Құрметтейік кітапты тақырыбындағы тәрбие сағаты, 7-сынып

«№29 С.Сейфуллин атындағы жалпы орта мектебі» коммуналдық мемлекеттік мекемесі.

Тақырыбы:

«Құрметтейік кітапты»

Ертеңгілік

Орындаған кітапханашы: Қ.Хусайынова

2018 оқу жылы

Ертеңгіліктің мақсаты: Оқушыларды кітапқа деген қызығушылығын арттыру,кітап оқуға құмарландыру,көп алдында өз ойын еркін жеткізе білуге,жан — жақты білімділікке баулу.

Көрнекілігі: Кітаптың құрлысы,кітап туралы жазылған қанатты сөздер,ескі және жаңа оқулықтар көрмесі.

Кітапханашы: Қайырлы күн құрметті ұстаздар және кітап сүйер қауым.Кітап адам өмірінде аса маңызды рөл атқарады.Оқушының жан — жақты дамуы,жарасымды қалыптасуы оқыған ортасына,алған біліміне байланысты.Кітап адамзат ақыл — ойының інжу — маржанын бойына жинайды да оларды ұрпақтан — ұрпаққа жеткізеді.Сол себептен білім алу үшін кітап ауадай қажет.Ол — білім бұлағы.Оны бойға сіңіру үшін көп оқу қажет.

1 — оқушы:

Кітаптар бейне жапырақ,

Жырлайтын сырын өмірдің.

Оқисың кейде жатып ап

Көтеріп күйін көңілдің.

Айдын шалқар кейде бір

Кітапты тұнған көл дерсің.

Ауадай қажет бейне бір

Татпасаң нәрін шөлдерсің

Кітаптарды баршаға,

Талай ғылым қолға алып

Жылдар бойы қаншама

Жазады ұзақ толғанып.

Әдемілеп берсем деп

Бояу жағын не түрлі

Суретшілер көркемдеп

Қанша уақыт отырды.

2 — оқушы: Айжан

Кітап сенің құралың

Жағар білім шырағың

Баса алмайсың ешқашан

Онсыз алға бір адым.

Кітап та алма ағашы

Жемісін бізге беретін

Тәтті алмаға балашы

Кітабыңның әр бетін.

1 —оқушы:

Жаңа айтқан өлең жолдарында біз не туралы жырладық?

2 —оқушы:

Әрине,кітап туралы.Егер кітап болмаса,сен рухани бай болмас едің.Кітап ел мен жерді сүюге,талапты, кішіпейіл болуға,төзімділікке баулиды.

Кітапханашы: Оқушыларымыз кітап туралы қысқаша мағлұмат айтып берсе.

3 — оқушы: Кітап — арабтың «Жазу» деген сөзі.Кітап — рухани қазына,өмір айнасы,замана сыры,тарих шежіресі,оқу тәрбие құралы.Алғашқы кітап жазу құпиясын тек дінбасылар мен монахтар ғана білген.Сондықтан дүние жүзіндегі тұңғыш кітаптар — еврей еліндегі «Таурат»,қытай тіліндегі «Конфуция»,араб тіліндегі «Құран» парсы тіліндегі «Авеста»,грек тіліндегі «Інжу»,Евангелие.

4 — оқушы: Кітаптың даму тарихы жазу өнерінің шығуымен және қажетті материалдардың табылуымен тығыз байланысты.Кітапты ежелгі заманда Мысырда,Шығыс елдерінде,Грецияда,Римде қыш текшелеріне,тақта тастарға сына жазуымен жазатын болған.Ежелгі мысырда қыш текшелердің орнына қамыс қолданыла бастады.Қамысқа басылған кітаптар оқтауша түрінде шиыршықталып оралған.Мысыр фараондары қамысты өңдейтін,кітаптарды көптеп көшіретін шеберханалар ашқан,қамыстан жасалған оқтауша кітаптар онша төзімді болмады.

5 – оқушы: Біздің заманымыздың II ғасырында 105-жылы,қарапайым қытай шебері Цой Лунь қағазды ойлап тапты.Ескі шүберектен жасалған Самарқанның сарғыш қағазы әлемге әйгілі болды XIII ғасырда қағаз жасау өнері Шығыстан Батысқа қарай тарады.Баспа кітап өнерінің тууы,кітаптың дамуына кең жол ашты.Алғашқы ағаш баспа (ксилография) қалыбы XI – ші ғасырда пайда болды.1045 жылы Чин өнерпазы Би — Шен құймалы әріптерді (литер) жасап шығарды.

6 — оқушы:Қазақ жерінде кітаптың шығуы Қазақстанның Ресейге қосылған соң қалыптасты.Бірақ араб тілінде IX ғасырда жазылған «Оғызнама», XI ғасырдағы Жүсіп Баласағұнның «Құтты білігі»,Махмұд Қашқаридың «Диуани лұғат ат-түрік» тағы басқа кітаптары болды.1800 жылы тұңғыш қазақша кітаптар шығарылды.Ал төңкерістен кейін өз елімізде шыға бастады.

Кітапханашы:Өмірдегі ең жақсы кеңесші кітап.Сондықтан да қолдарыңдағы оқулықтарыңды сүйіңдер.Кітаптың жаны жоқ болғаны мен тілі бар.Ол өзін аялауды,күтіп ұстауды қажет етеді.Нашар оқитын оқушылардың қолына түскен мына оқулықтардың мұңын тыңдап көрейікші.

Көрініс: «Нашар оқитын оқушылардың оқулықтары»

Математика:(қайда келдім дегендей жан — жағын қарап сәл тұрады да,жанындағы көршісін түртеді) ей,тірімісің өзің?Қайдан келдің?

Сауат ашу:Ойбай,мазамды алма.Бүйткен тіршілік құрсын!Менің де парақтарым дал-дұл болып,желмен бірге ұшып,не өртеніп кеткенім жақсы еді.