Құстарға көмектесеміз тақырыбына сабақ жоспары, 6-сынып

Сабақтың тақырыбы: Құстарға көмектесеміз 6- сынып. Күні. ........ Сабақтың мақсаты: а) Құстар жайында жалпы түсінік беру. Құстардың түрлеріне тоқтау. Көптік жалғауларын пысықтау ә) Қоршаған ортаны аялауға шақыру, құстарды сүюге тәрбиелеу.. б) Сөздік қорын байыту. Жаңа сөздер мен сөз тіркесін, сөйлем құрауға үйрету. Ауызекі сөйлеу тілін дамыту. Сабақтың әдіс- тәслі : Түсіндірмелік, көрнекілік, деңгейлеп оқыту әдісі. Сабақтың көрнекілігі: Таратпалар,суреттер Сабақтың барысы: І.Ұйымдастыру кезеңі Оқушылармен сәлемдесу.Сабаққа қатысын тексеру. ІІ. Сабақтың мақсатын ашу, баланы бүгінгі іс- әрекетімен таныстыру. ІІІ. Үй тапсырмасын тексеру. ІV.Жаңа білімді түсіндіру және жаңа білімді бекіту

1 - ситуациялық сұрақ. Егер орманда жүрген балалар құстардың ұясынан жұмыртқасын алып кетпекші болса, сен не айтар едің? 2 - ситуациялық сұрақ. Егер құстың ұясынан балапаны жерге түсіп кетсе, сен қалай істер едің?

Жаңа сөздермен танысу

Сөздік

торғай- воробей қарға- ворона сауысқан - сорока аққу -лебедь үйрек -утка құр -куропатка қарлығаш- ласточка кептер-голубь тоқылдақ- дятел Мәтінмен жұмыс (Оқушыларға абзацтарға бөліп оқыту) Мұғалім өзі түсіндіреді. Слайд көрсету.

Сауысқан (сорока) – ала қанатты, ұзын құйрықты құс. Қазақстандағы ең құйрығы ұзын құс. Оның құйрығы 35 см. Ол өте сақ. Ерекшелігі – жылтыр, әшекейлі заттарға әуестігі. Оның ұғымталдығы да соншалық – кәдімгі қараторғай мен тоты секілді, адамның айтқан сөзін жаттап алады. Кез келген тамақты қорек етеді. Қауырсындары біріңғай қара емес, жасыл реңкті келеді, бүйіріндегі қауырсыны аппақ.

Суықторғай (снегирь) – ағаш қуыстарын, індерді, үй – жайларды мекендейді.

Бұталардың дәнімен, жемісімен қоректенеді. Кейде тоқылдақ қорегінің қар бетіне түскен қалдығын теріп жейді.

Қарға (ворона) – басы, қанаты, құйрығы қара, ал арқасы мен бауыры сұрғылт, тұмсығы үшкір, тырнақтары өткір. Түрлі тамақ қалдықтарын тырнақтарымен қар астынан шұқып жейді. Бұл өте ақылды құс. Оның балапанын сөйлеуге үйретуге болады. Қарғалар ұзақ өмір сүреді.

Тоқылдақ (дятел) – Қазақстанның тұрғылықты құсы. Түсі шұбар, өте жылдам қимылдайтын еңбекқор құс. Ағаштардың қабықтарының арасындағы бунақденелілермен қоректенеді. Қар үстіне түскен қалдығын торғайлар теріп жейді. Осылай өзге құстарға да жемін табуына көмектеседі. Өте суық, аязды күні адам тұрағына жақын келеді.

Кептер (голубь) – басы кішкентай, тұмсығы түзу, сирағы қысқа құс. Кептердің қолға үйретілген түрін халық арасында “көгершін” деп атайды. Өсімдік тұқымымен, астық тұқымдарының дәнімен қоректенеді. Шымшық – сұр, қоңыр түсті, қауырсынды кішкентай, отырықшы құс. Ауыл маңайында, аулада жүріп, жемін табады.

Құр (куропатка)– орман құсы. Итмұрын, бұта арасында тіршілік етеді. Қоразы ірі, түсі қара қанатынан қиғаш орналасқан ақ жолақ айқын байқалады. Құйрығының қауырсыны сыртына қарай қайырылып орналасады. Негізгі қорегі - өсімдіктер. Ол алысқа ұша алмайды. Аязды күндері қар астына кіріп, сонда түнейді. Күн көзі шыққан кезде ғана қардан шығып жемін іздейді.

1 – тапсырма. Сөздіктегі сөздерге көптік жалғауын жалғау және сөз тіркесін құрау. Үлгі; торғай-лар

2 – тапсырма. Мәтінді оқып, мазмұнын түсіну. Құстар Құстар –табиғаттың көркі .Құстар өзгеше болып жаратылған құбылыс иесі. Құстардың адамдарға тигізер пайдасы мол . Біз де оларға қамқор болуымыз қажет. Қалада көбіне кептерлер ,қарғалар , торғайлар көптеп кездеседі . Қыс айларында оларға ерекше қамқорлық керек. Сондықтан біздер оларға жиі жем беріп тұруымыз керек.

3-тапсырма. Мәтінге сұрақтар құрастыр: 4-тапсыриа. «Қамқор» сөзіне фонетикалық талдау жасаңыз. 5-тапсырма. Сөз құрамына қарай талдау: Құстардың, торғайларға.

6-тапсырма. Сөйлемді сұраулы сөйлемге айналдырып жаз : Құстардың адамдарға тигізер пайдасы мол .

V. Қорытындылау Балалар бүгін біз сіздермен нелермен танысып не туралы білдік? VІ. Үйге тапсырма беру. Біз құстарға көмектесеміз тақырыбына диалог. VІІ. Оқушыларды бағалау