды білдіреді. Наурыз мерекесінің дәстүрлі тағамы – наурыз көже. Ол жеті түрлі дәмнен даярлануы шарт. Мәселен: сүр ет, сүт, су, бидай, арпа, жүгері, тұз. Халқымызда «Наурыз көжені тойып ішкен адам келесі жылға дейін ішіп-жемнен тарлық көрмейді» деген наным бар. 22-наурызда күн мен түн теңеледі, жан-жануарлар төлдеп, адамдардың аузы аққа тиіп, жер үстіне шаттық орнайды. Қазақ осы күнді «Ұлыстың ұлы күні» деп атаған. Халық түсінігі бойынша 21-наурыз күні даланы Қызыр аралайды екен.

Осы қуанышты күн, жаңа жылдарыңыз құтты болсын! Ұлыстың Ұлы күні аталған Наурызда еңбектеріңіз өнімді, тілектеріңіз қабыл боп, ауыртпалықтарыңыз ескі жылда кетіп,жаңа жылда жаңа үміт, жаңа тіршілікпен, осы Ұлыстың Ұлы күнінде елімізге, жерімізге Наурызымыз есігін қуанышпен ашсын. Әр шаңыраққа береке, бірлік, мәртебе келсін! Барлық жақсы ниет тілектеріңіз қабыл болсын!

Олай болса, «Қош келдің, Наурыз!» атты кешімізді бастауға рұқсат етіңіздер.

Армысың Наурыз!

Қуаныш боп кір, төрлет.

Көрсетіп жатыр сый-құрмет.

Наурыз тойын тойлатып,

Ұлыстың ұлы күні келді.

Той құтты болсын!

Ұлыс оң болсын! (Наурыз бен Қызыр баба ортаға шығады.)

Наурыз: Сәлем, барша халқымыз,

Жаңарсын дәстүр-салтымыз.

Жақсы тілек айтамын:

Наурыз құтты болсын деп,

Ит жылы сіздерге

Қуанышқа толсын деп.

Уа, халайық, халайық,

Ақ сандықты ашайық,

Бұл мереке, бұл тойдың

Шашуларын шашайық. (Шашу шашылады.)

1-оқушы: Қош келіпсің, Наурызым,

Арман тойы ананың.

Қуанышы ғаламның,

Құтты болсын қадамың.

2-оқушы: Сені тойлап қарсы алып,

Бар әлемге жар салып.

«Бейбітшілік тойы» деп,

Қол соғады барша жұрт.

Ән: «Наурыз»

3-оқушы: Жаса, Наурыз айымыз!

Жаса, Көктем тойымыз!

Жаңа жылда жарандар

Үстем болсын мерейің!

Жақсылыққа бас болып

Келген Наурыз құт болсын!

(Ортаға Күн мен түн шығады.)

Күн: Күн менен Түн теңелді,