Қуыршаққа арналған сақина жасау жұмысы, мектепке дейінгі топ

Ұйымдастырылған оқу-іс әрекетінің технологиялық картасы№3

Күні:

Топ:

Білім саласы: Шығармашылық

ҰОҚ: Сурет салу.

Бөлімі:

Ұйымдастырылған оқу қызметінің тақырыбы: Қуыршаққа арналған сақина.

Ұйымдастырылған оқу қызметінің мақсаты: Сақинаның дөңгелекке ұқсастығын тауып, соны сала білуге жаттықтыру.

Ұйымдастырылған оқу қызметінің міндеттері:

Білімдлік: Сақинаны салуда бояуды сызықтың шеттеріне шығармай бояуды үйрету.

Дамытушылық: Сурет салуға қызығушылықтарын арттыру.

Тәрбиелік: Сурет салуға қызығушылықтарын арттыру, ұқыптылыққа тәрбиелеу.

Сөздік жұмыс: Сақиналар, домалақ.

Блингвалдық компонент: Сақина-колечка

Қолданылатын көрнекі құралдар: Демонстрациялық көрнекілік, сақиналар түрі.

Оқу қызметінің кезеңдері.

Тәрбиешінің әрекеті.

Баланың іс-әрекеті.

Есеп +

Есеп -

Ой қозғайтын себептер.

Балаларға балабақшаға келе жатқанында жолдан сиқырлы дорба тауып алғандығын айту. Қандай сиқыр жатқандығын сендермен бірге жауабын табатындығын түсіндіреді. Бұл қандай зат, қай ертегі кейіпкері, пішіні, түсі, қалай аталады? Сақинаны кімдер тағады, не үшін. Сақиналар қандай болады. Пирамида дөңгелектері мен сақинаның ұқсастығына тоқталады.

Осы домалақ пен сақиналарды салуды ұсынады.

Балалар біртіндеп келіп қолдарын дорбаның ішіне салып, заттарды алып сипаттама береді. Бұл бауырсақ ертегісіндегі бауырсақ, ол домалақ, сондықтан домалай береді, бұл кішкентай доп, ол да домалақ, домалағанды жақсы көреді, мынау пирамида ойыншықтары, оның жеке сақиналары болады, олар дөңгелекке ұқсайды, ал мынау саусаққа тағатын әшекей сақина, олар да дөңгелекке ұқсайды деп сипаттама береді.

Ізденіс-ұжымдық негізгі бөлім.

Сергіту сәті :

Сыңғыр-сыңғыр сырғалар,

Құлағымда ырғалар.

Оң қолымда білезік,

Сол қолымда білезік,

Саусақтарда сақина

Санап көрші қанекей

Демалайық жинап күш.

Оң қолдарына қылқаламды алып, ауада дөңгелектер мен сақиналарды салып жаттықтыру. Алдарында суретті дәптерде қуыршақ Айсана тұрып, балаларға ең әдемі сақина салып беруді сұрап тұрғандығын түсіндіру. Сақинаны салуда бояуды сызықтың шеттеріне шығармай, штрихтарды бір-біріне қосып бояу және сары бояумен сақинаның шетін, қызыл бояумен сақинаның тасын /көзін/ бояу керектігін түсіндіреді.

Суреттерін салып болғанда, көзге жаттығу жасату.

Сергіту сәтін жасайды.

Айсанаға арнап оң қолдарына қарындашты алып, солдан оңға қарай дөңгелек сақина салады, ішін дөңгелетіп бояйды.

«Қорқақ қоян» - көздерін кезек-кезек, жиі-жиі жыпылықтатады.

Рефлекциялық түзету.

Салған суреттерін көріп шығуды ұсыну.