Жер-ана тақырыбындағы ашық сабақ жоспары, 4 сынып

Өзiн-өзi тану сабағының жоспары

Мектеп:

Мерзiмі: Сабақ №29

Тақырып: Жер-Ана

Құндылық: Сүйіспеншілік

Қасиеттер: жақсы көру, жанашырлық, қамқорлық

Мұғалiмі: Шаймуханова Сауле Даулетбаевна

Сынып: 4 «а»

Оқушылар саны: 17

Сабақ мақсаты: «Жер» ұғымының құндылық ретіндегі мәнін ашу.

Сабақтың міндеттері:

-Дәйек сөз арқылы жердің адам өміріндегі маңыздылығын түсіндіру;

- Аңыз-әңгіме арқылы жерге жанашырлық, қамқорлық жасау қарым-қатынастарын дамыту;

- Шығармашылық жұмыс арқылы жерді қадірлеуге, жақсы көруге тәрбиелеу;

Ресурстар:(құралдар, мәлiметтер)АКТ Оқулық, жұмыс дәптері, «Орманға ойша серуен» релаксациялық әуені, «Атамекен» әні, «Жер-Ана»(аңыз әңгіме)

аудио жазбасы

Сабақ барысы: Ұйымдастыру кезеңi.

1.Тыныштық сәтi. «Орманға ойша серуен»

Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз, қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы өмір қуатын сезі

Сабақ барысын талдау:

2.Үй тапсырмасын тексеру:

Үй тапсырмасын тексеру Э.Шимның «Көктем иісі» әңгімесі

Сұрақтар:

Бала көктем иісін қалай сезінді?(Еңлікгүлінің иісін иіскеу арқылы сезінді.)

«Көктемнің иісі» деген ұғымды сендер қалай түсінесіңдер? (Көктем кезінде гүлдердің хош иісі, таза ауа, құстардың дауысы)

3.Дәйексөз.

Дәйексөз.

«Баптағанға – жер жомарт»

Халық мақалы

Дәйексөзді ең алдымен мұғалім, сосын оқушылар хормен айтады.

Дәйексөзді балалар бір-біріне данышпан сияқты айтады.

Оқушыларға дәйексөзді дәптерге жаздыру.

- Дәйексөзден не түсіндіңдер?

-Жерді қалай баптаймыз деп ойлайсыздар?

- Жердің жомарттығын қай кезде білеміз?

Қорытынды: Жерді күтіп,баптап,таза ұстау керек. Өйткені Жер –ана жомарт дархан көңілмен адамға барын бергісі келеді.Тіпті қазба байлықтар да жерден алынады.Түрлі жеміс-жидектер де,әсем гүлдер де,тіпті дәнді дақылдар да ұдайы суарып,күтіп баптағаннан кейін көбейе түседі.

4. Әңгімелеу. (мұғалімнің сыйы)

Ертеде жер кіршіксіз таза болыпты. Ол шексіз мейірімді әрі жайдары болатын. Ол барлық жер бетіндегі тіршілік иелеріне, жануарларға, құстарға, жәндіктерге пана болды, оларға азық берді, ал олар Жердің көркемдігі мен тазалығын сақтап, оған бар сүйіспеншіліктерін арнап, жанашырлықпен қарайды. Күндердің бір күнінде жер бетінде…