Қошақаным менің тақырыбына арналған сабақ жоспары

Білім беру саласы: Шығармашылық

Бөлімі: Мүсіндеу

Тақырыбы: Қошақаным менің

Мақсаты: үй жануарлары туралы түсініктерін жалғастыру.мүсіндеудің әдіс-тәсілдерін меңгерту, ұсақ қол қимылдарын дамыту.өзара көмекке, достыққа тәрбиелеу..

Қостілділік компонент: қозы-ягненок,

Қажетті көрнекіліктер немесе құралдар: үй жануарларының суреттері, ермексаз, тақтайша, сүлгі, суреттер, үлгі.Сын тұрғысынан ойлау, ойын технологиясын пайдалану

Кезеңдері

Тәрбиешінің іс-әрекеті

Балалардың іс-әрекеттері

Мотивациялық қозғаушы

Шаттық шеңбері

Қазір қай жыл мезгілі?

Онда көктем жайлы өлең жолдарын айтсақ

Көктем, көктем, көктемде,

Құстар келіп сайрайды.

Төлдер ойнап секірді,

Қуанып бір қалады!

- көктем

Балалар қайталайды

1. Балалардың назарын суретке аударып, мынадай сұрақтар қояды:

- әдемі сурет пе?

- қай жыл мезгілі суреттелген?

2. Балалар сабағымызды бастамас бұрын сендердің көңіл-күйлеріңді біліп алсақ!

- көңіл-күйлерің қандай?

Ендеше «Тамаша» ойынын ойнасақ-деп ұсыныс жасайды.

Жайқалып өскен көк шөп қандай?

Ауа-райы қандай?

Өсіп тұрған гүлдер қандай?

3. Балалар мына жайқалған жайлауда нелерді көріп тұрсыңдар?

- үй жануарларын тағы қалай атауға болады?

4. Балаларды орындарына отыруды ұсынады.

5. Ғажайып сәт: «Қонаққа көңілсіз күшік келеді»

Тәрбиеші:

- Сен неге көңілсізсің?

Күшік:

- Менің досым Адам маған үй жануарларын сеніп тапсырған еді. Біз ойнап жүріп анамыздан көз жазып қалыппыз.

Тәрбиеші:

Балаларға күшікке көмектесеміз бе?-дейді.

- Алдымен төлдің аттарын атайық та, сонан кейін енесінің қасына апарып қояйық. Күшік сен енді адасып қалмас үшін аңдып отыр.

- жақсы балалар төлдер мен енелері бір-бірімен қауышты, енді сендерді үйде аналарың немесе әжелерің осы төлдерге ұқсатып қалай еркелетеді?

6. Жұмбақ жасыру:

Моп-момақан өзі,

Сүп-сүйкімді көзі.

7. Қозыға сипаттама жасау.

8. Алдын-ала дайындалған қажетті материалдарды көрсете отырып қозы жасауды ұсыну.

- алдымен ермексазды жұмсартады

- бөлік бөліп алып қозының денесін сопақша етіп жасайды.

- басын жасайды

- басын денесіне сіріңке арқылы жалғайды.

- басына күнбағыстың дәнінен құлақ, қатты бұршақтан көз жасайды.

- мақта таяқшаларын пайдаланып қозының аяғын жасайды.

- мақтаны пайдаланып қозыға жүн жапсырады.

Осымен қозы дайын.

Сергіту сәті:

Қошақаны қойдың,

Қайда қалып қойдың.

Бұлтиып тұр бүйірің,

Қай өрістен тойдың.