Құстар әлемі тақырыбындағы тәрбие сағаты

Тәрбие сағаты.

Тақырыбы: Құстар әлемі.

Мақсаты:

1.Білімділік: Құстар туралы түсінік беру.

2.Дамытушылық: Тіл байлығын, ойлау қабілетін, өз бетінше жұмыс жасай білу қабілетін дамыту.

3.Тәрбиелік: Экологиялық, ұлттық тәрбие беру.

Көрнекілігі: Құстар суреті, қабырға газеті, куб, кестелер.

Сабақтың түрі: кіріктірілген сабақ.

Әдіс-тәсілдері: сұрақ-жауап, әңгімелеу, түсіндіру, топпен жұмыс, СТО әдісі.

Пәнаралық байланыс: дүниетану, математика, еңбек, ана тілі.

Барысы:

1.Ұйымдастыру бөлімі:

«Ой шақыру»

1.Қазір жылдың қай мезгілі? (Көктем)

2.Көктемнің қай айы? (Сәуір)

3.Көктем айларында қандай мерекелер кездеседі ? (8- наурыз – халықаралық әйелдер күні, 22- наурыз – жыл басы, 1-мамыр-ынтымақтастық күні, 3-мамыр –радио күні, 5-мамыр –тілшілер күні, 7-мамыр-ҚРҚК күні, 9-мамыр-жеңіс күні, 25- мамыр – соңғы қоңырау)

4.1,7,9-мамыр күндері парадқа шыққанда қолымызға қандай құсты ұстап

шығамыз ? (Көгершін)

5.Көгершін нені белгісін білдіреді ? (Бейбітшілікті)

Ақ көгершін ұшып келеді,

Іліп Бейбітшіліктің желегін!

Аққұсым менің біледі,

Дүниеге ненің керегін.

6. Отанымызда бейбітшілік болу үшін, оны қорғауға әзірміз бе ?

7. Құстардың қандай түрлерін білесіңдер ?

«Кубизм» ойыны . Үй құстары мен жабайы құстарды салыстыру .

Балаларды алты топқа бөліп ойнату .

ІІ . Үй тапсырмасын тексеру.

Құстар туралы жаттаған тақпақтарын сұрау .

Асқар Байтілеу ұлы

Бөдене .

Сайраған құс не деме ?

Жақын бізге немене?

Еті дәмді тып – тығыз ,

Сандуғаш құс бөдене.

Көкқұс.

Тұрқы торғайдай ,

әлемде көп құс .

Солардың бәрі ,

Моп – момақан көкқұс .

Ләйлек

Сұлулығы әйбат ,

Бұл не Айбек?

Дем едім балама:

«Ол – деді, - Ләйлек»

Қырғауыл

Балам менің тоғайдан ,

Бір ғажайып көрікті.

Құйрығы қыздың шашындай ,

Ару құсты көріпті .

Ару құсқа ойланбай

Қырғауыл атып беріпті .

Қаршыға

Таптырмайтын аңшыға ,

Алғыр құс ол – Қаршыға

Жақсы қызмет етеді

Құсбегі мен малшыға .

Бүркіт

Аң – құсты іркіп ,

ұстайды Бүркіт.

Көрінсе төбеден

Кетер бәрі үркіп.

Дуадақ .

Бала біткен қуанып ,

Көрінсе болды дуадақ.

Жүгіреді мәз болып ,

ұстаймыз деп қуалап.

Қырғи

Балалар алысып ,

Ойнаса ылғи.

Дейді апам :

«Тиді ме сендерге қырғи?»

Құр

Көңіліңді бұр ,

Тұрмай, тыныш тұр.

Пайдасы зор ,

Ол құс - құр .

Табиғат қорғаушысы ,

Жүрген жоқ құрдан құр.

Үкі

Қауырсыны қымбат,

Таптырмайтын тым қат.

Бөрікке тақса

Береді сымбат.

Жарқанат

Айырмасы құстан ,

Сырт пішіні тышқан .

Күндіз ұйықтап ,

Түнде ғана ұшқан .

Күжірген

Балық көрсе сүзілген ,

Өле жаздап үзілген .

Судың бетін аңдиды

Балық құс Күжірген.

2. Құстардың пайдасы туралы айту .

ІІІ - Жаңа сабақ.

1.«Ертегілер елінде»атты журналдағы ( № 1 2004) Есік қаласының тұрғыны Рауан Орынбекұлының « Жапалақ пен тоқылдақ» атты ертегісін баларға айтып беру .

Бұл ертегіні болжау әдісімен айту . Ертегіні айтып келе жатып , тоқтап қалып ,

«әрі қарай қалай болды деп ойлайсыз?» деп сұрап тұру . Балалар өздері жалғастырып көреді . Бұл жерде шығармашылық жұмыс жүріп тұрады .

Тоқылдақ таң атпай ағаш тоқылдатып, жапалақты ұйықтатпады.

Далаға шығайын десе жапалақтың көзі көрмейді. Ол ашуланып, түннің болуын күтті. Түн болды. Жапалақ орманшыдан бір түйір шеге сұрап алып, тоқылдақтың шоқып тастаған жеріне әкеліп, тығып қойды. Ойында ештеңе жоқ тоқылдақ келе сап, кешегі жерді шоқып қап, аузы басы қан – қан болып, жерге құлап түсті.Тоқылдақтың үнсіз қалғанына қуанған жапалақ армансыз ұйқыға кетті. Осы оқиғадан кейін жапалақ ұя салған талды ешкім мазаламады. Бір күні түнімен серуендеп ұясына келген жапалақтың құлағына құрт кіріп кетті. Құлағының іші гүрілдеп, басы айналған жапалақ далаға зыта жөнелді. Шыға бере қарсыдағы талға соғылып, басы айналып құлады. Сонда байқады ағашқа құрт – құмырсқа қаптап кеткенін. Зәре құты қалмаған жапалақ, өзін осы құрт – құмырсқадан тоқылдақтың сақтап жүргенін түсінді.

Кеш бату бойына ол тоқылдақты іздеуге шықты. Орманды аралап жүріп, тоқылдақтың үйін тауып алды. Есігін әрі қақты, бері қақты жауап берген ешкім болмады. Тек талдың түбінде ұйықтап жатқан торғай еріне: