Қуаныш жан шуағы тақырыбына сабақ жоспары, 4-сынып

Бекітілді:

Мектеп: Б.Нысанбаев орта мектебі

Мерзімі: 27.11.2017ж.

Сабақ: 12

Тақырып: Қуаныш – жан шуағы

Құндылық: «Қиянат жасамау»

Қасиеттер: адамгершілік, сыйластық, мейірімділік

Мұғалiм:Борашова Әдемі

Сынып: 4 «ә»

Оқушылар саны: 21

Сабақ мақсаты: Оқушылардың «бақыт», «сыйластық», «махаббат» туралы түсінік бере отырып, «Қиянат жасамау» құндылығының мәнін ашу.

Міндеттері:

Білімділігі: оқушыларға қуаныш сезімінің адам өміріндегі мәнін түсіндіру;

Дамытушылығы: өзара жағымды қарым – қатынас жасау іскерліктерін дамыту;

Тәрбиелігі: оқушыларды адамгершілікке, сыйластыққа, мейірімділікке тәрбиелеу.

Ресурстар:(құралдар,

мәліметтер)

оқулық, үнтаспа, дәптер, суреттер

Сабақ барысы:

Ұйымдастыру кезеңi.

Оқушылармен амандасып,сабағымыз қызықты әрі тиімді өту үшін «Өзін – өзі тану» сабағының «5-Т» ережесін қайталаймыз.

Тәртіп, талап, тыныштық, тазалық, татулық.

Тыныштық сәті Нұрға бөлену.

Ыңғайланып отырып, денелеріңізді түзу ұстап, аяқ - қолдарыңызды айқастырмай, қолдарыңызды үстелге қойып, көздеріңізді жұмып, елестетіп көріңіздер: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек - қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түседі. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істерді атқарады және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыныз түгелдей нұрға бөленіп, басыңызға тек ізгі, сәулелі ой келеді. Нұр

Сұрақтар:

Қандай сезімде болдыңыздар?

Жаттығу сіздерге қалай әсер етті?

Сабақ барысын талқылау

Үй тапсырмасын тексеру.

Ж.Дәуренбеков «Сурет» әңгімесін оқып, түсінік айту.

Дәйексөз.

«Қуанышсыз тән саулығы мен жан саулығының үйлесімді болуы мүмкін емес»

В.А.Сухомлинский

(Оқушылар дәйексөзді бірнеше рет қайталап, дәптерлеріне жазып, мағынасын түсіндіреді)

Сұрақ:

Қуанышсыз тән саулығы мен жан саулығының үйлесімді болуы мүмкін емес деген сөзді мағанасын қалай түсінесіңдер?

Тән сұлулығы мен жан сұлулығының айырмашылығы қандай?

Қорытынды: Күлімдеп, ақжарқын жүретін адамның көңіл күйі үнемі жоғары болады. Ал ондай көңіл күй жаныңды сау етеді. Жаның сау болса денің сау болады. Денің сау болса жақсы еңбек ете аласың. Жақсы еңбектің нәтижесінде адамдар бақытты молшылықта өмір сүреді.

Әңгімелеу

«Отбасы ошағы» аңыз