Қозғалмалы бөлшекті робот жасау ғылыми жобасы 2 сынып

П І К І Р

«Егер қоғам қайраткері болуға қабілетті робот құрылса, ол оның ішінде ең үздігі болар еді. Робот техникасының тұжырымдамасы бойынша, ол адамдарға зұлымдық келтіре алмас еді, зорлық-зомбылықты, параға сатып алуды, ақымақтық пен жалған сенімді білмейтін болар еді...» Айзек Азимов «Мен, Робот» кітабынан. Робототехника — елімізде енді ғана дамып келе жатқан инновациялық сала. Ал әлемде бұл саланың тарихының тамыры тіпті тереңде жатыр. Өсіп келе жатқан жас буынмен бірге еліміздің робототехника саласы да бой көтеруде. Адам өмірін жеңілдетуге арналған роботтарды күнделікті өмірде қолданатын уақыт та алыс емес. Робототехника оқушылардың сын тұрғысынан ойлауын дамытуға және практикалық тапсырмаларды шеше білуге ықпал етеді, сонымен қатар бұл жастарды ғылым, технология, математика арқылы жаңашылдыққа шабыттандыратын, бүгінгі күннің мәселерін шешу үшін өз дағдылырын қолдануға, жағдайды талдауға шығармашылықпен ойлауға мүмкіндік беретін өте тартымды білім ортасы деп ойлаймын.

Әміре жұмысты жүргізу барысында «робот» терминінің шығу тарихын, робот жасау жұмысының кезеңдерін, робототехниканың пайдалану салалары жайлы білді, қол жетімді заттардан үй жағыдайында қозғалмалы бөлшекті робот жасады. Үнемі жұмыс менің тарапымнан бағытталып отырды.

Автор тақырып аясында алынған өзекті мәселені толығымен қамтып, қойылған мақсат пен міндеттеріне қол жеткізген және ғылыми зерттеу еңбегі өз деңгейінде орындалған.

Жетекші: Нуракова К.К.

Аннотация

Роботтар адам өміріне түрлі салаларда қызмет етіп жатыр. Олар ғарышқа ұшып, алыс планеталарды зерттейді, әскери салада жарылғыш заттарды залалсыздандырып, аспаннан бақылау жүргізеді. Өндірістерде роботтың қызметінсіз жұмыс жүрмейді десек болады. Олар көлік бөлшектерін жинастырып, жаңа дәрі түрлерін жасауға көмектеседі.

Ұсынылған ғылыми-зерттеу жұмысымда адам өміріндегі роботтар жайлы айтылып, роботтардың түрлі түрлері сипатталған. Қозғалмалы бөлшегі бар робот моделін құру жұмысы жүргізілді.

Зерттеу мақсаты: робототехника тек ойын емес, болашақта мамандыққа айналуы мүмкін маңызды іс екенін дәлелдеу, қол жетімді материалдардан қозғалмалы бөлшекті робот ойыншығын құрастыру

Зерттеу жұмысының негізгі болжамы: Теориялық негіздерге сүйене отырып, қозғалмалы бөлшекті робот жасаудың мүмкіндігі.

Зерттеу жұмысының әдістемесі:

Роботтар тарихын білу

Роботтардың қай салада қолданылатынын анықтау.

Жас балалар арасында роботтардың қаншалықты маңызды және роботтарға деген қызығушылықтары қандай деңгейде екенін білу үшін сауалнама жүргізу

Қолжетімді материалдардан қозғалмалы робот ойыншығын құрастыру

Зерттеудің теориялық және практикалық мәні:

Ғылыми әдебиеттерге шолу жасау арқылы роботтың шығу тарихын, қолдану салаларын жан-жақты ашу, роботтың негізгі бөлшектерін білу - теориялық мәні болып табылады.

Зерттеудің жаңалығы мен дербестік нәтижелері:

Теориялық негіздерге сүйене отырып, қол жетімді материалдардан қозғалмалы бөлшекті пайдалы робот жасауға болады.

Кіріспе

Роботтар адам өміріне түрлі салаларда қызмет етіп жатыр. Олар ғарышқа ұшып, алыс планеталарды зерттейді, әскери салада жарылғыш заттарды залалсыздандырып, аспаннан бақылау жүргізеді. Өндірістерде роботтың қызметінсіз жұмыс жүрмейді десек болады. Олар көлік бөлшектерін жинастырып, жаңа дәрі түрлерін жасауға көмектеседі.

Роботтарды жасаумен айналысу – ол техникалық ептілікті, бағдарламалау дағдыларын және де жай ғана әуестікті дамыту болып табылады, сондықтан жастар арасында робот техникасына деген қызығушылық артып келеді.

Робототехника – менің басты әуестігім. Сондықтан ғылыми жобамды осы салаға арнадым.

«Роботжәне робототехника» терминдерінің шығу тарихы.

Іс жүзінде әрбір адам өнертабысы өнерде көрініс табады. Роботтармен керісінше болды: көптеген ғылыми-фантастикалық жазушылардың шығармалары ғалымдарды робототехникада жұмыс істеуге шабыттандырды.

Ал 1921 жылдың қаңтарында Прагада драматург Карел Чапектің жаңа спектаклінің премьерасы болған соң робот жасау «дәуірі» басталды.

«Робот» деген сөз Чех тілінен аударған "robota" яғни, мәжбүрлі еңбек дегенді білдіреді

Роботтар - бұл бағдарламаға негізделген операцияларды жүзеге асыра алатын және қоршаған ортаға әсер ететін адамның механикалық көмекшісі.

Робототехника ( ағылшын. robotics. Робот және техника) - автоматтандырылған техникалық жүйелерді дамытумен айналысатын қолданбалы ғылым.

Робототехниканың негізгі заңдары:

• Робот адамға зиян тигізбеуі керек

• Робот адамның бұйрығына бағынуы тиіс

• Робот өзінің қауіпсіздігін қамтамасыз етуі керек

ІІ. Негізгі бөлім

2.1. Робототехниканың даму тарихы

Робототехника - электроника, механика және программалау негізіндегі автоматтандырылған техникалық жүйелерді дамыту үдерісі туралы ғылым. Адамға ұқсас роботтың алғашқы сызбасын 1495 жылы Леонардо да Винчи жасады.

1738 жылы француз механик-өнертапқышы Жак Де Вассансон шынайы қауырсындармен жабылған механикалық үйректі жасады, ол жүре алатын, қанаттарын қозғалтып, дауыс шығарып, суын ішіп, дән шоқи алатын.

1770 жылы швейцариялық сағатшы Пьер-Жак Дро хатшы машинасын жасады. Бұл столда отыратын қыз, әріптерді, сөздерді жазған, тіпті иттің суретін салған.

Орыс механигі Иван Петрович Кулибин 1769 жылы үш жыл бойы жұмыртқа пішініндегі - әмбебап сағатын жасады. Сағат театрландырылған көрініс көрсетіп, музыка ойнады.

2.2. Қазыргі уақыттағы робототехника

Қазіргі робототехника компьютерлік технологияға негізделген. Өндірістік роботтар барлық қолданыстағы құрылғылардың 80% -дан астамын құрайды. Олар көптеген зауыттарда адамды толығымен алмастыра алады: механикалық «жұмысшылар» қателеспейді, шаршамайды, жалақы алуға мұқтаж емес.

1966 жылы өз әрекеттеріне баға бере алатын бірінші әмбебап ұялы робот Шеки(ағылшын Shakey) пайда болды.

Dante II роботынсыз адам ешқашан белсенді вулканның кратерін көрмес еді.

Sojourner (Sojourner-marsohrid) роботынсыз біздің Марс туралы біліміміз әлдеқайда аз болмақ еді. Бұл құрылғы 1997 жылы планетаның бетіне түсіп, Жерге көптеген суреттер жіберді.

Үй роботтары төтенше жағдайларға бейімделмеген. Олардың міндеті - адамға көмектесу және адам көңілін көтеру. Көптеген арзан үй роботтары бар: робот-шаңсорғыштар, робот-шөп шабушылар.