Құндылықтар өмір негізі шеберлік сағаты

Мектеп:"Оралхан Бөкей атындағы Белқарағай орта мектебі" КММ

Мерзімі: 8.02.2018ж. Мұғалім: Кулетаева А.А.

Қатысушылар саны:39

Мұғалімдерге арналған шеберлік сағаты

Тақырыбы: "Құндылықтар-өмір негізі"

Мақсаты: Мұғалімдерге "Білім берудегі Кембридж тәсілі" арқылы тапсырмалар орындата отырып, жаңашыл, ізденімпаз, заман талабына сай оқытушылық дағды қалыптастыру.

Ресурстары:

(слайд, плакат, гүлдер, қорап,

бейнематериал)

Барысы: 1. «Амандасу жаттығуы»

Гүлдердің түсіне байланысты 3 топқа бөлініп отырады.

"Өзін-өзі тану" пәнінің «5 Т» ережесі бойынша

*Тәртіп

*Талап

*Тазалық

*Татулық

*Тыныштық сақтай отырып сабағымызды бастаймыз.

2. Тыныштық сәті. Нұрға бөлену

Көзімізді жұмамыз әуен арқылы кеудемізді тік ұстап,аяғымызды айқастырмай қолымызды тіземіздің үстіне еркін қойып, денемізді босатып, көзімізді жұмып жағымды әуен сазымен тамаша ойға берілеміз. Нұрлы аспаннан күлімдеген күннің жылы шуағы сіздің жан дүниеңізді жылытып, жүрегіңізге шуақ шашып тұр.Күннің нұры қолға барды, қолдарыңыздың саусақтары ыстық сезім ұялатты, қолдарыңнан шығып денеңді аралап аяғыңа жетті.Аяғың нұрлы жолға бастады. Аяғыңнан шығып нұр шуағы көзіңізге барды. Көздеріңіз тек жақсылықты көруде, көзден шыққан нұр шуағы түйсікке барады,түйсікте жағымды ойлар түзейді. Күннің нұры барлық адамдарға жылылық сыйлауда. Күннің нұры өзіңізге оралды. Сіз күн нұрындасыз. Сіз нұр сәулесісіз.

Алғы сөз

1.Деңгейлік курстың басым бағыттары мен мақсат-міндеттерін ашу.

2.Тізбектелген сабақтар топтамасында 3 модульдің қалай көрініс табатынын айқындап түсіндіру.

3.Әріптестермен оқытуда меңгерілген тәжірибені алмасу, ой бөлісу, талқылау.

Үшінші базалық деңгейлі Бағдарлама мұғалімдердің рухани адамгершілік тұрғысынан өзгеріске тусуі, жағымды және ажырата ойлауды дамытуы, өзін-өзі танудың әдіснамасы мен әдістемесін игеруі болып табылады.

Бұл бағдарлама үш модульге сараланған.

1.«Өзін-өзі тану» рухани-адамгершілік білім беру Бағдарламасының психологиялық-педагогикалық негіздері.

Рухани-адамгершілік-адамдарға деген ізгі ниеттілік, құрмет, жанашырлық пен сенім, кеңпейілділік, басқалардың мүддесі үшін жан аямаушылық сияқты жеке қасиеттерді қамтиды.

«Сыртқы дүниенің көптігі сонша, бірақ жүректе ешнәрсе жоқ…» О.Гадецкий (психолог)

К.Д.Ушинский: «Білімін үздіксіз жетілдіруден жалықпаған ұстаз ғана мұғалім болуға жарайды, ал біліктілігін шыңдаудан қалған күні мұғалім болудан да қалады».

В.А.Сухомлинскийдің сөзі: «Мұғалім жақсы сабаққа өмір бойы дайындалады. Біздің мамандығымыздың рухани және философиялық негізі осында: оқушыларға білім ұшқынын шашу үшін мұғалім өз бойына телегей-теңіз нұр жинауы керек»,-дейді.

Өзін-өзі тану сабақтарын жүргізу барысында заманауи психологиялық ілімге сүйене отырып, қажетті дағдыларды ерте жасынан қалыптастырған абзал.

«Егер мұғалім тек сабағына деген махаббатты көрсетсе, онда ол жақсы мұғалім. Егер мұғалім балаға анасы, әкесі сияқты махаббатты сыйласа, онда ол барлық кітапты оқып, бәрін білетін мұғалімнен екі есе жақсы мұғалім»,-деген екен Л.Н.Толстой.

«Өзін-өзі тану сабағы-бірлескен асқақ өмірдің айрықша кезеңі. Өсіп келе жатқан бала мұғалімнің ісі, сөзі және ойымен Нұрланады, өзінің шынайы рухани табиғатын ашады, шабыттана отырып, өзінің рухани сыйын әлемге таратады.

Ш.А.Амонашвилидің «Улыбка где ты?» деген кітабында «Балаға күлкі сыйлайтын мұғалім» деген.

Табиғат аясында отбасы өмір сүрген екен, олар жымыңдаған жұлдыздарға, шуақты күнге күнде күлімсіреп жүрген еді. Заман өзгеріп, балаларды тәрбиелеуге мұғалім келді. Балалар өзгере бастады, ашуланшақ бола бастады, енді табиғатқа күлімсіреп қарамайтын болды. Мұғалім балаларды мәдениетке үйретсе де, бар күлкілерінен айырған екен. Ендеше, құрметті ұстаздар, балаларға сүйіспеншілік күлкісін сыйлай білейік, балаларды қайта табиғи күйіне алып келейік.

2.«Өзін-өзі тану» рухани-адамгершілік білім беру Бағдарламасының аксиологиялық негіздері.

Жалпыадамзаттық құндылықтар -тұлғаға рухани-адамгершілік білім берудің негізгі өзегі болып табылады. Өзін-өзі тану»

бағдарламасының авторы Сара Алпысқызы Назарбаева: « Өзін-өзі тану» пәні адамның өзін-өзі тануына, өзінің ең жақсы қасиеттерін анықтауға, өз ар-ұжданын сақтап, әрқашанда АДАМ деген атқа лайық болуына ықпал етеді»,- деп атап айтқан. Ақиқат, дұрыс әрекет, тыныштық, сүйіспеншілік, қиянат жасамау сияқты адамгершілік құндылықтарды жете түсінгісі келетін кез келген адам, осы құндылықтарды іс жүзінде қолданып, оларды адал ниетпен және ақ пейілмен таратса, сол адамды нағыз білімді адам деп атауға болады. Адам кемелденуге деген талпынысы оның ізгілікке деген өсуін білдіреді. Ішкі рухани үйлесімділікке жету үшін әрбір адам өзінің ой, сөз, іс-әрекеттерінде жалпыадамзаттық құндылықтарға сай болуына тырысып, бірлікті тануы керек. Мәңгілік құндылықтар білімнің негізгі өзегі болып табылады. Жалпыадамзаттық құндылықтарды адамның бойынан жарыққа шығару ізгілікке апарады, яғни, мінезін өзгертуге болады. Адамның жақсылыққа ұмтылуы, ақиқатқа жүгінуі оның болмысынан ішкі жан дүниесінде бес құндылықтың бар екенінің дәлелі емес пе? Егер осы құндылықтарды мәуелі ағашқа теңеп көрсек, мәуелі ағаштың тамыры – мәңгілік құндылықтар, оны ақиқатқа теңейміз. Ағашқа құятын суды, сүйіспеншілік деп алайық. Егер мәңгі

Ақиқат-өзін бәріне қатысы бар және бәріне де жауапкер бөлінбейтін бірліктің бөлшегі ретінде қабылдау. Дұрыс пен бұрыстың арасындағы шынайылықты ажырату.Ол уақытқа: өткенге, бүгінге, болашаққа тәуелді емес.

Сүйіспеншілік- бұл таза, риясыз және шүбәсіз сүйіспеншілік, өмірге тірек болатын жасампаз қуат. Дұрыс әрекет- борыш пен жауапкершілікке, ішкі ар-ұждан дауысына сәйкес мінез-құлық.

Қиянат жасамау- ешкімге оймен, сөзбен қиянат жасамау.

Ішкі тыныштық- ақылдың толықтай тынышталуы, адамның терең табиғаты. Ақыл мен жүрек тең болғанда ішкі тыныштық орнайды.

Құндылықтардың алғашқы екеуі –ақиқат пен дұрыс әрекет, барлық адамгершіліктің мәнін қамтиды. Шыншылдық, туралық пен адалдық іштей осы екеуіне тән,барлық жағдайларда шындықты айт және іштегі ар-ождан дауысына сәйкес әрекет ет. Адам риясыз сүйіспеншілікпен әрекет етсе, ол жетістікке жеткеніне немесе жеңіліске ұшырағанына, рахаттану…