Қош келіпсің, жаңа жыл мерекелік ойындар

Қош келіпсің Жаңа жыл, Азаймасын ән мен жыр!

Мақсаты: Қыс мезгілі туралы білімдерін тиянақтау. Балаларға жаңа жылдық көңіл күй сыйлай отырып, шығармашылықтарын шыңдау. Тілін, ой-өрісін, сөйлеу мәнерін дамыту. Әдемілікке, әсемдікке тәрбиелеу.

Тәрбиеші: Сәлеметсіздерме! Қымбатты қонақтар, ата-аналар, балалар. Сіздерді келе жатқан жаңа жыл мерекесімен құттықтаймыз! «Жұлдыз» тобы балаларының «Қош келіпсің Жаңа жыл, Азаймасын ән мен жыр!» атты ертеңгілігіне қош келдіңіздер!

Тәрбиеші: Құтты болсын ағайын

Жаңа жылым тағы да.

Қол соғып қарсы алайық,

Шақырайық ортаға,

Ертеңгілік бастасын.

Айзере қызымызды Жаңа жыл әнімен

Ән: Жаңа жыл

1.Жаңа жылым келді еліме, 2.Жетелейді арман алысқа,

Жаңа жылым келді жеріме! Саған да, бұл сезім таныс па?

Көкейімде сайрап сан арман, Жаңа жылым, мынау елімді,

Бізді тосады бақыт алдан! Жеткізеді жаңа табысқа!

Жаңа жылым келді еліме,

Жаңа жылым келді жеріме!

Көңілді бөлейтін шаттыққа,

Әр үйді бөлейтін бақытқа!

(Музыка әуенімен балалар залға кіреді)

Тәрбиеші: Балалар, қарандаршы, қандай әсем, көрікті шырша. Әдемі моншақтарын тағып алып, сіздерді күтуде. Қане көрікті шыршамызға арналған тақпақтарымызға кезек берейік.

(Абдурахман, Аяжан, Саяжан, Асылай, Ақбота, Ж.Айару)

Абдурахман: Тауда туып, тауда өскен, Ж.Айару: Тілеймін мен бар әлемге,

Шырша келді ортаға. Дос көп болсын жаңа жыл

Қандай жақсы шыршамыз, Ата-әже, әке-ана,

Ән шырқайық баршамыз. Құтты болсын жаңа жыл.

Аяжан: Келді міне жаңа жыл, Саяжан: Ақ тілектен нәр алып,

Жаңа жылым төрлеші. Көңілденіп бағалық.

Жасыл шырша жанында, Жасыл шырша жанында,

Ойыншықтар көрмесі Жыр төгіп ән салалық

Асылай: Тамаша, тамаша, Ақбота: Жаңа жыл, жаңа жыл,

Шыршамыз тұр жараса Жаңа жылға жаңа нұр

Басында әсем жұлдызы, Жасыл шырша жанында,

Көз тоймайды қараса Билеп барлық бала жүр.

Тәрбиеші: Мың бұралып би-билеп,

Шығамыз біз ортаға.

Бүгінгі той тамаша,

Қуанамыз балаша.

Би: «Қуыршақтар»

Тәрбиеші: Балалар, ендеше слайд тақтаға назар аударайықшы, Аяз атамыз бен Ақшақар сыйлықтарын балаларға дайындап жатыр екен

1.Cлайд ( Аяз ата мен ақшақардың дайындығын көрсету)

(Тышқанның тықыры естіледі,мияулаған мысықтың дауысы шығады)

Тәрбиеші: Балалар, бұл не, ненің дауысы?

-Балалар ендеше слайд тақтаға назар аударайықшы

2.Слайд: Көрініс. Мысық мультфильм қарап жатады. Тықырлаған дыбысты естіген мысық басын көтер

іп қарайдыда, тышқанды көріп, қуа жөнеледі. Үйдің ішін қорыс қылады. Қашып құтылған тышқан ормандағы мыстанның үйіне кіріп кетеді.) Ормандағы түлкі мен қасқыр тышқанның мыстанның үйіне кіріп кеткенін көріп қалады.

Мақта қыз келеді.

Мақта қыз: Не болған үйдің ішіне, неге қорыс болып жатыр?

Мысық: Қарным ашып тышқанды қуып едім, тышқан маған ұстатпай қашып үйді қорыс қылды.

Мақта қыз: «Тышқанды неге қуасың, біздің жаңа жылымыз. Біз Жаңа жылды күтіп отырмыз. Бар тышқанды тауып әкел, таппасаң құйрығыңды жұламын»- деп мысықтың құйрығын жұлып алады. (Мысықтың дауысы шығады мияулаған)

Сахнада: Мақта қыз үй сыпырып жүреді

Мысық: Мақта қыз, Мақта қыз құйрығымды бершіі?

Мақта қыз: Тышқанды тауып әкел! Құйрығыңды сосын беремін.

Мысық: Кімнен көмек сұраймын? Орман аңдарына барайын, мүмкін маған солар көмектесер.

-Аааауууу достарым қайдасыңдар, маған көмектесіңдершііі... (сахнадан шығып кетеді)

Жүргізуші: Балалар, Мақта қыз ашуланып мысықтың құйрығын жұлып алды. Жаңа жылымыз тышқан қашып кеткесін Мақта қыздың көңіл күйі жоқ, көңілін көтеріп, ән шырқап берейік.

Тәрбиеші: Бүгін біз көңілдіміз,

Жаңа жылды қарсы алып.

Мерекеге келгендерді,

Құттықтаймыз ән салып.

Ән: Шыршаға бардық.

1.Жаңадан тақпақ, Шыршаға бардық, 2.Қуантып елді,

Аламыз жаттап. Әсем ән салдық Жаңа жыл келді.

Жаңа жыл келді, Аяз атадан Өсетін болдым

Жаңа жыл аппақ. Сыйлықтар алдық Бір жасқа енді.

Тәрбиеші: Ой, балалар бұл неғылған дабыр? Қәне қарайықшы...

Сахна: (Мысық орман аңдары Қасқыр мен Түлкі бәрі сахнаға шығады.)

Қоян: Ееейй Мысық, құйрығың қайда?(Таң қалып айтады)

Мысық: Мақта қыз жұлып алды. (Ұялып)

Қоян: Неге жұлып алды?

Мысық: Қарным ашқасын тышқанды ұстап алайын деп қуып едім, үй шашылып қалды. Мақта қыз ашуланып құйрығымды жұлып алды. Келетін жаңа жылымыз тышқан жылы екен ғой мен білмей қалдым. Енді маған тышқанды табуға көмектесіңдер.

Қасқыр: Біз көрдік тышқанды. Ол ормандағы мыстанның үйшігіне кіріп кетті. Ол сенен қорқып қашып кірген екен ғой.

Мысық: Мен Мыстаннан қорқамын, сендер маған көмектесіңдерші.