Қоян бізде қонақта мектепке дейінгі ашық сабақ

Ұйымдастырылған оқу қызметі

«Күншуақ» кіші тобы

Білім беру саласы: «Таным», «Шығармашылық», «Қатынас»

Бөлімі:Сенсорика, тіл дамыту, музыка

Тақырыбы: Қоян бізде қонақта

Білімділік мақсаты: Үлкен және кішкентай ұғымдарын кеңейту. Заттарды түсі бойынша топтастыру іскерлігін бекіту. Күз мезгілінің табиғат ерекшеліктері туралы түсініктерін тереңдету.

Дамытушылық мақсаты:

Балаларды үлкен және кішкентай заттарды көрсете білуге, сөздерді дұрыс айтуға жаттықтыру, қолдың ұсақ моторикасын жетілдіру.

Тәрбиелік мақсаты: Жануарларына қамқорлық көрсетуге тәрбиелеу. Әдіс – тәсілі: түсіндіру, көрсету, сұрақ – жауап, ғажайып сәт, ойын,әңгімелесу.

Қолданылатын көрнекі құралдар: Күз мезгілінің көрінісі, үлестірмелі материалдар, түрлі-түсті доптар (қызыл,сары,жасыл,көк)

Алдын-ала жүргізілетін жұмыстар: күз мезгілі туралы әңгімелесу, жануарлардың қорегі туралы мағлұмат беру.

Билингвалды компонент: сәбіз-морковь

Мотивациялық-қозғаушылық кезең:

Тәрбиеші балаларды қонақтармен амандасуға шақырып, көңіл-күйлерін сұрайды.

Шаттық шеңбері

Көңіл-күйің жақсы болса шапалақ!

Көңіл-күйің жақсы болса, аспанымыз ашық болса

Қолдарыңды белге қойып топылдат!

Тәрбиеші балаларды жетекші сұрақтар арқылы күз мезгілі туралы сұрайды.

-Балалар қазір қай мезгіл?

-Күз мезгілінде күн қандай болады?

-Адамдар қалай киінеді?

Ғажайып сәт.

Топқа есікті тоқылдатып қоян келеді:

-Сәлеметсіңдер ме, балалар!

-Сәлеметсің бе, қоян! Сен тоның қандай әдемі?Балалар ұстап көріңдерші.

Тәрбиеші:

-Қараңдаршы балалар қоянның құлағы қандай ?

-Қоянның құлағы ұзын.

Қоян:

-Ал, сендер мен сияқты секіре аласыңдар ма?

(балалар орындарынан қос аяқтап секіріп көрсетеді)

Тәрбиеші:

-Ал, қоян сен мында не істеп жүрсің?

-Менің кішкене қояндарымның қарындары ашты. Тамақтандыруға көмектесіңдерші.

«Үлкен-кішкентай» дидактикалық ойыны.

Мақсаты: үлкен-кішкентай ұғымын бекіту.

Шарты: Үлкен қоянға үлкен сәбіз,кішкене қоянға кішкене кішкене сәбізді таңдап қояды.

Тәрбиеші:

-Балалар, жарайсыңдар.Енді қоянмен бірге денемізді сергітіп алайық.

Сергіту сәті:

Машинамен келеміз, келеміз, келеміз

Терезеден қараймыз, қараймыз.

Дәңгелектер айналат, айналат,айналат.

Жолда тұрма балақай бип, бип, бип, бип.

Қоян:

-Балалар, сондай ақылды екенсіңдер.Сендерді түстерді білесіңдерме?

Балаларға себеттегі доптарды көрсетеді. Мына доптар араласып кетіпті.Осыларды түстері бойынша себеттерге салып беріңдерші.

« Түсіне қарай таны» дидактикалық ойыны.

Қоян:-Балалар, сендерге үлкен рахмет! Менің де сендерге әкелген сыйым бар(Себет толы алмаларын көрсетеді)

Қоян балалармен қоштасып қайтады.

Рефлексиялық- түзетушілік.

-Бүгін топқа кім келді?