Құстардың көктемгі тіршілігі сабақ жоспары 3 сыныпқа

Дүниетану

Сабақтың тақырыбы: Құстардың көктемгі тіршілігі

Сабақтың мақсаты:

1.Білімділігі: Оқушыларға құстардың пайдасын түсіндіру. Көктемде құстар тіршілігінде болатын өзгерістерді ұғындыру.

2.Дамытушылығы: Өлі табиғатта болған өзгерістердің тірі табиғатқа тигізетін әсерін ұғындыру, дүниенің біртұтастылығын түсінуге жағдай жасау.

3.Құстарды қорғауға, қамқорлық жасауға баулу, табиғатты сүюге тәрбиелеу.

Сабақтың көрнекілігі: Құстары суреттері, «Кім тапқыр» ойыны, шығармашылық тапсырма, топтық тапсырмалар, жұмбақтар.

Сабақтың түрі: Жарыс сабақ

Сабақтың әдісі: Көрнекілік, түсіндіру, сұрақ- жауап, топтық, дамыта оқыту.

Сабақтың әдісі:

І.Ұйымдастыру.

ІІ. Психологиялық дайындық

а) оқушылардың сабаққа қатысын тексеру, әзірлету. Оқушы назарын сабаққа аудару.

б) топқа бөлу. І топ «Бәйшешек» тобы

ІІ топ «Қызғалдақ» тобы

ІІІ топ «Қоңыраугүл» тобы

ІІІ. Үй тапсырмасын тексеру.

а) Жабайы аңдардың көктемгі тіршілігі?

ә) Сұрақ- жауап

-Жабайы аңдар балаларын қалай күтеді?

- Жабайы аңдар балаларын тіршілік әрекетіне қалай үйретеді?

- Аңдардың балаларын ата?

б) Қорыту мақсатында «Кім тапқыр» ойынын ойнату.

ІІІ. Жаңа сабақ

а) Құстардың көктемгі тіршілігі

-Балалар, біз сендермен табиғат деген бізді қоршаған тау- тас, су, ауа, жер, өсімдіктер, жануарлар екенін білеміз. Біз бүгін табиғаттың бір бөлігі- құстарға тоқталамыз. Құстар- бау- бақшаның, орманның сәні, әні, емшілері. Құстар- біздің досымыз.

ә) Сурет бойынша түсінік беру.

1.Көктем келді. Жыл құстары өз мекеніне оралды. Қарға, сауысқан ұяларын ағаш бұтақтарына салады. Сауысқан сақтығымен, сергектігімен әйгілі. Қарға тамақ таңдамайды. Кез келген жерден өзіне қорек таба алады.

2.Қарлығаш- айыр құйрықты, қанаттары ұзын, әрі үшкір келетін шағын денелі қара ала құс. Басқа құстардан айырмашылығы жемін ұшып жүріп ұстайды. Суды да ұшып жүріп ішеді. Бүкіл әлемде қарлығаштың 80 түрі бар. Зиянды насекомдарды, шыбын- шіркейлерді жеп ауыл шаруашылығына пайда келтіреді. Жылына 2 рет жұмыртқалайды.

3. Көкек дене тұрқы 25-40 см. Көкектер ұя жасамайды. Олар жұмыртқаларын басқа құстардың ұяларына тастап кетеді. Өз ұрпағына ұқыпсыз болса да өте пайдалы құс. Күніне 39 шегіртке, 43 құрт, 53 шымырлауық қоңыз жейді. Көкекті халық аты жоқ құс деп атайды, өйткені ол өзі атын өзі шақырады.