Қош келдің, жаңа жылым, елімe! 4-сынып сценарийі

«Қош келдің, Жаңа жылым, еліме!»

Жүргізуші:

Жасыл желек жамылған,

Асыл моншақ тағылған,

Miнe, сұлу шыршамыз,

Көптен күтіп, сағынған!

(Жаңа жылдық әуенге балалар қол ұстасып мерекелік залға кіреді, шыршаны айналып орындарына жайғасады.)

1 оқушы:

Уа, халайық жараңдар,

Айналаға қараңдар!

Жаңа жылдық бұл тойға,

Шақырамыз қол соға!

2 оқушы:

С Новым годом!

С новым счастьем!

Вам, желает детвора!

Ожидает вас сегодня

Много-много волшебства!

3 оқушы:

Уа, халайық, той бүгін

Бақыт, шаттық мол бүгін.

Қызық көріп, тойлаңдар,

Маңайға жар салыңдар!

4 оқушы:

Будут танцы, хороводы,

Фейерверки, чудеса.

Ожидает всех нас счастье,

Новый год пришел! Ураааа!

5 оқушы:

Қайырлы күн, құрметті ұстаздар, оқушылар, ата-аналар!

Сіздерді келе жатқан жаңа 2019 жылмен құттықтаймыз!

Жаңа жылда көтеріңкі көңіл - күй, зор денсаулық, сәттілік және бақыт тілейміз.

1 оқушы:

Олай болса, бұл не тұрыс?

Жаңа жылға арналған мерекемізді бастауға рұқсат етіңіздер!!!

Олай болса, біздің «jingle bells» жаңа жылдық биімізді қабыл алыңыздар.

2 оқушы:

Ендеше, кім де кім бар дауыспен ән салса,

Кім де кім шаршағанша билесе,

Кім де кім қалыспай ойындарға қатысса,

Соған, Аяз атаның сыйлығы бар екен.

1 оқушы (кричалка)

Олай болса, балалар,

Бар дауыспен ән шырқаймыз ба? Иә

Шаршағанша билейміз бе? Иә

Бүгінгі мерекеде тәртіп бұзып, тентек боламыз ба? Жоқ

Құмарымыз қанғанша ойын ойнаймыз ба? Иә

1 оқушы

Балалар, енді, әдеттегідей жаңа жыл мерекесін жүргізу үшін бір нәрсе жетіспей тұрған сияқты. Қалай ойлайсыңдар, ол не?

Әрине, Аяз ата мен Ақшақар жетіспей тұр. Олар біздің мектепті таба алмай жүрген болар.Кәнеки, бар дауыспен оларды шақырып көрейік, бәлкім, естіп келіп қалар. (Аяз ата аууууу, Аяз ата ауууу)

Әне-әне келе жатыр екен, кәне бар дауыспен шақырайық, әйтпесе басқа жаққа кетіп қалар.(Аяз-ата аууу, аяз ата ауууу)

(Аяз ата шанасын сүйретіп залға кіреді.)

Аяз ата:

Ассалаумағалейкум,

жұртым, жиналған!

Көңілдерің дүр маржан!

Айналайын ұлдардан,

Айналайын қыздардан!

Аяз атаң мен Ақшақар

Келді, мінеки, алыстан!

Ақшақар:

Сәлем бердім баршаға,

Сіздермен қауышқаныма қуана!

Неткен нұрлы жүздерің,

Неткен сұлу шыршаларың!

Бірақ, ата, қараңызшы,

Шырша шамдары жанбаған.

Аяз ата:

О, не дегенің қызым!?

Шыршаны шамын жағамыз,

сиқырлы сөзді айтып,

шыршаны лезде жайнатамыз!

Кәнеки, балалар, бәріміз бір дауыспен :

Шырша, шырша таңырқат,

Шыршамызды жарқырат! – дейік. 1,2,3!

Шырша, шырша таңырқат,

Шыршамызды жарқырат!

ШЫРША ШАМДАРЫ ЖАНАДЫ

Ақшақар:

Таң қалдырып баршаны,

Шыршамыз жарқырап жайнады.

Құбылтып, құлпыртып айналаны

Сиқырлы сәулелер жан-жаққа тарады.

Кәнеки, бәріміз қол ұстасып, ән шырқайық!

Ән: 3- сынып оқушыларының орындауында.

Аяз ата:

Бәрекелді, тамаша! Әнді керемет шырқадыңдар, жарайсыңдар! Енді өздерің көріп тұрғандай құр алақан емеспіз, Ақшақар екеуіміз сендерге арнаған сый-сияпаттарымыз бар. Кәне, қызым, мына бүлдіршіндерді қуантып сыйлықтарын таратып берейік.

Ақшақар:

Ата, бар ғой, ең кішкентай бүлдіршіндерімізден бастасақ қайтеді?

Аяз ата:

Әрине, балам, тек тізімді алып шық, бірде-бір бала құр қалмасын.Ал, бастайық!

(даярлық тобы,1-сынып,2 сынып,3 сынып,4 сынып сыныптарына кезекпен сыйлықтарын береді.)

Балам, бәріне бердік пе? Енді ең негізгі сыйлығымды әпере ғой, баршаға табыстайық.

Ақшақар:

Ой, ата, ол сыйлық мұнда жоқ.Ол қайда? Бағана болған.

Аяз ата:

Қой, дұрыстап қарадың ба? Енді қайттік?

Ақшақар:

Дұрыстап қарадым, мұнда жоқ. Енді қайттік? Онсыз жаңа жыл келмейтін болды ғой, ата -деп жылайды.

Аяз ата:

Қой, жылама, қызым, бір амалын табамыз.Балалар, сендер көрген жоқсыңдар ма?

Балалар:

Жоқ, көрген жоқпыз.

Аяз ата ; Ол сыйлықтың кім алғанын 2018 жылы шығып бара жатқан ит біледі.

Оны ортаға шақыру үшін бүлдіршіндеріміздің әдемі биін тамашалайық.

1-оқушы. 2-сынып оқушыларын әдемі биімен ортамызға шақырамыз.

Арыс-арыс,арыс етіп ит залға еніп келеді.

Ит:Ойланып. оны мен білсем мыстан кемпір алды.

Ақшақар:

Жарайды, бірақ ол қайда тұратынын біз білмейміз ғой-деп жылайды.

Жүргізуші:

Жылама, балалар білетін шығар, кәне, олардан сұрап көрейік.Балалар, Мыстан кемпір қайда тұратынын білесіңдер ме?

Балалар:

Білеміз, ол орманда тұрады.

Аяз ата:

Онда, бұл не тұрыс? Кеттік! Оған бару үшін кішкене бүлдіршіндеріміздің әнін тыңдап алайық. (Жарайсыңдар балалар)