Қоянда қонақта ашық музыкалық сабақ мектепке дейінгі топқа

Музыка жетекшісі: А.Б.Калиева

Тобы: «Айгөлек» ортаңғы тобы

Білім беру саласы: Шығармашылық

Бөлімі: Музыка

Тақырыбы: «Қоянда қонақта»

Мақсаты: әнді таза айтуға үйрету; есту, есте сақтау қабілеттерін дамыту. Ойын арқылы музыкаға деген қызығушылықтарын ояту.

Міндеттері: әнді жеке және топпен айту; музыканың сипатына сай қимылдар жасай білу. Ән айтуға қызығушылықтарын арттыру, көтеріңкі көңіл күй сезімін ояту. Жануардың қимыл-қозғалысын би қимылдарында көрсете білу.

Күтілетін нәтиже:

Біледі: әнді таза айтуды, әннің сипатын ажырата білуді.

Игереді: әуеннің екпінін сезіне жеткізуді.

Меңгереді: би қимылдарын көрсете білуді, ойынға белсене қатысуды.

Қолданылатын көрнекі құралдар: орман көрінісі, «паровоз» макеті, ойыншық қоян, сәбіздер, нота хрестоматиясы.

Әдіс-тәсілдер: мнемокесте, блум кубигі, бейнежазба.

Кіріспе бөлім:

Музыкалық сәлемдесу.

-Балалар, бүгінгі іс әрекеттің тақырыбы «Қоянда қонақта».

Олай болса, бәріміз поезға отырып, орманға қоянға қонаққа барамыз.

Үнтаспада пойыз дауысы естіледі, бірінің соңынан бірі қатарласа жүреді.

Әуен аяқталғанда «Міне, орманға да жеттік», - деп тоқтайды.

– Балалар, қараңдаршы, нені көріп тұрсыңдар?

- Қоянды.

Негізгі бөлім:

Жетекші ойыншық қоянды қолына алады, қане балалар, қоянмен амандасайық.

Балалар: -Сәлеметсің бе, Қоян.

Қоян: -Сәлеметсіңдер ме, балалар. Сендерді көргеніме өте қуаныштымын.

Келіңдер, төрлетіңдер!

Жетекші: Жақсы Қоян, олай болса балалармен бірге, әдемі музыканы тамашала.

Музыка тыңдау. «Ақ қоян» (Б.Аманжол, Н.Жанаев).

(Бейнежазбаны балаларға көрсетіп, тыңдатады)

Әннің сипаты қандай?.

-Көңілді, ойнақы.

-Бұл әнде не туралы айтылған?

-Қоян туралы.

Тамаша, балалар!

Енді қоянға арнап ән айтып берейік.

Алдымен дауысымызды әдемілеп жаттықтырып алайық.

Дауыс жаттығуы: «лё-о-о-о-о»

Жаттығуда терең тыныс аламыз, дауысты еркін шығарып, таза айтамыз.

Ән үйрену: «Сұр қоян» (А. Филиппенко)

Әннің 1-шумағын мнемокестеге қарап айтқызады, сөздерін анық айтуға үйретеді. Әуенге ілесе бірге орындауын қадағалайды.

Ұзын құлақ сұр қоян,

Естіп қалып сыбдырды.

Ойлы қырлы жерлермен,

Ытқып – ытқып секірді.

Қарап еді артына,

Қиығын сап көзінің.

Келе жатқан томпаңдап,

Көжегі екен өзінің.

Әнді екінші рет орындап, мәтінге сәйкес қимылдарды көрсетеді.

- Қоян ризашылығын білдіріп, өзімен бірге «Қояндар» биін билеуге шақырады.