Құдіретті жер ана тақырыбына сабақ жоспары 7 сынып

Мектеп: «Құдаш Мұқашев атындағы орта мектеп, м.д.ш.о» к.м.м. күні:26.08.2015жыл №21сабақ тақырыбы:Құдіретті Жер – Ана Құндылық:Сүйіспеншілік

Қасиеттер: Шынайылық,риясыз қызмет

Мұғалім:Г.М.Оспанова сыныбы7оқушылар саны

Сабақтың мақсаты :

Оқушылардың жер құндылығы туралы білімдерін кеңейту және Жер-Ана ұғымына сүйіспеншіліктерін арттыру.

Сабақтың міндеттері :

1.Жердің адам өміріндегі мәні, оның адамға тигізетін әсері туралы білім беру;

2.Жердің құндылық ретіндегі мәнін түсініп, ішкі тыныштықтарын сезіне білулеріне ықпал ету ;

3.Жерді сүюге,ізгі ниетпен қадірлеп– қастерлеп шынайылықпен , риясыз қызмет етуге тәрбиелеу.

Ресурстар : (материалдар , дереккөздер )

Оқулық , дәптер , түрлі түсті маркерлер, А4 қағазы ,қалам.

Сабақтың барысы :

1.Ұйымдастыру кезеңі : 5- Т-ны сақтау.

Жағымды жағдай туғызу . Тыныштық сәті . Нұрға бөлену.

Ыңғайланып отырыңыздар , денелеріңізді түзу ұстаңыздар .Аяқ-қолыңызды айқастырмаңыз . Қолыңызды тізеңізге немесе үстелдің қоюға болады .Көздеріңізді жұмуларыңызды өтінемін .Елестетіп көріңіз : Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан . Гүлдің түйнегі нұрдан баяу ашылып келеді .Балғын және таза әсем гүл сіздің әр ойыңызды , әр сезіміңізді, эмоцияңыз бен тілек-қалауыңызды шайып , жүрегіңіздің қауызын ашты . Нұр сәулесі сіздің бойыңызға ақырын тарай бастағанын елестетіңіз.Ол біртіндеп күшейе түсуде . Оймен осы нұрды қолдарыңызға түсіріңіз . Сіздің қолдарыңыз нұрға бөленіп , сәуле шашуда . Қолымыз тек жақсы , ізгі істер істейді және баршаға көмектеседі .Нұр аяқтарыңызға тарады . Аяқтарыңыз нұр сәулесін шашуда . Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды .Одан әрі нұр сіздің аузыңызға , тіліңізге тарады .Тіліңіз тек шындықты және жақсы , ізгі сөздер ғана айтады . Нұрды құлақтарыңызға бағыттаңыз , құлақтарыңыз тек жақсы сөз бен әсем әуенді ғана естиді .Нұр көздерімізге де жетті , көзіміз тек жақсыға қарап , бәрінен жақсылықты ғана көреді .Сіздің басыңыз түгелдей

2. Үй тапсырмасын тексеру : С.Жүнісовтың «Аманай мен Заманай» романынан берілген үзіндіні оқып мазмұндау .

Жаңа сабақ : Құдіретті Жер – Ана

Адамның тағдыры жермен тығыз байланысты. Туған жердің күллі сипат-сыны, құдірет- құны өзін мекен тұтқан халықтың тұрмыс- салты арқылы басқаларға құндылығын танытады. Өзі өрбіген елге, туып-өскен жерге деген адам махаббатының, алаулаған сағынышының қаншалықты тасқынды екенін, асыл қасиетін шалғай шетте, ел ішіненамалсыз шығындап, қиырға қара үзіп кеткендер, қайта орала алмай алыста жүргендер ғана айырықша анық, бұлдырсыз айқын сезінеді, қадір- құнын жетік біледі.

3. Жағымды ой-пікір: (дәйексөз) «Адамның су мен жер туралы ойлағаны- өзі туралы ойлағаны» деген ұлы жазушы Ш.Айтматовтың нақыл сөзін түсіндіру арқылы оқушылардың жер-ана мен адам өмірінің тығыз байланысы, жерді қадірлеп, қорғау әр адамның міндеті екені туралы пайымдаған ой-пікірлерін тереңдету.

4.Оқиға айту : (әңгіме) Оқушыларға мәтінмен жұмыс жүргізу барысында қытай философы Конфуцийдің Атамекен туралы аңызымен таныстыру.

Оқушыларға аңыз әңгімені айтып беру арқылы, талдау барысында адамға туған жерін, Атамекенін қорғап қалу үшін қандай қасиеттер қажет екеніне назар аударту.

● Күш-қуаты тасқан , салтанаты асқан Ғұн патшасының ертеден кешке дейін шапса талмайтын , «Мың шақырым» атанған сәйгүлік тұлапры бар екен .Күндердің күнінде бақас көрші жұрттың патшасы арнайы елші жіберіп , сол атты сұратады , қолқаламайды , басы бүтін беруін талап етеді .Бұл орынсыз өктемдік уәзірлер мен бектердің ашу –ызасын тудырыпты : «Бұл не қорлық,аттанайық , соғысайық , аяғын тартып бассын» ,-деседі. Сонда ғұн патшасы тоқтам айтыпты :

-Соғысамыз, жеңеміз , бірақ ел күйзеледі , қаншама қан төгіледі , жүйрік те болса , бір ат үшін жамандаспайық,-деп «Мың шақырым » тұлпарды жетектеп қоя беріпті .Ғұн патшасының ай десе аузы , күн десе көзі бар, тал шыбықтай бұралған ,ғажайып сұлу әйелі бар екен. Күндердің күнінде әлгі бақас жұрттың патшасы тағы да елші жібереді : «Сұлу әйелі бар екен , маған ғана лайық , айтқаныма көнсін, сол әйелін берсін»,-дейді . Ордадағы уәзірлер мен бектер қаһарына мініпті : «Патшамыздың атын сұрады , бердік , енді әйелін тартып алмақ , көтерілеміз , қиратамыз…