Құқықтық қатынастар туралы ашық сабақ материалы

№ ___ сабақ жоспары

Топ

Күн

ҚТ 21

Пән: Мемлекет және құқық теориясы

Тараудың тақырыбы: Қоғамның құқықтық жүйесі: түсінігі және құрамы

Сабақтың тақырыбы: Құқықтық қатынастардың түсінігі, айрықша белгілері мен түрлері

Сабақ мақсаты:

Білімділік: Студенттерге құқықтық қатынас және олардың айрықша белгілері мен түрлері туралы түсінік қалыптастыру.

Дамытушылық: Құқықтық қатынастар туралы түсіндіре отырып, олардың құқықтық қатынас туралы ой пікірлерін дамыту.

Тәрбиелік: Құқықтық қатынас туралы оқыта отырып, құқықтық қатынастардың белгілері мен түрлерін бір бірінен ажырата білуге тәрбиелеу.

Сабақ типі: аралас сабақ

Сабақ түрі: жарыс сабақ

Қолданылатын әдіс-тәсілдер, технологиялар: Сын тұрғысынан оқыту технологиясының элементтері, викториналық сұрақтар, талдау мұғалімнің түсіндіруі, сұрақ жауап.

Пәнаралық байланыс: Құқық негіздері, Конституциялық құқық, азаматтық құқық, педагогика

Сабақтың жабдықталуы: сабақ жоспары, ҚР-ның Конституциясы, таратпа материалдар, ватман, презентация «Microsoft Point».

Оқытудың техникалық құралдары: компьютер,мультимедиалық тақта.

Негізгі әдебиеттер: Сапарғалиев Ғ., Ибраева А. Мемлекет және құқық теориясы негіздері

Қосымша әдебиеттер: Т.Ағдарбеков. Мемлекет және құқық теориясы

Сабақ жоспары:

Ұйымдастыру кезеңі (5 мин)

Үй тапсырмасын тексеру (20 мин)

Жаңа сабақты түсіндіру (30 мин)

Сабақты бекіту (12 мин)

Сабақты қорытындылау (5 мин)

Бағалау (2 мин)

Рефлексия (5 мин)

Үйге тапсырма (1 мин)

Сабақ барысы:

Ұйымдастыру кезеңі (5 мин)

Сәлемдесу

Түгендеу

Сабаққа кірісу

Психологиялық дайындық «Жүректен шыққан сөз жүрекке жетеді» демекші бір-бірімізге тілек айтайық!

Үй тапсырмасын тексеру (20 мин)

«Викториналық сұрақтар» арқылы

«Викториналық сұрақтар» арқылы берілген сұрақтарға студенттер жылдам жауап беруі тиіс.

Жалпыға бірдей міндетті мемлекет қамтамасыз ететін нормалардың жиынтығы қалай аталады? Құқық

Құқықтың негізгі қызметі: қоғамдық қатынастарды реттеу, тәртіпті сақтау, қорғау.

Мемлекет таныған және оны өзі қамтамасыз ететін, қоғамдық қатынастарға араласып түсушілердің құқықтары мен міндеттерін туындататын, олардың әрекеттерін үлгі, эталон, масштаб, өлшем есебінде реттей алатын жалпыға бірдей міндетті ереже қалай аталады? Құқықтық норма

Құқықтық норма неше элементтен тұрады? 3 элементтен

Құқықтық норманың элементтерін атаңыз. Гипотеза, диспозиция, санкция.

Құқықтық норманы қолдану (немесе қолданбау) үшін қажетті мән-жайлардың бар екенін көрсететін құқықтық норманың бөлігі қалай аталады? Құқықтық норманың гипотезасы

Егер бала туғанда ата-анасы Қазақстан Республикасының азаматы болса, онда бала қай елдің азаматы саналады? Қазақстан Республикасының

Егер гипотезада бір ғана мән-жай көрсетіліп, сол жағдайда құқықтық норма қолданылатын болса, онда ол гипотеза қалай аталады? (қарапайым гипотеза)

Егер құқықтық норманы қолдану үшін екі немесе одан да көп мән-жай қажет болса, ондай гиптеза қалай аталады? (күрделі гипотеза)

Егер құқықтық норманың қолданылуы бірнеше мән-жайдың біреуіне байланысты болса, оны қандай гипотеза дейді? Балама гипотеза

Құқықтық қатынастарға қатысушылардың мінез-құлқы қандай болуы керек екенін анықтайтын құқықтық норманың бөлігі қалай аталады? Құқықтық норманың диспозициясы

Диспозицияның неше түрі болады? 3 түрі

Егер мінез-құлықтың мазмұны ашылмаса, ол қандай диспозицияға жатады? Қарапайым диспозиция

Мінез-құлықтың барлық мәнді белгілері анықталса, ол қандай диспозиция болады? Сипаттамалы диспозиция

Егер құқықтық норма диспозициясы анықталған басқа құқықтық нормаға сілтеп нұсқаса ол қандай диспозицияға жатады? Сілтемелі диспозицияға

Құқықтық норманың диспозициясы бұзылған жағдайда қолданылатын жағымсыз шараны көрсететін құқықтық норманың бөлігі қалай аталады? Құқықтық норманың санкциясы

Санкцияның түрлерін атап көрсетіңіз: Абсолютті-анық, баламалы, салыстырмалы

«Әркім Қазақстан Республикасы Конституциясын және заңдарын сақтауға,басқа адамдардың құқықтарын, бостандықтарын, абыройы мен ар-намысын құрметтеуге міндетті» - деп ҚР Конституциясының қай бабында жазылған? 34 бабында

Қазақстан Республикасы Конституциясының 34-бабы неше құқықтық нормадан тұрады? 2 құқықтық нормадан

Реттеу нормалары қандай нормаларға бөлінеді? Міндеттеу, тыйым салу және құқықты белгілеу

Жаңа сабақты түсіндіру

Құқықтық қатынастар – құқыққа байланысты, құқық негізіндегі қатынастар. Құқықтық қатынастардың түрлері: 1. Реттейтін құқықтық қатынастар – субъектілердің заңға сәйкес мінез-құлқы, былайша айтқанда, құқықтық нормалар негізінде қалыптасқан және соған сәйкес мінез-құлық. Мұндай құқықтық қатынастар құқық тәртібінің негізін құрайды. Бұларға жататындар: мемлекеттік, мүліктік, отбасы, еңбек т.б. құқықтық қатынастар. 2. Қорғайтын құқықтық қатынастар – субъектілердің заңсыз әрекетінің салдарынан пайда болады. Оның мақсаты – қоғамдық тәртіпті қорғау, кінәліні жазалау, сөйтіп әділдік орнату. 3. Абсолюттік құқықтық қатынастарда тек бір тарап белгілі (құқық иесі) болады. Басқалардың барлығы міндетті тарап болып саналады. Мысалы, бұларға меншікке байланысты қатынастар жатады. 4. Салыстырмалы құқықтық қатынастарда барлық оған қатысушылар белгілі (сатушы мен сатып алушы) болып келеді.