Қош келдің жаңа жылым ауылыма мақала материалы

Қош келдің, жаңа жылым ауылыма!

Ауылым-алтын бесігім

Жүрегім, жырым сенікі,

Кеңесті далам, кең далам.

Тудым, өстім, есейдім

Ең далам-анам, мен –балаң деп ақындарымыз жырлағандай ауыл өмірі әрқашан ыстық болады. Бірлігі мен ынтымағы жарасқан, үлкен мен кішісі сыйласқан қазақ қаймағы бұзылмаған Өндіріс ауылы жаңа 2019 жылды дүркірете қарсы алды. «Сіз»деген әдеп, «Біз» деген көмек демекші қазақ бабамыз әдепі мен көмегін аянбайтын кез-келген іс-шараны жұмыла көтеретін қасиетімен ерекшеленетін Өндіріс ауылы осы жолы да аянбай қалды. Сонау 1988 жылдары алтын ұя мектептерінен қанаттарын жая ұшқан түлектері туған ауылының еңсесін бір көтеріп, жаңа жылды тойлауға ат салысты. Сыныптарының бас көтер ер азаматтары мен жанұяларының қолдауымен ұйымдастырған жаңа жылдық кеш ел есінде қалды. Театр сөзімен айтсақ, «көргенде арманда көрмегенде арманда», бесіктегі баладан бастап, ақ жаулықты аналарымыз тамашалаған бұл мереке шынайы жалпыхалықтық сипатқа ие болды. Себебі, концерттік бағдарламада тек ауыл тұрғындары өз өнерлерін ортаға салып, аяз атаның сыйлығына ие болды. Шет жақтан ешқандай әртістерді де шақырудың ешбір қажеті жоқ екенін дәлеледеген , бойынан жеті өнер де табылатын қарапайым ауылдастарымыздың биін, ән-шашуларын, тіпті мағыналы көріністеріне де куә болдық. Бұл ауылдың қайталанбас ерекшелігі емес пе?

Жаңа жылды ұйымдастыру барысында барлық жағдайды ескеруге тырыстық, ең бастысы жерлестеріміздің көңілінен шығып, ел-жұрт бір сергіп алсын деген ниетіміз еді. Сол себептен де кешке жиналған, арнайы жаңа жылдық костьюм киген (ит, доңыз, мұз ханшайымы, қасқыр.т.б) тұрғындарға орындар беріліп, сыйлықтар ұсынылды. Өз өнерлерін ортаға салған жастармыз да құр қалмады. Күлкі мен қызыққа толы ойындар да ерекше көтеріңкі көңіл күйде ойнатылды. Елдің қуанышынде шек болмай, мәз-мейрам болғанын көру өзі бір ғанибет қой шіркін! Ортада Аяз ата мен Ақшақарды айнала билеген ертегі кейіпкерлері, қол шапалақтап мәз болған бала-шаға, езулері екі құлақтарына жететін күлкі басқан жүздер... Не деген тамаша көрініс дейсіз ғой!

Кештің аяғы қызған темірден де ыстық болғандай әсер қалдырды. Арнайы жасалып, ойнатылған 300 лоторея билеттерінің 200 –ден астамы ұтысты сыйлықтар өз иелерін тапты. Басты жүлде…