Құстар – біздің досымыз тәрбие сағаты, 2-сынып

«№2 Қашар орта мектебі» КММ

«Құстар - біздің досымыз»

(Ашық тәрбиелік сағат)

Сынып: 2 «Ә»

Мұғалім: Ганиева Г.Ж.

2016-2016 оқу жылы

Күні: 02.03.2017

Сынып: 2 «Ә», 2 «А»

Пән: Сынып сағат

Тақырып: «Құстар – біздің досымыз»

Сабақтың мақсаты: Құстар,соның ішінде жыл құстары туралы түсінік беру, құстардың тіршілігі туралы баяндау; құстар туралы жұмбақтар шешу арқылы қызығушылығын арттыру,құстар бағына саяхаттауды техникалық құрылғылардың көмегімен тамашалай отырып құстарды қорғауға деген сезімін арттыруға жетелеу; оқушыларға экологиялық тәрбие беру,яғни құстарды қорғауға, оларға тиіспеуге, ұя жасап қарсы алуға тәрбиелеу.

Сабақтың түрі: Сайыс сабақ. Қолданылатын әдіс: Топтастыру, әңгімелеу, сұрақ-жауап, ойын Көрнекілігі: слайд, суреттер, сөздерСабақ барысы:

I.Ұйымдастыру кезеңі

II. Ойын. «Қандай құс?»

III.Қорытынды

Құрметті ұстаздар, Ата-аналар және оқушылар, қош келдіңіздер!Сіздерді көңілдеріңізге жылы шуақ ұялатар көктем мерекесімен құттықтаймыз!Құстар,құстар келедіЖерді шуға бөледіКөктем келді деп бізгеЖақсы хабар береді.Ән құрадым әнімменСән құрадым гүлімменҚуантамын бәріңдіҚұт-береке күнімен! - Сіздерді мектебіміздегі бастауыш сынып апталығына орай ұйымдастырылған «Құстар – біздің досымыз» атты сынып сағатымызды тамашалауға шақырамыз.

Елімізде 500-ге жуық құстың түрі бар.Олар табиғатты зиянкестерден қорғайды.Сондықтан олар табиғат емшілері. Олар тіршілік иелері. Олар ұрпақ өрбітеді.Балапандарын қанаттандырып, жауларынан қорғайды.Құстар табиғатқа сән береді.Олардың әуені табиғатты құлпыртып, адамдардың көңіл-күйін көтереді. Құстардың түрлері өте көп.Сол құстарды қорғауға, аялауға арналған сынып сағатымызды бастамас бұрын сіздерді ең алдымен сайыс қатысушыларымен таныстырып өтейін:2 «Ә».Аймұрат Нұрқасым және анасы Құлмұханова Камшат Қалмырзаевна

2 «Ә».Советова Ақерке және әкесі Тилеулиев Құттыбек Советович

2 «А».Айбол Дулатбек және анасы Кұлбасова Ғалия Ордабаевна

2 «А».Өмірбеков Жасұлан және анасы Досжанова Гулбану Жамиевна.

Енді сайыс шарттарымен таныстырып өтейін:

I. Ғажайып ертегі.

II. Жұмбақ шешу

III. Ойын. «Қандай құс?»

IY. Өтірік өлең

Y. Халық болжамдары

YI. Мақал – сөздің мәйегі.

YI I. Постер қорғау.

- Сайысымызға сақадай сай келген қатысушыларымызды топқа бөліп алайын.Ол үшін үстелді тұрған пазлды құрастырады. Қай құсты құрастырса, топтары сол құспен аталады. (Топтардың аты анықталады)

Енді осы сайыскерлеріміздің білімдерін әділ бағалайтын әділқазылар алқасымен таныстырып өтейін. (Әділқазылар алқасы таныстырылады)

I. Ғажайып ертегі.

Сайысымыздың бірінші шартында берілген тірек сөздерді пайдаланып, ертегі құрастыру керек. Ертегі кейіпкері міндетті түрде өз тобының атауындағы құс болуы керек.Ертегі құрастыруға 3 минут уақыт беріледі.(Уақыт 3 минут)

II. Жұмбақ шешу.

Бұл шартының тапсырмасы сіздерге түсінікті деп ойлаймын. Өздеріңіз таңдап алған жұмбақтың шешуін табу керек.

1. Бір құс бар

Түнде ұшып,

Күндіз ұшпайтұғын

Құлағы мн көзі мысыққа ұсайтұғын. (Үкі)

2.Тұмсығымен ояды

Ұя салып қояды

Айтыңдаршы балалар

Бұл қандай құс болады? (Тоқылдақ)