Қозғалысты дене қыздыру элементтері 6 сынып

Дене шынықтыру сабағының №101 қысқа мерзімді жоспары

Ұзақ мерзімді жоспар бөлімі:

8 бөлім: Жүгіру секіру лақтыру дағдыларын жақсарту

Мектеп: Түркістан облысы Қазығұрт ауданы С.Сейфуллин атындағы жоббм

Күні:

Мұғалімнің аты-жөні: Сахов Т.У

Сынып: 6

Қатысқандар саны:

Қатыспағандар саны:

Сабақ тақырыбы

Қозғалысты дене қыздыру элементтері.

Оқу мақсаттары

6.1.3.1. Арнайы спорттық техникаларды орындау кезіндегі дағдылар мен реттілікті таңдай білу

Сабақ мақсаттары

Арнайы спорттық техникаларды орындау кезіндегі дағдылар мен реттілікті таңдай білуге үйрету

Бағалау критерийлері

Жаттығуларды орындау кезіндегі дағдылар мен реттілікті таңдай біледі.

Тілдік мақсаттар

Жеңіл атлетикадағы қызметінің және қозғалыс түсінігін талқылап көрсете алады.

Мыналарды қамтиды:

қауіпсіздік ережесі, жарақат, қауіптің алдын алу

екпін алу, итерілу, ұшу, қону

Талқылауға арналған сұрақтар:

Қауіпсіздік ережелерін сақтаудың маңыздылығы қандай?

Жаттығуларды орындау кезінде қандай қауіпсіздік ережелерін сақтауымыз қажет?

Өздеріңіздің практикалық білімдеріңізді және дағдыларыңызды күнделікті өмірде қалай қолданасыздар?

Бұл тапсырмада қандай арнайы спорттық қозғалыс әрекеттері қолданылды?

Құндылықтарға баулу

Жеке жауапкершілік, көшбасшылық қасиеттері, өмір бойы оқу, бір-біріне көмектесу.

Пәнаралық байланыстар

Ғылыммен байланыс – денсаулық және тән, қауіпсіздік, салмақ динамикасы. Информатикамен (ғаламтордан ақпарат іздеу және өңдеу), математикамен (айналу осі, кеңістік, бағыт пен бұрыштар), психологиямен (кіші топта жұмыс жасау дағдылары), биологиямен (ағзадағы биохимиялық өзгерістер), физикамен ( жылдамдық, салмақ, энергия) байланысы.

АКТ қолдану дағдылары

Шағын құрылғылармен сабақты түсіру, ғаламтордан қажетті ақпаратты іздеу үшін ноутбукты қолдану.

Алдын ала білімі

Білім алушылар алдыңғы сыныптарда, сабақтан тыс уақытта жеңіл атлетика және денсаулық түсініктері жөнінде дағдылары бар.

Сабақтың барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы (тайм-менеджмент)

0-8мин

Сабақтың басында өтетін тақырыппен таныстырып, білім алушылармен бірге оқу мақсаты және сабақтың соңында күтілетін нәтиже анықталады. Осыдан кейін білім алушылар сабақтағы бағалау критерийлері және дескрипторлармен танысады.

Үлкен бос кеңістік.

Сабақтың ортасы

(тайм-менеджмент)

9-22мин

23-34мин

(С, ҚБ) Білім алушылар жеңіл атлетикамен айналысу кезінде қауіпсіздік ережесі бойынша жалпы талаптармен таныстырылады.

Осыдан кейін жүгіру жаттығуларын орындап, демдерін қалпына келтіріп, дененің барлық бұлшық еттеріне арналған ЖДДЖ орындайды.

(Т, Ж, ҚБ) Оқушылар «Ақ аюлар» ойынын ойнайды. Бос алаңда кішігірім орын – «мұз кесегі» – белгіленеді. Оның үстінде «қуалаушы» – «ақ аю» – тұрады. Қалған «қонжықтар» алаң ішінде шашырап орналасады. «Аю»: «Аулауға шығамын!» - дейді де, қонжықтарды ұстауға жүгіре жөнеледі. Басында бір «қонжықты», одан кейін келесісін ұстап, мұз кесегіне тұрғызып қояды. Бұдан кейін ұсталып қалған екі «қонжық» қол ұстасып, қалған ойыншыларды ұстай бастайды. «Аю» «мұз кесегіне» қарай қайтады. Екі «қонжық» біреуді ұстап алғаннан кейін бос қолдарын ұсталған ойыншы құрсауда қалып қоятындай біріктіріп, «Аю, көмектес!» - деп, айғайлайды. «Аю» жүгіріп келіп, ұсталған ойыншыны «мұз кесегіне» апарады. Ұсталған келесі екі ойыншы да солай қол ұстасып, қалған «қонжықтарды» аулай бастайды. Ойын барлық «қонжықтар» ұсталғанша жалғаса береді. Соңғы ұсталған ойыншы «ақ аю» болады. Соңғы ұсталған ойыншы жеңіске жетеді.

«Қонжыққа» «аю» келіп алып кетпегенше қоршап тұрған жұптың қол астынан өтіп кетуге болмайды. «Қонжықтарды» «аулау» кезінде олардың киімдерінен ұстауға, ал «қонжықтарға» алаң шегінен шығуға болмайды.

Осы тапсырманың дескрипторлары:

Ойын кезінде болуы мүмкін қауіпті жағдайлар мен жарақаттар туралы біледі;

Болуы мүмкін қауіпті жағдайлар мен жарақаттардың алдын алу жолдарын біледі;

Жаттығуларды орындау кезіндегі дағдылар мен реттілікті таңдай біледі.