Қош келдің, жаңа жыл тәрбие сағаты балабақшаға

Қош келдің Жаңа жыл!

Тақырыбы: Қош келдің Жаңа жыл!

Мақсаты: Балалардың Жаңа жыл мерекесі туралы түсініктерін қалыптастыру, мерекелік көңіл күй ортасын ұйымдастыру, хормен ән айту шеберліктерін арттыру. Би қимылдарын қызығушылықпен, ырғақты сақтай орындауға тәрбиелеу, жаңа жылды татулықпен, достықпен бірге қарсы алып, көңілді өткізуге баулу.

Тәрбиеші: Армысыздар құрметті қонақтар, ата-аналар және ұжымдастар бүгінгі жаңа жыл мерекесіне арналған Қош келдің Жаңа жыл атты ертеңгілігімізді бастауға рұқсат етіңіздер! Олай болса Болашақ тобының бүлдіршіндерін қарсы алайық.

Тәрбиеші: Жаңа жыл мерекесі - әлемдегі қуанышқа толы ғажайып мерекелердің бірі. Бәріміз Жаңа жылдан жаңа бақыт күтеміз. Жаңа жылымыздың алғашқы құттықтау сөзі балабақшамыздың директоры Мұхымгереева Фариза Мұхымгерейқызына беріледі.Тәрбиеші: Қандай жақсы шыршамыз,

Ән шырқайық бәріміз.

Тақпақ айтып, би билеп,

Жаңа жылды бастайық.

-Балалар, бүгін біз жаңа жылды қарсы алуға жиналдық. Ендеше бәріміз бірге ән салайық.

Ән: В лесу родилась елочка

Тәрбиеші: Жарайсыңдар балалар әнді өте жақсы орындадыңдар. Балалар біздің ортамызда не тұр?

Балалар: Шырша.

Тәрбиеші: Шыршамыз неткен әдемі, ойыншықтары да көп екен. Шырша туралы тақпақтарымызды айтайық:

Зере: Тамаша, тамаша

Шыршамыз тұр жараса

Басында әсем жұлдызы

Көз тоймайды қараса.

Асылназ: Жаңа жыл, жаңа жыл,

Жаңа жылда жаңа жыр!

Жасыл шырша жаныңда,

Билеп барлық бала жүр!

Шыршамыз, шыршамыз

Көңілдіміз баршамыз

Ән салуға, би билеуге

Біз дайынбыз баршамыз.

Сулим: Шырша, шырша

Шамдарыңды жарқырат

Би билейміз айнала

Балаларды таңырқат.

Аяулым: Жасыл желек жамылған

Асыл моншақ тағылған

Міне сұлу шыршамыз

Көптен күткен сағынған.

Айкөркем: Жаңа жыл, жаңа жыл

Сені күттім елеңдеп

Өзіменен ілесіп

Аяз ата келер деп.

Бекұлан: Қуантып елді

Жаңа жыл келді

Өсетін болдым

Бір жасқа енді.

Нұрасыл: Жаңа жылмен шаттанып

Жаңарады бар бала

Шырша тойын тойлайды

Дөңгеленіп бар бала.

Саида: Тамаша ғой қыс деген

Қуанады бар бала

Шырша тойын тойлайды

Аяз ата қосыла.

Бекзат: Жүзімізде күлкі ойнап

Шаттанады жанымыз

Жаңа жылды біз тойлап

Шаттанамыз бәріміз.

Ән: «Шырша»

Тәрбиеші:Балалар енді ортамызға кім жетіспей тұр?

Балалар: Аяз ата мен Ақшақар

Тәрбиеші: Аяз ата мен Ақшақарды шакырайық балалар?

Балалар:Аяз ата,Ақшақар.

(Осы кезде Ақшақар болып киінген Мыстан кемпір кіреді. Қолында хаты бар)

Мыстан кемпір: Міне менде келіп қалдым. Мынау сендердің күтіп жүрген аппақ сақалы бар аталарынның беріп жібергені. Құстарға беріп жатқан жерінен тартып алып, сендерге алып келдім.

Тәрбиеші: Қане, әкел қарайын. Балалар, мынау хат қой. Қазір оқимын.

Асығамын деп жүріп

Сыйлықтарды шашып алдым.

Бұтаққа мен қабымды

Іліп алып, тесіп алдым.

Сыйлықтарды жинағанша

Сендерге мен немеремді

Жіберемін асыға

Қорғап сендер Ақшақарды

Жүріңдерші өтінемін.

Тәрбиеші: Аяз атамыз қайда? Кімсің сен?

Мыстан кемпір: Қалай кім? –Мен Ақшақармын.

Тәрбиеші: А-а Аяз атанын немересі боласын ба?

Мыстан кемпір: Әрине мен. Мені қарсы алыңдар.

Тәрбиеші: Сен Ақшақар болсаң, Аяз ата қайда?

Мыстан кемпір: Сендерге асығамын деп, санамақтарды шашып алды.

Тәрбиеші: Қандай санамақтар?

Мыстан кемпір: Қаптың түбі тесіліп, санамақтар шашылып.

Тәрбиеші:Ешқандай да сен Ақшақар емессің, кет кәне осы жерден.

Мыстан кемпір: Аяз ата сендерге мені қорғасын деді ғой.

Тәрбиеші: Балалар мүмкін ол шынымен Ақшақар шығар.

Балалар: Жоқ, жоооқ.

Тәрбиеші: Сонда кім болғаны?

Балалар: Мыстан кемпір.

Мыстан кемпір: А-а ойланып мені кім екенімді таптыңдар ма? Ақшақар менде, жібермеймін мен оны.

Тәрбиеші: Қане босат сен ақшақарды.

Мыстан кемпір: Мен Ақшақарға пештегі отымды жаққызамын.

Тәрбиеші: Енді не істейміз? Ол еріп кетеді ғой. Не керегін сен айтшы, бірақ Ақшақарды босат.

Мыстан кемпір: Мен мерекеге қатысқым келеді.

Тәрбиеші: Жарайды біз келісеміз, қала ғой. Ал, бірақ Аяз атамыз қайда?

Мыстан кемпір: Оны ормандағы жол белгіні өзгертіп, адастырып жібердім. Егер сіздер маған өлең айтып берсеңіздер жіберейін.

Тәрбиеші: Даусымызды шығарып Аяз ата өлеңін айтайық, атамыз даусымызды естіп, жол тауып келер.

Ән: Аяз ата

Тәрбиеші: Балалар қане Аяз ата мен Ақшақарды дауыстап шақырайық, адасып кетіп жүрмесін.

Балалар шақырады: Аяз ата, Аяз ата, Аяз ата, Ақшақар Ау - у - у - у! 3 - ретАяз ата: Аяулы ата - аналар, ардақты ұл - қыздар, бүлдіршін балаларыма бір сәлем! Амансыңдарма ұлдарым, амансыңдарма қыздарым. Жаңа жыл мерекелерің құтты болсын. Өткен жылы келгенде бәріңді де көрген едім. Жыл өткізіп келем деп уәдемді беріп едім. Бірақ сендерді танымай тұрмын. Бәрің бірдей өсіп қалдыңдар ма? Ал мен кіммін, мені тани алдыңдар ма?

Балалар: Аяз ата

Аяз ата: Ой, жарайсыңдар.

Ақшақар: Армысыңдар, халайық,

Бармысыңдар, халайық,

Жаңа жылды жұп жазбай,

Бірге қарсы алайық!

Аяз ата: Қарашы қандай әдемі, шырша ойыншықтары көп екен. Қызым шырша шамын жаға ғой. (Осы кезде мыстан білдірмей Ақшақардын сиқырлы таяғын ұрлап кетеді)

Ақшақар: Қазір. (Жан-жағын сипалап қалады) Бірақ таяғым жоқ. (Көңілі түсіп кетеді)

Аяз ата: Ештеңе етпес қызым көңіліңді түсірме, балалардың көңілін бұзасың. Мен жаға қояйын.

Ақшақар: Жо-жооқ ата. (Қолынан ұстап қалады) Ата сіз бәрін қатырып тастайсызғо. Бәрі қатып қаладығо.

Тәрбиеші: Мыстан сен тағы өз өнеріне кірістің бе? Сен ба таяқты ұрлаған.

Мыстан кемпір: Алақай, мен бәріңді қатырдым. Сендердің көптен күткен Жаңа жылдарың өтпейтін болды. Себебі Жаңа жылға сән беретін шыршаларыңның шамдары жанбайтын болды. Ол шамдарды жағатын айдай сұлу Ақшақардың сиқырлы таяғын мен ұрлап алдым.

Тәрбиеші: Бізбен бірге ойын ойнайсың. Ойында жеңіске жетсең, онда сиқырлы таяқ сенде қалады. Ал ұтылып қалсаң сиқырлы таяқты Ақшақарға қайтарасың.

Мыстан кемпір: Жарайды, ендеше ойынды бастайық.

Ойын ойнату. Ата-аналарға арналған ойын.