Құтты болсын, жаңа жыл тәрбие сағаты

«Құтты болсын, Жаңа жыл!»

Мақсаты: Қысқы табиғаттың әсемдігін балаларға сезіндіру. Жаңа жыл мерекесі, жаңа жыл шыршасы туралы, «Аяз Ата», «Ақшақар» кейіпкерлері туралы түсіндіріп, мерекелік әсер қалыптастыру. Алған әсерлерін сөзбен жеткізе білуге қабілеттерін дамыту. Әсемдікке, тапқырлыққа, алғырлыққа тәрбиелеу.

Көрнекілігі: Шырша, шарлар, дождиктер, плакаттағы жаңа жылдық суреттер және де құттықтау сөздер.

Жаңа жылға арналған мерекелік ертеңгілік өткізілетін залға балалар қол ұстасып кіреді.

Тәрбиеші: Сәлеметсіңдер ме қонақтар, ата-аналар?! Міне, көптен күткен жаңа жыл мерекесі де келіп жетті. Жаңа жыл мерекелерініз құтты болсын!

Құттықтау сөз: П.Күзербайқызына береміз!

Тәрбиеші: Жаңа жылдың таңы неткен арайлы,

Ақ мамыққа бөлеп алды маңайды.

Жаңа жылмен құттықтаймын деген үн

Әр қанатты кең алқапта тарайды!

Хор: Жаңа жылмен, жаңа жылмен,

Құттықтаймыз әрине.

Әкемізді, анамызды, қонақтардың бәрінде!

Балалар, қараңдаршы шыршамыз қандай әсем, ойыншықтарымыз қандай әдемі? Осы шыршамызға арнап ән – тақпақ айтайық!

Ән: «Ақшақар» әні орындалады.

1.Абдурахман: Жасыл желек жамылған,

Асыл моншақ тағылған,

Міне, сұлу шыршамыз.

Көптен, күтіп сағынған,

Кел, балалар, келіңдер,

Тамашаны көріңдер.

2.Жомарт: Әдемілеп біз ілген

Ойыншықтар тізілген.

Қандай жақсы шыршамыз

Ә н шырқайық баршамыз

Енжарлықты тастайық

Шырша тойын бастайық!

3. Раушан: Аққу мамық ұлпа қар,

Жамылады шыршалар,

Шымшып аяз бетіңді,

Шыратады етіңді.

Би: Ұлпақарлар биі (________________________________________________________)

4. Аружан: Тамаша, тамаша!

Шыршамыз тұр жараса.

Басында әсем жұлдызы,

Көз тоймайды, қараса.

5. Бекарыс:Сақалы аппақ күмістей

Тістері аппақ күріштей,

Нұр жайнаған жанары,

Сағындым аяз атаны

Жылдамырақ келсе екен

Бізге сыйлық берсе екен,

Балаларды сағынып.

Би: Қояндар биі (Бекарыс, Жомарт, Абдурахман,Қайсар, Ернар,Арнұр)

Тәрбиеші: Жарайсыңдар балалар. Балалар мен сендерге жұмбақ жасырайын

Ақ сақалды шал жылына,

Бір – ақ рет келеді,

Қызымен ұлына

Сыйлық алып келеді! (Аяз ата)

Балалар, енді жаңа жылдық кешімізге Аяз атаны шақырайық. Ол орманда жүріп адасып кеткен болар.

Балалар: Аяз Ата! Аяз Ата – Ақшақар! – деп айғайлап шақырады.

Аяз Атаның орнына мыстан кемпір ұшып кіреді де, шыршаны бір айналып барып, қонақтардың алдына келіп тұра қалады.

Мыстан: Пай-пай! Мен қайда келдім өзі. Мына шыршаның кереметін – ай! Үйге алып кетсем бе екен? / осы кезде мыстан төменге еңкейіп, шыршаның түбірімен жұлып алғысы келеді./

Тәрбиеші:

Мыстан кемпір! (Мыстан оған мін бермейді де шыпшаны жұлуын тоқтатпайды). Біз «Жаңа жыл» мерекесін тойлап жатырмыз, тимеңіз біздің шыршамызға! / мыстан сөзге мән бермей, былай дейді: Туу! / Маңдайдағы терін сүртіп тұрып./ Мына шыршаның тамырының терең отырғызғанын – ай, жұлынбайды ғой. Сол кезде шыршадағы жалтыраған кілтті көріп қалады да: мынау қандай қызық кілт өзі, осы кілт бағана менің ұшіп келе жатқанда көрген сандықтың кілті болар. Сол сандықтан бір керемет дәмнің иісі шығып еді, мүмкін ақша да бар шығар. Мен шыршаға тимей – ақ, осы кілтті алып барып сандықты ашайын, мүмкін тамағына тойып, ақшасына байып қалармын!

Мыстан кемпір кетіп қалады.

Тәрбиеші: Балалар, кәне тойды жалғастырайық, Аяз Ата кешікті ғой. Мүмкін адасып кеткен болар. Әнімізде шырқап, атамызды шақырайық!

Аяз Атамен Ақшақар кіреді. Жаңа жылда қосылып кіреді.

Аяз Ата: Амансыңдар ма ұлдарым,

Амансыңдар ма қыздарым,

Қандай жарқын жүздерің,

Қандай әсем жырларың,

Аталарың сендерге

Шаршап келді алыстан.

Керемет бір ән тыңдап,

Келіп тұр аз демалғым.

Қарашы Ақшақар балалардың киімі қандай әдемі. Шыршада әсем безендірілген екен. Бәрі де тым сұлуланып кетіпті.

Шырша шамын жағайық,

Жаңа жыл тойын ашайық.

Ақшақар: Мен шырша шамын жағатын, сиқырлы таяғымды жоғалтып алдым! Осы кезде Аяз Ата оны жұбатып тұрып: қазір мен – ақ өзімнің таяғыммен жағамын – дейді.

Ақшақар: Қойыңыз ата! Сіз бұл таяғыңызбен шыршаны қатырып тастайсыз.

Тәрбиеші: Ақшақар сиқырлы таяғың қандай еді?

Ақшақар: Менің таяғым жалтырауық, пішіні жүрекке ұқсайды. Сіздер оны көредіңіздер ме?

Тәрбиеші: Жаңа мұнда мыстан болған, ол ұшып бара жатып, қалтасынан жылтыраған бір затын түсіріп алды, сол емес пе екен? Кәне, аңдар іздеп көріңдерші, сол затты мүмкін тауып берерсіңдер.

/сөйтіп, қоян сиқырлы таяқты тауып алады/

Аяз Ата: Жарайсың, балапаным! /бетінен сүйеді/

Тәрбиеші: Кәне, бізде шырша жағуға көмектесейік, әнімізді айтайық!

Ән: Шырша жыры / шырша шамы жағылады/

1, 2, 3. Шырша шамы жарқырай түс!

Тәрбиеші: Ал балалар, балалар

Ескі жылдай аға бар.

Оны ортаға лайық

Қош айтысып қалайық.

Қой жылы кіреді. Ескі жылмен қоштасады.