Құрметтейік кітапты тәрбие сағаты, 1 сынып

Тақырыбы: Құрметтейік кітапты

Мақсаты: Оқушыларды оқулықты құрметтей білуге,кітап ұстауға баулу.

Оқушылардың кітапқа деген сүйіспеншілігін арттыру.

Көрнекілігі: «Кітаптар көрмесі», кітап туралы жазылған плакат, суреттер

тәрбие сағатының жүрісі: а)Ұйымдастыру кезеңі; ә)Еліміздің Әнұранын хормен 1 шумағын айту

Жұмбақ жасыру

Парағы бар сөйлейтін,

Ол - қазына өлмейтін.

(кітап)

кітап қалай жасалады?

Бастаушы: Мен адамның досымын. Менің атым – кітап. Мені жасау үшін адам баласы көп еңбек сіңірді. Алдымен адам орманнан ағаш кеседі. Оны фабрикаға апарады. Фабрика ол ағаштан қағаз жасап шығарады. Содан соң оған авторлар жазады , суреттер салады. Баспахана жазулар мен суреттерді басып,кітап етіп шығарады. Жұмысшылар машина мен поездарға тиеп ауыл-ауылға,қала-қалаға таратады. Міне, мен, енді сенің қасыңда тұрмын. Мені күтіп, жыртпай ұста. Мен сенімді досыңмын!

Кітап қалай жасалады?

Кітапты не үшін жинаймыз?

Кітап оқудың пайдасы мен маңызы неде?үшін

Алуа:

Адамның досы кітап, өмір кілті, Тең келмес оған жиған мүлік. Ақылшы, жанға серік жол бастаушы, Асыл ой, қазынасы, өмір көркі.

Тұрады басын құрап әріп неден, Басталған білім басы әліппеден. Қарасақ шалқар теңіз түпсіз мұхит, Оқысақ кітап сырын ашып терең.

Ислам Шұғаев.

Мадина:

Кітапты оқымайды сыйламаған, Білімге жанын жанып қинамаған. Өсірген кімнің болсын ой-өрісін, Сол кітап бек ақылшы күнде маған.

Түлекті тәрбиелер кітап-мектеп, Өседі ол кітаптан бұтақ көктеп. Молайтып ақылыңды сан еселеп, Береді білім нәрін кітап көптеп.

Ислам Шұғаев.

Мадина:

Кітаптар бейне жапырақ,

Жырлайтын сырын өмірдің. Оқисың кейде жаттап, Көтеріп күйін көңілдің.

Айдын шалқар кейде бір, Кітапты тұнған көл дерсің. Ауадай қажетбейне бір, Таппасаң нәрін шөлдерсің.

. Мақал-мәтелдердің мағынасын ашу.

1. Наданмен қас болғанша,

Кітаппен дос бол.

2. Кітапты сүйіп оқы,

Көңілге түйіп оқы.

3. Кітап – көзі жұмыққа арзан,

Көзі ашыққа маржан.

4. Жақсы кітап – жан азығы

Кітапты қалай оқу керек:

- Кітапты басынан аяғына дейін оқы.

- Кітап оқығанда асықпа.

- Оқыған кітабыңның авторы мен атын ұмытпа.

- Оқу кезінде жол тастап оқу немесе оқылмаған парақтар болмау керек.