Құстарға қамқор болайық тәрбиелік жұмыс, мектепалды топ

Ата-анамен жұмыс

Тақырыбы: «Құстарға қамқоршы болайық» (іс - шара - акция)

Мақсаты:Тәрбиеленушілер мен ата-аналарға жергілікті жерде мекендейтін құстар туралы мағлұмат беру, оның ішінде қыстап қалатын құстар туралы түсінік беру, қамқорлық жасауға жағдай туғызу.Құстарға ұя,жемсалғыш жасату арқылы,ата-аналарды балабақшамен тығыз байланыста болуға ықпал жасау.Қамқлолыққа,тиянақтылыққа тәрбиелеу.

Балалар,ата-аналар біз бүгін табиғаттың бір бөлігі құстар туралы, яғни қыстап қалатын құстар туралы әнгіме қозғаймыз, құстар бау - бақшаның сәні, емшісі. Біздің халық ежелден ақ құстарға әуес, оларға деген сүйіспеншіліктерін шексіз дәріптеп, ең жақсы көретін адамды құсқа тенеген. Жер бетінде 8600 ге жуық құстар түрі бар десек, біздің елімізде 500 дей түрі кездеседі екен. Ал жергілікті жерімізде шымшық, торғай,кептер, суықторғай ,қарға ,сауысқан ұшпай қыстап қалады ,ал қалған құстар ұшып кетеді екен. Қыстап қалатын құстар ешқайда жылжымайды екен. Ал жыл құстарын айтсақ аққу, қарлығаш, үйрек, шағала т.б.

Ата –бабаларымыз сұлуын аққуға, батырын қыранға, әншісін бұлбұлға теңеген екен. Ал балалар құстар болмаса не болады? Құстар болмаса апат болады. Ормандар, далалар үнсіз қалады. Зиянды жәндіктер, кеміргіштер қаптап кетеді,бақшаларда құрттар, қоңыздар қаптайды.Орман жемістерінің тұқымдарын тарататын ештеңе қалмайды.Ол үшін құстарға не істеуіміз керек?

Қазір қыс мезгілі болғандықтан,құстарға өте қиын.

Құстар аязды күндері қар астына кіріп сонда түнейді екен. Күн көзі шыққан кезде ғана қардан шығып жемдерін іздейді екен. Адам мен құстардың достығы сонау ерте заманнан басталған. Адамды алғаш рет таңдандырған құстардың ұшу қабілеті.Себебі ертегілердің көпшілігінде адам басына қауіп төнген кезде құтқарушы, жақсылық жасап дәулет сыйлаушы Бақыт құсы кедеседі. Сондықтан да халық аңыздарында қанатты достарымызды айлалы, ақылды етіп көрсетеді екен.Осы құстарға қамқорлық көрсету мақсатында

«сұңқар»тобының ата-аналарының арасында «Құстарға қамқорлық» атты сайы өткізгелі отырмыз.

Олай болса бүгінгі сайысқа қатысушы ата-аналарымызды ду қол шапалақпен ортамызға шақырамыз.

Бүгінгі сайысымыздың әділ бағасын беретін қазылар алқасымен таныстырып өтетін болсақ

1 Балабақша директоры:Сүлейменова Амангүл Шабадынқызы

2 Балабақша әдіскер:Талипова Гүлжан Шәмшақызы

3 Балабақша психологы:Меңдіқұлова Ақжайық Жақсылыққықы

Бүгінгі сайысымыздың шарттарымен таныстырып өтетін болсам

1 Мақал-мәтел сайысы

2 Жұмбақты шешіп көр.

3 Викториналық сұрақтар

4 Ребус құрастырамыз.

5 Ән шашу.

Олай болса екі топтың ұрандарына кезек берейік.

1 - топ

2 - топ

Құстардың адам өміріндегі маңызы туралы қазақ халқының тамаша мақал-мәтелдері қаншама десеңші! Мақал-мәтелдер халықтың педогогикалық үлкен бір арнасы, олар сан ғасырлар бойы қорытылып, кесек гаухардай жентектелген сөз асылы.

І-кезең

Топтарды ортаға шақырайық. Әр топ мақал – мәтелдерге зер салып, жалғасын тапсын

1. Өлеңге енсе, сөз сұлу

Аққу жүзсе,...................(көл сұлу)

2. Қарға баптанып,сұнқар болмас,

Есек мақтанып,....................(Тұлпар болмас)

3. Бұлбұлға бау жақсы ,кекілікке тау жақсы,

Ер жігітке бәрінен туып өскен..............(ел жақсы)

4 Ит тамағы үшін жүгіреді. (Құс тамағы үшін ұшады. ) 5 Құс қанатымен ұшады, (құйрығымен қонады.) 6 Аққуды атпа, ( досыңды сатпа! )

7 Тұлпар шаба жетіледі,(Сұңқар ұша жетіледі).