Қош келдің, Жаңа жыл ертеңгілігіне ашық сабақ

Бекітемін: Күні:27.12.2018ж

Тақырыбы: «Жаңа жыл- жаңа нұр »

Мақсаты: Аяз атаның қолынан сыйлық алғандарын көріп, балаларға мерекелік көтеріңкі көңіл-күй сыйлау . Кейіпкерлердің мерекелік киімдеріне назарларын аударту.Өлең тақпақтарын жатқа айтып ,сөздік қорларын байыту.

Клоуын ойнап ортаға шығады.

Шыршаны көріп, мына жақта мереке әлі басталмағанба деп жан-жағына қарап таңқалады.

(сол кезде залға аққала кіріп келеді)

Бом: Оо мынау менің аққала досым ғой ,сәлем аққала сенде жаңа жыл мерекесін тойлауға келе жатқан боларсың.

Аққала: Сәлем Бом ,әрине менде мерекеге кішкене бүлдіршіндердің өнерлерін тамашалайын деп келе жатқаным ғой.

Бом: Аққала біздің залымыз, шыршамыз жаңа жылды қарсы алуға дайын. Ал бірақ біздің кішкентай достарымыз қайда көрінбейді ғой. Біз кішкентай досымызсыз жаңа жылды қалай қарсы аламыз, жүр оданда оларды іздеп келейік.

(клоуын мен аққала сахнадан шығып кетеді , ОСЫ КЕЗДЕ ӘДЕМІ ӘУЕНМЕН БАЛАЛАР ЗАЛҒА

КІРІП КЕЛЕДІ)

Аққала: Мәссаған біздің достарымыз мында жүр екен ғой, қарашы Бом балалар қандай керемет киініп алған өздері сондай сүйкімді сәлем балалар!

Балалар: Сәлеметсіздерме?

Қош келдіңдер балалар!

Бом: Құрметті көрермендер , ата-аналар ,және біздің кішкентай бүлдіршіндер бүгінгі мерекеге қош келдіңіздер.

Мен Боммын, ал мынау менің досым Аққала.

Боранның дауысы естіледі.

Боран: - Сәлеметсіздерме балалар? Мен боранмын өзіммен бірге қарлы желдер әкелдім. Қарлы боран боп соғып келдім.

Хор: «Жаңа жыл»

Балалар шыршаны айналып жүріп айтады.

Балалар аққаланың сендерге қояр сұрақтары бар екен,сендер жауап беруге дайынсыңдарма?

Аққала: Балалар қазір жылдың қай мезгілі?

Балалар:қыс мезгілі

Аққала: дұрыс айтасыңдар.

Қыс мезгілі неше айдан тұрады?

Балалар: үш айдан тұрады.

Аққала: өте тамаша,айлардың аттарын атай аласыңдарма?

Балалар: желтоқсан,қаңтар, ақпан.

Аққала: балалар, қыс мезгілінің қандай ерекшеліктері бар ?

Балалар: қыста қар жауады, қардан аққала жасаймыз , шанамен ойнаймыз.Аяз атадан сыйлықтар аламыз.

Аққала: өте тамаша, сол қардан жасалған аққала мына менмін .Ал аяз ата өте алыстан келеді ,қасына немере қызы ақшақарды ертіп жүреді.Сендер аяз атаны сағынған боларсыңдар.

Балалар: қатты сағынғандарын айтады.

Аққала: Олай болса, барлығымыз экранға назар аударайық.

(экраннан Аяз атамен Ақшақардың балабақшаға кіріп келе жатқанын көріп қуанады)

Балалар қол шапалақтап Аяз ата мен Ақшақарды қарсы алады.

Аяз ата: Амансыңдарма ұлдарым?

Амансыңдарма қыздарым ?

Қандай жарқын жүздерің

Балдай тәтті кездерің

Асулармен алыстым

Асау желмен жарыстым

Бөбектерді сағынып

Шаршап келдім алыстан

Амансыңдарма ,балаларым

Ақшақар: Сәлеметсіңдерме кішкене бүлдіршіндер ,сендер қандай сүйкімдісіңдер.Сендердің мерекеге дайын екендерің көрініп тұр. Аяз атаның сендерге дайындаған сыйлықтары бар мен сол сыйлықтарды аяз атаға көтерісіп келдім.

Бом: Сәлеметсіздерме Аяз ата ,Ақшақар біздің мерекемізге қош келдіңіздер!

Аяз ата Ақшақар сонау алыстан неше күн ,неше түн жүріп шаршаған шығарсыздар қазір біздің кішкене бүлдіршіндеріміз мерекеге дайындаған әндерін айтып, билерін билеп берген кезде сіздер шаршағандарыңызды ұмытып кетесіздер .

Аяз ата: жарайды олай болса, Ақшақар қызымызбен екеуміз,сендердің өнерлеріңді тамашалайық.

Аққала: балалар, біздің шыршамыздың шамы жағылмай ,мерекені қалай бастаймыз.

Бом: Аққала шыршаның шамдарын, мен сиқырлы таяғымның күшімен, жағып берсем қалай қарайсыңдар?

Аққала: жарайды

Бом: ақалай, мақалай,ақалай, мақалай суффффф

(шырша шамдары жанбайды)

Аққала :Аяз ата шыршаның шамдарын мүмкін сіз жағып бересіз?