Қош келіпсің, жаңа жыл ән мен жыр кеші

Қош келіпсің, Жаңа жыл, Азаймасын ән мен жыр!

Мақсаты: Қыс мезгілі туралы білімдерін тиянақтау. Балаларға жаңа жылдық көңіл күй сыйлай отырып, шығармашылықтарын шыңдау. Тілін, ой-өрісін, сөйлеу мәнерін дамыту. Әдемілікке, әсемдікке тәрбиелеу.

Жүргізуші: - Сәлеметсіздер ме, құрметті ата-аналар мен қонақтар! Біз сіздерді Жаңа 2020 тышқан жылымен құттықтаймыз. Жаңа жыл әр шаңыраққа жаңа табыс, жаңа бақыт, жаңа қуаныш әкелсін! «Қызғалдақ» тобы балаларының дайындаған «Қош келіпсің, Жаңа жыл, Азаймасын ән мен жыр!» атты ертеңгілігіне қош келдіңіздер!

Ақ көңілім айналды аппақ қарға,

Көңілдене қосыл сен ән мен жырға.

Қыс қызығы басылмай ұласады,

Қуанышы көп болсын Жаңа жылға, - дей отырып «Қызғалдақ» тобының балаларын қол соғып қошеметпен ортамызға шақырайық. (Музыка әуенімен балалар залға кіріп, орындарына жайғасады).

Жүргізуші: Балалар, қараңдаршы залдың іші қандай әдемі. Біздер қандай мерекені тойлауға келдік?

Балалар: Жаңа жыл мерекесін тойлауға келдік.

Жүргізуші: Дұрыс, айтасыңдар біз жаңа жыл мерекесін тойлауға келдік. Балалар, қараңдаршы ортадағы тұрған не?

Балалар: Шырша.

Жүргізуші: Балалар, қарандаршы, қандай әсем, көрікті шырша. Әдемі моншақтарын тағып алып, сіздерді күтуде. Қане көрікті шыршамызға арналған тақпақтарымызды айтып берейік. Ортаға: Раушан, Алинұр, Рауан, Іңкәр, Расул, Әлижан,Руслан.

Раушан:

Жаңа жыл – жаңа қадам, жаңа бағыт,

Болашақ сыйлайтындай жаңа бақыт.

Жақсылықтың белгісі, жаңа уақыт,

Келіп, міне, жатырмыз, қауқылдасып...

Бірге соғып бар әлемнің сағаттары,

Он екіні күтер, қалмай, тағаттары,-

Ғасырдың он екінші жылы келді,

Құстай ұшып, қырау шалған қанаттары!

Құтты болсын Жаңа жыл, барша қауым,

Құтқа орансын кең байтақ дархан елім.

Қазақтың пейіліне тарту етсін,

Табиғат ашық аспан, таң шапағын!

Алинұр:

Тауда туып, тауда өскен

Шырша келді ортаға

Құтты болсын жаңа жыл!

Жаңа бақыт, жаңа жыр!

Әдемілеп біз ілеген

Ойыншықтар тізілген

Қандай жақсы шыршамыз

Тамсанайық баршамыз.

Ақ қар жапты даланы

Рауан:

Тамаша.тамаша! Шыршамыз тұр жараса. Басында әсем жұлдызы Көз тоймайды қараса.

Іңкәр:

Өседі шырша орманда,

Орманда мәңгі тұрады,

Түп-түзу боп қысы – жазы

Жап-жасыл күйде тұрады.

Моншақтар оған қыстырып,

Әнімен шеңбер құрамыз.

Көңілді күймен мәз болып

Жаңа жылды қарсы аламыз

Расул:

Безендіріп мұнша кім,

Таңдай қағар әркім-ақ.

Әйбат жасыл шыршаның,

Шамдары тұр жарқырап.

Айналада ақшақар

Жалт жұлт етер күмістей

Балалар жүр шаттанып

Күні бойы түк ішпей

Балалар жүр асыр сап

Аққаланы қызықтап

Аппақ қардың бетіне

Айқыш-ұйқыш сызық сап.

Әлижан:

Жаңа жыл, жаңа жыл. Жаңа жылға-жаңа жыр. Жасыл шырша жанында Билеп барлық бала жүр.

Руслан:

Ақ қар жапты даланы,

Ақ қар жамылды айнала.

Жарқыратып шамдарын,

Шырша келді ортаға.

Әдемілеп біз ілген,

Ойыншықтар тізілген

Қандай әсем шыршамыз,

Ән шырқайық баршамыз.

Жүргізуші: - Балалар, слайд тақтаға назар аударайық.

Слайд № 1 ( Аяз ата мен ақшақардың дайындығын көрсету)

(Тышқанның тықыры естіледі,мяулаған мысықтың дауысы шығады)

Жүргізуші: Балалар, бұл не, ненің дауысы?

Слайд № 2 Көрініс. Мысық мультфильм қарап жатады. Тықырлаған дыбысты естіген мысық басын көтеріп қарайдыда, тышқанды көріп, қуа жөнеледі. Үйдің ішін қорыс қылады. Қашып құтылған тышқан ормандағы мыстанның үйіне кіріп кетеді. Ормандағы түлкі мен қасқыр тышқанның мыстанның үйіне кіріп кеткенін көріп қалады.

Мақта қыз келеді.

Мақта қыз: Не болған үйдің ішіне, неге қорыс болып жатыр?

Мысық: Қарным ашып тышқанды қуып едім, тышқан маған ұстатпай қашып үйді қорыс қылды.

Мақта қыз: «Тышқанды неге қуасың, біздің жаңа жылымыз. Біз Жаңа жылды күтіп отырмыз. Бар тышқанды тауып әкел, таппасаң құйрығыңды жұламын»- деп мысықтың құйрығын жұлып алады.(Мысықтың дауысы шығады мяулаған)

Сахнада: Мақта қыз үй сыпырып жүреді,

Мысық: -Мақта қыз, Мақта қыз құйрығымды бершіі?

Мақта қыз: -Тышқанды тауып әкел! Құйрығыңды сосын беремін.

Мысық: -Кімнен көмек сұраймын? Орман аңдарына барайын, мүмкін маған солар көмектесер.

-Аааауууу достарым қайдасыңдар, маған көмектесіңдершііі... (сахнадан шығып кетеді)

Жүргізуші: Балалар, Мақта қыз ашуланып мысықтың құйрығын жұлып алды. Жаңа жылымыз тышқан қашып кеткесін Мақта қыздың көңіл күйі жоқ екен, көңілін көтеріп, ән шырқап берейік.

- Мақта қыз сен мұңайма, одан да сен балалардың өнерін көруге ортамызға қосыл.

Ендеше балалардың орындауында «Шыршаға бардық» әнін, қабыл алыңыздар.

Ән: «Шыршаға бардық»

1.Жаңадан тақпақ, Аламыз жаттап.

Жаңа жыл келді, Жаңадан аппақ.

Қ-сы:

Шыршаға бардық, Әсем ән салдық.

Аяз атадан сыйлықтар алдық.

2.Қуантып елді, Жаңа жыл келді.

Өсетін болдық, бір жасқа енді.

Жүргізуші: Ой, балалар бұл неғылған дабыр? Қәне қарайықшы...

Сахна: (Мысық орман аңдары Қасқыр мен Түлкі бәрі сахнаға шығады.)

Қоян: Ееейй Мысық, құйрығың қайда? (Таң қалып айтады)

Мысық: Мақта қыз жұлып алды. (Ұялып)

Қоян: Неге жұлып алды?

Мысық: -Қарным ашқасын тышқанды ұстап алайын деп қуып едім, үй шашылып қалды. Мақта қыз ашуланып құйрығымды жұлып алды. Келетін жаңа жылымыз тышқан жылы екен ғой мен білмей қалдым. Енді маған тышқанды табуға көмектесіңдер.

Қасқыр: Біз көрдік тышқанды. Ол ормандағы мыстанның үйшігіне кіріп кетті.Ол сеннен қорқып қашып кірген екен ғой.

Мысық: Мен Мыстаннан қорқамын, сендер маған көмектесіңдершіі.

Түлкі: Олай болса, Мыстанды маған қалдырыңдар, қасқыр екеуміз жаңа жылдық мерекеге алып кетіп алдай тұрайық. Жүр бәріміз мыстанның үйіне барайық.

Слайд № 3 (Мыстанды алдап алып бара жатқанын слайдтан көрсетеді)

Сахна: (түлкі, қасқыр, мыстан сахнаға келіп балалармен билейді.)

Жүргізуші: - Қане, түлкі, қасқыр, мыстан біздің қыздардың биін тамашалаңыздар.

Жаңа жылды біз тойлап

Шаттанамыз бәріміз.

Кел, Жаңа жыл біздерге,

Кел, Жаңа жыл, Жаңа жыл! - қыздар «Көңілді тышқандар» биін билейді.

Би: «Көңілді тышқандар» (Іңкәр, Дана, Гаухар, Қарақат, Ақлима, Әмина)

Жүргізуші: Ендеше, балалар орман аңдары сендермен бойы сергітіп ойын ойнағысы келіп тұр екен. Қане ойын ойнаймыз ба?

Ойын: «Қар түйіршіктерін жинау»

Шарты: Ол үшін екі топқа бөлінеміз. Бірі түлкінің, ал екіншісі қасқырдың тобы болады. Шелектегі қар түйіршіктерін екінші шелекке түсірмей қасықпен тасимыз. Қай топ көп жинаса, сол топ жеңімпаз болады.

Жүргізуші: Мақта қыз біздің балалардың Жаңа жылға арнаған тақпақтары бар. Тақпақтарын айтуға ортаға шақырамын: Жігер, Дильназ, Амирхан, Мәдина, Айбек.

Жігер:

Жаңа жылды біз тойлап

Шаттанамыз бәріміз.

Кел, Жаңа жыл біздерге,

Кел, Жаңа жыл, Жаңа жыл!

Тақпақтарды жаттадық,

Би де үйрендік көрсін деп

Аяз ата шаттанып

Бізге риза болсын деп.

Дильназ:

Жаңа жыл мерекесі құтты болсын,

Әрқашан мерекелі көңіл болсын.

Кеудеміз күмбірліеген жырға толсын

Қане, достар, күлкі мен орта толсын.

Жаңа жылды қарсы алайық бәріміз,

Керемет қой жаңа жылғы әніміз.

Ән айтамыз бәріміз де қуанып,

Жаңа жылдың біз, сіз болар сәніміз.

Амирхан:

Аяз Ата ойды қырды Аралап жүр түгел шолып. Қарсы алғалы жаңа жылды, Ол да көптің бірі болып. Қайда қызық болса думан, Аяз Ата сонда болды. Күндіз үйде ойнап бізбен, Балалармен бірге болды.

Мәдина:

Өткен жылға ризамыз

Өсе түсті бойымыз,

Өсе түсті ойымыз

Жарқырайды жүзіміз

Жақсы жаңа жыл келді

Асқар таумен тұлғалас

Біз осылай жылды енді,

Қарсы алайық бәріміз.

Айбек:

Келді міне Жаңа жыл,

Жаңа жылым төрлеші,

Жасыл шырша жанында,

Ойыншықтар көрмесі.

Жүргізуші:

Жаңа жылда келеді,

Қарсы алайық бәріміз.

Күліп-ойнап, би билеп,

Ән салайық бәріміз, – деп кезекті «Шырша жырын» әнін шырқап берейік.

Ән: «Шырша жыры»

1.Кәне достар тұрмайық,

Қарсы алайық жыл басын.